3 ອົງການຈັດຕັ້ງມະຫາຊົນ ກະຊວງ ຖວທ ຈັດຂະບວນການແຂ່ງຂັນກິລາ ແລະ ຕະຫລາດນັດວາງສະແດງຜະລິດຕະພັນ

ທ່ານ ບົວໄລ ພານຸວົງ ຫົວໜ້າຫ້ອງການກະຊວງໄດ້ກ່າວວ່າ: ຈຸດປະສົງການຈັດງານໃນຄັ້ງນີ້ ເພື່ອສະເຫລີມສະຫລອງ ແລະ ຂໍ່ານັບຮັບຕ້ອນວັນສໍາຄັນຂອງພັກ ເປັນຕົ້ນ ແມ່ນວັນສ້າງຕັ້ງພັກປະຊາຊົນ ປະຕິວັດລາວ ວັນທີ 22 ມີ ນາ ຄົບຮອບ 68 ປີ ແລະ ວັນສ້າງຕັ້ງອົງການຈັດຕັ້ງມະຫາ ຊົນ ໃຫ້ເປັນຂະບວນຟົດຟື້ນ ເວົ້າລວມ, ເວົ້າສະເພາະ ເພື່ອຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກ ກະຊວງ ຖວທ, ມະຕິກອງປະຊຸມໃຫຍ່ຂອງສາມອົງ ການຈັດຕັ້ງມະຫາຊົນກະຊວງ, ບັນດາແຜນດຳ ເນີນງານຂອງສາມອົງການຈັດຕັ້ງມະຫາຊົນ ໃນແຕ່ລະໄລ ຍະ ແລະ ແຜນພັດທະນາວຽກງານ ຖວທ ໃຫ້ປະກົດຜົນເປັນຈິງ. ນອກຈາກນີ້ ຍັງເປັນການເຕົ້າໂຮມຄວາມສາມັກຄີເປັນປຶກ ແຜ່ນພາຍໃນ ອົງການຈັດຕັ້ງມະຫາຊົນໃຫ້ກາຍ ເປັນກຳລັງແຮງສັງລວມອັນສຳຄັນ ຂອງພັກ-ລັດ ໃນການປະກອບສ່ວນເຂົ້າໃນພາລະກິດປົກປັກ ຮັກສາ ແລະ ພັດ ທະນາວຽກງານ ຖວທ ໃຫ້ບັນລຸຜົນຕາມລະດັບຄາດໝາຍທີ່ວາງໄວ້, ເປັນການປູກຈິດສຳນຶກໃຫ້ສະມາຊິກຂອງສາມອົງ ການຈັດຕັ້ງມະຫາຊົນ ສາມາດກໍາໄດ້ ແລະ ເປັນການລະ ລຶກເຖິງວັນສຳຄັນຂອງພັກ, ຂອງອົງການຈັດຕັ້ງມະຫາ ຊົນ, ເປັນການຝຶກຝົນຫລໍ່ຫລອມ ສະມາຊິກຂອງສາມອົງການຈັດຕັ້ງມະຫາຊົນ ຕາມທິດພັດທະນາຕົນເອງ 5 ຕ້ານທີ່ກະຊວງສຶກສາວາງອອກ ຄື: ຄຸນສົມບັດສຶກສາ, ປັນ ຍາສຶກສາ, ສິລະປະສຶກສາ, ກຳມະສຶກສາ (ກິລາ) ແລະ ອອກແຮງງານສຶກສາ; ທັງເປັນການຊຸກຍູ້ສົ່ງເສີມຜະລິດ ຕະພັນຂົງເຂດຖະແຫລງຂ່າວ, ວັດທະນະທຳ ແລະ ທ່ອງ ທ່ຽວ ໃຫ້ເຕີບໃຫຍ່ຂະຫຍາຍຕົວ ແລະ ມີການພັດທະນາກ້າວຂຶ້ນຢ່າງບໍ່ຢຸດຢັ້ງ.

ໃນໂອກາດນີ້, ທ່ານ ນາງ ສວນສະຫວັນ ວິຍະເກດ ໄດ້ໃຫ້ກຽດກ່າວເປີດງານຢ່າງເປັນທາງການ, ພ້ອມທັງໄດ້ສະ ແດງຄວາມຊົມເຊີຍຕໍ່ການຈັດງານໃນຄັ້ງນີ້ ເຊີ່ງຈະປະ ກອບສ່ວນສໍາຄັນໃນການ ສ້າງຈິດສຳນຶກໃຫ້ສະມາຊິກຂອງສາມອົງການຈັດຕັ້ງ ມະຫາຊົນກະຊວງ ຖວທ ສາມາດກຳໄດ້ ແລະ ເປັນການລະລຶກເຖິງວັນສຳຄັນຂອງພັກ, ຂອງສາມອົງການຈັດຕັ້ງມະຫາຊົນ, ທັງເຮັດໃຫ້ສະມາຊິກສາມອົງການຈັດຕັ້ງມະຫາຊົນ ໄດ້ພົບປະແລກປ່ຽນບົດຮຽນ ແລະ ຜະລິດຕະພັນຮ່ວມກັນ ແລະ ຈະເປັນຈຸດລິເລີ່ມຫົວ ຄິດປະດິດສ້າງ ໃນການສ້າງເສດຖະກິດ ກໍຄືວິທີຫາລາຍໄດ້ສ້າງຄັງຂອງ ສາມອົງການຈັດຕັ້ງມະຫາຊົນ ແລະ ອື່ນໆ.

ສໍາລັບຂະບວນການແຂ່ງຂັນກິລາ ແລະ ຕະຫລາດນັດວາງສະແດງຜະລິດຕະພັນໃນຂົງເຂດ ຖວທ ມີແຂ່ງຂັນກິລາ 2 ປະເພດ ຄື: ກິລາເປຕັງ ແລະ ກິລາບານເຕະ, ໃນນີ້ ກິລາເປຕັງມີນັກກິລາເຂົ້າຮ່ວມແຂ່ງຂັນ 27 ທີມ ແລະ ບານ ເຕະ 2 ທີມຄື: ທີມນັກກິລາຂອງສາມອົງການຈັດຕັ້ງມະ ຫາຊົນກະຊວງ ຖວທ ແລະ ທີມນັກກິລາບານເຕະ ຂອງສາມອົງການຈັດຕັ້ງສູນກາງຊາວໜຸ່ມ ປະຊາຊົນ ປະຕິວັດລາວ. ສ່ວນງານຕະຫລາດນັດວາງສະແດງຜະລິດຕະພັນ ມີບັນດາກົມ, ສະຖາບັນ, ໂຮງຮຽນ, ກອງວິຊາການ ແລະ ລັດວິສາຫະກິດ ເຂົ້າຮ່ວມວາງສະແດງ ທັງໝົດ 24 ພາກ ສ່ວນ, ລວມມີ 28 ຮ້ານ, ໃນນັ້ນພິເສດຍັງມີພາກທຸລະກິດຄື: ກາເຟພູເບ້ຍ ກໍເຂົ້າຮ່ວມ. ນອກຈາກນີ້ ພາຍໃນງານຍັງມີຂະບວນການສະແດງສິລະປະ, ມີການສະແດງບົດຟ້ອນ, ບົດລຳ, ລະຄອນ ແລະ ກິດຈະກໍາເທິງເວທີຕະຫລອດວັນ.