ເຈົ້າໜ້າທີ່ ປະກາດຫາເຈົ້າຂອງລົດຈັກທີ່ເສຍໄປ 2 ຄັນ ໃຫ້ພົວພັນເອົາຢູ່ ປກສ ເມືອງໂພນໂຮງ

ກອງບັນຊາການ ປກສ ເມືອງໂພນໂຮງ ແຂວງວຽງຈັນ ໄດ້ອອກແຈ້ງການ ເລກທີ 390/ປກວ.ມພຮ ລົງວັນທີ 20 ມີນາ 2023, ໂດຍແຈ້ງມາຍັງພະນັກງານທະຫານ-ຕໍາຫລວດ, ພໍ່ຄ້າຊາວຂາຍ ຕະຫລອດຮອດພໍ່ແມ່ປະຊາຊົນບັນດາເຜົ່າຊາບທົ່ວເຖິງກັນວ່າ: ປັດຈຸບັນນີ້ເຈົ້າໜ້າທີ່ກອງບັນຊາການ ປກສ ເມືອງໂພນໂຮງ ໄດ້ກວດກາ ແລະ ເກັບກູ້ລົດຈັກ ຈໍານວນ 2 ຄັນ ລະອຽດຄື:

1. ລົດຈັກເວບຮ້ອຍຍີ່ຫໍ້ຮອນດ້າ ສີດໍາ ເລກຈັກ HA 15 E 2221273 ເລກຖັງ RP2HA 1500 2221273 ບໍ່ຕິດປ້າຍທະບຽນ.
2. ລົດຈັກເວບຈີນສີຟ້າ ເລກຈັກ JAIAE – 1371590 ເລກຖັງ MLHJA 1402L 5471590 ບໍ່ຕິດປ້າຍທະບຽນ.

ຜ່ານການກວດກາ ແລະ ເກັບກໍາຫລັກຖານຕົວຈິງຂອງເຈົ້າໜ້າທີ່ ກອງບັນຊາການ ປກສ ເມືອງໂພນໂຮງ ເຫັນວ່າລົດ 2 ຄັນ ບໍ່ມີເອກະສານທີ່ຢັ້ງຢືນເຖິງຄວາມຖືກຕ້ອງຂອງລົດຈັກຈໍານວນດັ່ງກ່າວແຕ່ຢ່າງໃດ. ພາຍຫລັງແຈ້ງ ການໄປແລ້ວຖ້າຫາກວ່າບຸກຄົນໃດວ່າແມ່ນລົດຈັກຂອງຕົນເອງ ກໍໃຫ້ນໍາເອົາເອກະສານທີ່ພົວພັນເຖິງລົດມາພົວພັນຢູ່ ກອງບັນຊາການ ປກສ ເມືອງໂພນໂຮງ (ພະແນກຕໍາຫລວດ) ຕາມດ້ວຍເບີໂທ 020 58378333 ໃນໂມງລັດຖະການ ກໍານົດພາຍໃນ 30 ວັນ ນັບຕັ້ງແຕ່ມື້ອອກແຈ້ງການເປັນຕົ້ນໄປ ຖ້າກາຍກໍານົດຖືວ່າສະຫລະສິດ ສ່ວນລົດຈັກແມ່ນຈະໄດ້ຢຶດເປັນຂອງລັດ.

ດັ່ງນັ້ນ ຈຶ່ງໄດ້ແຈ້ງການສະບັບນີ້ມາຍັງພະນັກງານທະຫານ-ຕໍາຫລວດ,ພໍ່ແມ່ປະຊາຊົນບັນດາເຜົ່າຕະຫລອດຮອດ ພໍ່ຄ້າຊາວຂາຍ ເພື່ອຮັບຊາບ.