ທ່ານ ເນທັນຢາຮູ ຕັດສິນໃຈໂຈະການລົງມະຕິຮ່າງກົດໝາຍປະຕິຮູບສານ ຫລັງເຫດປະທ້ວງເລີ່ມຮຸນແຮງ

ນາຍົກລັດຖະມົນຕີ ເບັນຈາມິນ ເນທັນຢາຮູ ຂອງອິດສະລາແອນ ຕັດສິນໃຈໂຈະການລົງມະຕິພິຈາລະນາຮ່າງກົດໝາຍປະຕິຮູບສານອອກໄປອີກໄລຍະ ເພື່ອໃຫ້ເກີດ “ການທົບທວນ ແລະ ອະພິປາຍກັນຢ່າງແທ້ຈິງ” ໃນສັງຄົມ ຫລັງເຫດຊຸມນຸມປະທ້ວງຕ້ານແຜນປະຕິຮູບດັ່ງກ່າວເລີ່ມຍືດເຍື້ອ ແລະ ຮຸນແຮງຂຶ້ນ.

ໂດຍຜູ້ນໍາອິດສະລາແອນຍັງຢືນຢັນເຖິງຄວາມຈໍາເປັນຈະຕ້ອງມີການປະຕິຮູບລະບົບຕຸລາການຂອງປະເທດຄືນໃໝ່, ພ້ອມຄາດວ່າການລົງມະຕິຮ່າງກົດໝາຍດັ່ງກ່າວນີ້ຈະເກີດຂຶ້ນອີກຫລັງຈາກເທດສະການມື້ພັກຍາວຂອງຊາວຢິວນັບແຕ່ວັນທີ 5-13 ເມສານີ້ສິ້ນສຸດລົງ.

ເຖິງຢ່າງໃດກໍຕາມ, ນັກວິເຄາະຈໍານວນບໍ່ໜ້ອຍຕ່າງເບິ່ງວ່າການເລື່ອນໄລຍະເວລາການລົງມະຕິອອກໄປອາດບໍ່ພຽງພໍຈະເຮັດໃຫ້ສະຖານະການພາຍໃນອິດສະລາແອນສະຫງົບລົງ ເນື່ອງຈາກຊາວອິດສະລາແອນຈໍານວນຫລາຍຕ່າງເບິ່ງວ່າແຜນປະຕິຮູບສານຂອງທ່ານ ເນທັນຢາຮູ ທໍາລາຍລະບອບປະຊາທິປະໄຕຂອງອິດສະລາແອນ ແລະ ຈະປ່ຽນໃຫ້ອິດສະລາແອນກາຍເປັນປະເທດຜະເດັດການ.

ອ້າງອີງ:

https://edition.cnn.com/…/israel-netanyahu…/index.html

https://www.theguardian.com/…/benjamin-netanyahu-delay…

https://www.aljazeera.com/…/israel-pm-netanyahu…