ດ່ວນ!! ປະກາດຫາເຈົ້າຂອງລົດ TOYOTA FOTUNER ໃຫ້ມາພົວພັນເອົາລົດຢູ່ ປກສ ແຂວງວຽງຈັນ

ກອງບັນຊາການ ປກສ ແຂວງວຽງຈັນ ໄດ້ອອກແຈ້ງການ ເລກທີ 1711/ປກສ.ວຈ ລົງວັນທີ 23 ມີນາ 2023, ເຖິງພະນັກງານ, ທະຫານ, ຕໍາຫລວດ ພໍ່ຄ້າຊາວຂາຍ ຕະຫລອດຮອດພໍ່-ແມ່ປະຊາຊົນ ບັນດາເຜົ່າໃນຂອບເຂດທົ່ວປະເທດຊາບວ່າ: ວັນທີ 7 ກຸມພາ 2023 ເຈົ້າໜ້າທີ່ພາກສ່ວນພະແນກວິຊາສະເພາະຫ້ອງຕໍາຫລວດ ປກສ ແຂວງວຽງຈັນ ໄດ້ກັກລົດຍົນ 1 ຄັນ.

ຜ່ານການກວດກາ, ເກັບກໍາຂໍ້ມູນຫລັກຖານຕົວຈິງຂອງເຈົ້າໜ້າທີ່ພະແນກວິຊາສະເພາະ, ຫ້ອງຕໍາຫລວດ ປກສ ແຂວງວຽງຈັນ. ຈາກການກວດກາເຊັກຖານຂໍ້ມູນການຂຶ້ນທະບຽນລົດນໍາກົມຂົນສົ່ງຕາມໃບທະບຽນທີ່ຕິດມານໍາລົດ ລະຫັດເລກທີ ຂສ ແມ່ນ: 2437965, ເລກທີ ກພ ແມ່ນ 1100858 ໝາຍ ເລກທະບຽນ: ຂລ 9749 ກໍາແພງນະຄອນ (ເອກະຊົນລາວ) ອອກຊື່ ທ້າວ ພົງພານິດ ອິນທະເລດ, ບ້ານ ຫົວຊ້າງ (16) ເມືອງນາຊາຍທອງ, ແຂວງກໍາແພງນະຄອນ, ປະເພດລົດຈິບ, ຍີ່ຫໍ້TOYOTA, ເລກຈັກ: 1KDU553974, ລຸ້ນ: FOTUNER, ສີປອນເງິນ, ເລກຖັງ MROYZ59 G401141381, ອອກ ໃຫ້ວັນທີ 14 ທັນວາ 2021 ເຖິງ ວັນທີ 13 ທັນວາ 2025 ເຫັນໄດ້ວ່າ: ລະຫັດເລກທີ ຂສ, ເລກທີ ກພ, ສີ ຂອງລົດ ແລະ ເລກຈັກ, ເລກຖັງ ແມ່ນບໍ່ກົງກັບທະບຽນທີ່ຕິດມານໍາລົດຕົວຈິງ ແລະ ກໍຍັງບໍ່ສາມາດຮູ້ໄດ້ ເຈົ້າຂອງລົດຄັນດັ່ງກ່າວ, ຖ້າຫາກບຸກຄົນໃດສົງໃສ ຫລື ມີເອກະສານຢັ້ງຢືນຄວາມຖືກຕ້ອງວ່າເປັນລົດຂອງ ຕົນເອງ ໃຫ້ນໍາເອົາເອກະສານທີ່ກຽ່ວຂ້ອງເຂົ້າມາພົວພັນເອົາຢູ່ກອງບັນຊາການ ປກສ ແຂວງວຽງຈັນ (ຫ້ອງຕໍາຫລວດ) ພັທ ພູວັນນີ ຫລິນວັນນະລາດ 020 95508089 ໃນເວລາໂມງລັດຖະການ, ກໍານົດເວລາ 60 ວັນ, ນັບແຕ່ມື້ອອກແຈ້ງການເປັນຕົ້ນໄປ, ຖ້າຫາກກາຍກໍານົດເວລາຖືວ່າສະຫລະສິດ ລົດຍົນຄັນ ດັ່ງກ່າວຈະຖືກຢຶດເປັນຂອງລັດຕາມລະບຽບການ.

ດັ່ງນັ້ນ; ຈິ່ງແຈ້ງມາຍັງ ພະນັກງານ, ທະຫານ, ຕໍາຫລວດ, ພໍ່ຄ້າຊາວຂາຍ ຕະຫລອດຮອດພໍ່-ແມ່ປະຊາຊົນບັນດາເຜົ່າ ເພື່ອຊາບ.