ຮອງລັດຖະມົນຕີ ກະຊວງ ປກສ ຕ້ອນຮັບການເຂົ້າຢ້ຽມຂໍ່ານັບຂອງເຈົ້າໜ້າທີ່ຕຳຫຼວດ ສສ ຫວຽດນາມ

ໂອກາດດັ່ງກ່າວ, ທ່ານ ພົນຕີ ໂດ ວັນ ແຮວ່ງ ກໍໄດ້ລາຍງານກ່ຽວກັບຜົນສຳເລັດຂອງກອງປະຊຸມຮ່ວມມືສະກັດກັ້ນ-ຕ້ານອາຊະຍາກໍາ ແລະ ຮັກສາຄວາມເປັນລະບຽບຮຽບຮ້ອຍໃນສັງຄົມລະຫວ່າງສອງຝ່າຍທີ່ຈັດຂຶ້ນໃນ ວັນທີ 29 ມີນາ ໂດຍໄດ້ພ້ອມ ກັນປຶກສາຫາລື, ແລກປ່ຽນສະ ພາບ ແລະ ຜົນການຈັດຕັ້ງປະຕິບັດບົດບັນທຶກຂອງກອງຊຸມຄັ້ງທີ່ຜ່ານມາ ແລະ ຄົ້ນຄວ້າທິດທາງການຮ່ວມມືໃນການແກ້ໄຂບັນຫາອາ ຊະຍາກຳປະເພດຕ່າງໆຮ່ວມກັນໃນຕໍ່ໜ້າ ເປັນຕົ້ນແມ່ນການຮ່ວມມືແລກປ່ຽນຂໍ້ ມູນຂ່າວສານໃນຂອບເຂດວຽກງານຕໍາຫຼວດ, ບັນຫາການລັກລອບຄ້າ ຂາຍຢາເສບ ຕິດ, ການຄ້າມະນຸດ, ການກະທຳຜິດທາງດ້ານເສດຖະກິດ, ການສືບສວນ-ສອບສວນຄະດີອາຍາ, ການນຳຈັບເປົ້າໝາຍກະທໍາຜິດຢູ່ປະເທດໜຶ່ງແລ້ວໂຕນໜີ ໄປລີ້ຊ້ອນຢູ່ອີກປະເທດໜຶ່ງ ແລະ ບັນຫາອື່ນໆ. ທັງເປັນການເສີມສ້າງສາຍສໍາພັນມິດຕະ ພາບ ແລະ ການຮ່ວມມືກັບປະເທດເພື່ອນມິດ, ເປັນການປະກອບສ່ວນເຂົ້າໃນພາລະ ກິດປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍທາງສັງຄົມຂອງສອງປະເທດໃຫ້ນັບມື້ດີຂຶ້ນເທື່ອລະກ້າວ.

ໂອກາດນີ້, ທ່ານ ພົນໂທ ກົງທອງ ພົງວິຈິດ ກໍໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ສະແດງຄວາມຊົມເຊີຍຕໍ່ກັບຜົນສຳເລັດຂອງກອງປະຊຸມດັ່ງກ່າວ ແລະ ຂອບ ໃຈຕໍ່ການເຂົ້າຢ້ຽມຢາມຂອງທ່ານຫົວໜ້າຫ້ອງການ ຮອງຫົວໜ້າອົງການສືບສວນ-ສອບສວນ ກະຊວງປ້ອງກັນຄວາມສະຫງົບ ແຫ່ງ ສສ ຫວຽດນາມ ທີ່ຍາມໃດກໍເຫັນໄດ້ໃຫ້-ຄວາມສຳຄັນຕໍ່ກັບການພົວພັນຮ່ວມມືຮອບດ້ານຂອງທັງສອງຊາດລາວ-ຫວຽດນາມ ໂດຍສະເພາະຂອງກຳລັງປ້ອງກັນຄວາມສະຫງົບ ແລະ ຈົ່ງພ້ອມກັນປົກປັກຮັກສາຄວາມສະຫງົບປອດໄພ ແລະ ສືບຕໍ່ເສີມຂະຫຍາຍການພົວພັນຮ່ວມມືຂອງສອງຝ່າຍໃຫ້ມີຜົນສຳເລັດ ແລະ ໃຫ້ໝັ້ນຄົງທະນົງແກ່ນຕະຫຼອດໄປ.