ເກີດເຫດ ພື້ນວັດຮິນດູໃນອິນເດຍ ພັງຖະຫລົ່ມ ມີຜູ້ເສຍຊີວິດ 35 ຄົນ
March 31, 2023 - 5:22 PM
ສຳນັກຂ່າວຕ່າງປະເທດລາຍງານ: ວັນທີ 31ມີນາ 2023 ນີ້, ເກີດອຸບັດເຫດ ພື້ນວັດ ຮິນດູ ແຫ່ງໜຶ່ງ ໃນອິນເດຍ ພັງຖະຫລົ່ມ ລົງມາ ເຮັດໃຫ້ມີຜູ້ເສຍຊີວິດ 35 ຄົນ ແລະ ສູນຫາຍ ອີກຈຳນວນໜຶ່ງ ພາຍຫລັງ ຜູ້ສະແຫວງ ບຸນ ຈຳນວນຫລາຍ ກຳລັງເຂົ້າຮ່ວມ ສະຫລອງວັນພັກໃນເທສະການ ສຳຄັນທາງສາສະໜາ ຮິນດູ(Hindu) ຕົກລົງໄປ ໃນບໍ່ເກັບນ້ຳ ສະໄໝບູຮານ, ທີ່ທາງລົງ ສ້າງເປັນ ຂັ້ນໄດລົງໄປ ຫລາຍຂັ້ນບໍ່ສາມາດຮັບນ້ຳໜັກໄດ້ ໃນເມືອງອິນດໍ ທາງພາກກາງຂອງອິນເດຍ. ປັດຈຸບັນ ເຈົ້າໜ້າທີ່ກູ້ໄພເລັ່ງຄົ້ນຫາ ຜູ້ສູນຫາຍ ແລະ ໃຫ້ການຊ່ວຍເຫລືອ ຜູ້ເຄາະຮ້າຍ ໃນຄັ້ງນີ້ ຢ່າງຮີບດ່ວນ. ຂະນະທີ່ ລັດຖະບານ ອິນເດຍປະກາດ ຈະຈ່າຍເງິນ ຊົດເຊີຍ ໃຫ້ຍາດພີ່ນ້ອງ ຜູ້ເສຍຊີວິດ ຜູ້ລະ 200.000 ຣູປີ ແລະ ການຊ່ວຍເຫລືອ ອື່ນໆອີກ ຕາມຄວາມເໝາະສົມ.
