ແມນຢູ ເລັ່ງຄວ້າ ໂຄເບລ ເຝົ້າເສົາແທນ ເດ ເຄອາ ຫລັງສັນຍາໃຫມ່ຍັງບໍ່ຄືບໜ້າ

ແມນເຊສເຕີ ຢູໄນເຕັດ ເລັງເປົ້າຄວ້າ ເກຣກໍ ໂຄເບລ ມືກາວຈອມຫນີບຂອງໂບຣຸສເຊຍ ດອດມຸນ ມາເຝົ້າເສົາ, ຫລັງ ດາບິດ ເດ ເຄອາ ຍັງບໍ່ຍອມຕໍ່ສັນຍາສະບັບໃຫມ່ເທື່ອ.

ເດ ເຄອາ ພວມຈະຫມົດສັນຍາໃນລະດູການນີ້ ແລະ ຫາກໍປະຕິເສດສັນຍາສະບັບໃຫມ່ທີ່ ແມນເຊສເຕີ ຢູໄນເຕັດ ຍື່ນໃຫ້ພິຈາລະນາ ເນື່ອງຈາກເບິ່ງວ່າ ຖືກສະໂມສອນກົດຄ່າເມື່ອຍຈົນຕຳ່ເກີນໄປ ເຖິງກ່ອນໜ້ານີ້ຈະມີລາຍງານວ່າ ລາວພ້ອມຫລຸດຄ່າເມື່ອຍລົງຈາກທີ່ໄດ້ຮັບຢູ່ສູງເຖິງ 375,000 ປອນ/ອາທິດ ໃນປັດຈຸບັນ ເພື່ອຕໍ່ສັນຍາກັບ ແມນຢູ ອອກໄປກໍຕາມ.

ດ້ວຍເຫດນີ້ ແມນຢູ ຈຶ່ງຕ້ອງຊອກຫາທາງເອົາໄວ້ດ້ວຍການເລັງເປົ້າໄປທີ່ ໂຄເບລ ທີ່ສ້າງຜົນງານໃຫ້ ດອດມຸນ ໄດ້ຢ່າງສຸດຍອດມາຕະຫລອດນັບຕັ້ງແຕ່ຍ້າຍມາຈາກ ສະຕຸດກາດ ເມື່ອປີ 2021 ນັ້ນ ມາຮ່ວມທີມ.

ແຕ່ມັນກໍບໍ່ໄດ້ງ່າຍຢ່າງທີ່ຄິດ ເພາະດອດມຸນ ຍັງຢາກຈະເກັບຜູ້ຮັກສາປະຕູອາຍຸ 25 ປີ ໃຫ້ຢູ່ເຝົ້າເສົາໃນຖິ່ນ ຊິກນັລ ອິດນາ ປາກ ຕໍ່ໄປ ໂດຍພ້ອມຈະຍື່ນສັນຍາສະບັບໃຫມ່ທີ່ມີຄ່າເມື່ອຍຫລາຍກວ່າເກ່ົາໃຫ້ພິຈາລະນາໃນໄວໆນີ້.

ແຕ່ຖ້າຫາກ ໂຄເບລ ຕ້ອງການຍ້າຍໄປຫາປະສົບການໃຫມ່ໆໃນພຣີເມຍລີກລະດູການນີ້ ດອດມຸນ ກໍພ້ອມຈະເປີດໂຕະເຈລະຈາກັບທຸກສະໂມສອນທີ່ເດີນເຂົ້າມາຫາກພວກເຂົາ ພ້ອມກັບຂໍ້ສະເໜີກ້ອນໃຫຍ່ 45 ລ້ານປອນ ຂຶ້ນໄປ.