ມອບ-ໂອນ 23 ຫົວໜ່ວຍວິສາຫະກິດໃຫ້ແຂວງຄໍາມ່ວນຄຸ້ມຄອງ

ວັນທີ 30 ມີນາ 2023 ຜ່ານມາ ກະຊວງການເງິນ ແລະ ແຂວງຄໍາມ່ວນ ເຊັນບົດບັນທຶກມອບ-ໂອນຫົວໜ່ວຍວິສາຫະກິດ ໃຫ້ແຂວງຄໍາມ່ວນຄຸ້ມຄອງ  ໂດຍມີທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ທ່ານ ບຸນປອນ ວັນນະຈິດ ຮອງລັດຖະມົນຕີກະຊວງການເງິນ, ມີຂະແໜງການກ່ຽວຂ້ອງຈາກສູນກາງ ແລະ ແຂວງເຂົ້າຮ່ວມ.

ປະຕິບັດຕາມມາດຕາ 03 ຂໍ້ທີ 1 ຂອງມະຕິກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ IX ສະບັບເລກທີ 63/ສພຊ, ລົງວັນທີ 9 ທັນວາ 2022. ກະຊວງການເງິນ ແລະ ແຂວງຄໍາມ່ວນ ເຫັນດີເປັນເອກະພາບມອບ-ໂອນການທົດລອງຫັນຫົວໜ່ວຍວິສາຫະກິດທີ່ສູນກາງຄຸ້ມຄອງໃນໄລຍະຜ່ານມາ ໃຫ້ແຂວງຄໍາມ່ວນສືບຕໍ່ຄຸ້ມຄອງ ແລະ ຈັດຕັ້ງປະຕິບັດໃນປີ 2023 ມີຈໍານວນ 23 ຫົວໜ່ວຍວິສາຫະກິດ ຄື: ບໍລິສັດ ໄຟຟ້ານໍ້າເທີນ 2 ຈໍາກັດ, ບໍລິສັດ ຊີໂນ-ອາກຣີໂປຕາສ ຈຳກັດ, ບໍລິສັດ ລາວຄາຍຢວນບໍ່ແຮ່ຈຳກັດຜູ້ດຽວ, ບໍລິສັດ ຄໍາມ່ວນຊີມັງ ຈໍາກັດ, ບໍລິສັດ ອຸດສາຫະກຳ ຊີມັງ ລາວ ຈຳກັດ, ບໍລິສັດ ຮ່ວມພັດທະນາແຮ່ກົ່ວລາວ-ຈີນ ຈຳກັດ, ບໍລິສັດ ຊັນສໂຕນລາວ ເອໂຊຊີເອສຕິດ ຈໍາກັດ, ບໍລິສັດ ລາວ-ໄທຊີ້ງມາຍນີ້ງ ຈໍາກັດຜູ້ດຽວ, ບໍລິສັດ ລ້ານຊ້າງຊີມັງລາວ ຈຳກັດ, ບໍລິສັດ ເຄມີ ແລະ ບໍ່ເກືອ ຫວຽດ-ລາວ ຈຳກັດຜູ້ດຽວ, ບໍລິສັດ ລາວທຽນຝາງ ບໍ່ແຮ່ຈຳກັດ, ບໍລິສັດ ຈົງຈິຮົງຊີງ ບໍ່ແຮ່ລາວ ຈຳກັດ, ບໍລິສັດ ບົວລະພາ ພາວເວີ ຈຳກັດ, ບໍລິສັດ ຜາພູເງິນ ມາຍນິ້ງ ຈໍາກັດ, ບໍລິສັດ ຊວງຊິງ ບໍ່ແຮ່ ຈຳກັດ, ບໍລິສັດ ຄູນຄຳ ຂຸດຄົ້ນແຮ່ທາດ ຈຳກັດຜູ້ດຽວ, ບໍລິສັດ ຂຸດຄົ້ນ ຫີນ-ຊາຍ ຊຸນເສີຕາ ຈຳກັດ, ບໍລິສັດ ແຮ່ຫຼິດ ກວາງຈຸງລາວ ຈຳກັດຜູ້ດຽວ, ບໍລິສັດ ນໍ້າດິກ 1 ພາວເວີ ຈຳກັດ, ບໍລິສັດ ຈົງແຫຼວ ໂຢເສີ ໂລຫະ ຈຳກັດ, ບໍລິສັດ ຈຽນຈຸນ ຣີນິວ ຊັບພະຍາກອນທຳມະຊາດ ຈຳກັດ, ບໍລິສັດ ຫຼຽວໜິງ ກໍ່ສ້າງ ແລະ ອອກແບບ (ລາວ) ຈໍາກັດ ແລະ ບໍລິສັດ ພູຂຽວໄທຫຼົງ ອະສັງຫາລິມະຊັບ ຈຳກັດ ເພື່ອໃຫ້ກາຍເປັນແຂວງເກີນດຸນທາງດ້ານງົບປະມານ (ລາຍຮັບກຸ້ມລາຍຈ່າຍ ແລະ ມີສ່ວນເຫຼືອດຸ່ນດ່ຽງໃຫ້ສູນກາງ).