4 ສາເຫດທີ່ເຮັດໃຫ້ແບັດໂທລະສັບໝົດໄວ

ຮູ້ ຫລື ບໍ່ ນິໄສເຫລົ່ານີ້ທໍາຮ້າຍໂທລະສັບ

4 ສາເຫດທີ່ເຮັດໃຫ້ແບັດໂທລະສັບໝົດໄວ

ໜ້າຈໍແຈ້ງເກີນໄປກໍກິນໄຟຫລາຍ

ສິ່ງທໍາອິດທີ່ເປັນສາເຫດເຮັດໃຫ້ແບັດໝົດໄວນັ້ນກໍຄືແສງຈໍແຈ້ງເກີນໄປ, ເພາະບາຄົນອາດໃຊ້ໂທລະສັບຢູ່ກາງແຈ້ງ ແລະ ເລັ່ງແສງຂຶ້ນສູງ ອັນເຮັດໃຫ້ໂທລະສັບຮ້ອນໄວ ສົ່ງຜົນໃຫ້ແບັດຫລຸດລົງໄວ.

ວິທີແກ້ໄຂ ເລືອກຄວາມແຈ້ງໃຫ້ເໝາະສົມ ຫລື ໃຊ້ໂໝດປັບຄວາມແຈ້ງຂອງຈໍອັດຕະໂນມັດ

ເປີດໂປແກມຄ້າງໄວ້

ໂປແກມໃນໂທລະສັບກໍເປັນອີກສ່ວນໜຶ່່ງ ທີ່ເຮັດໃຫ້ແບັດເຕີລີ່ໃຊ້ງານຢູ່ຕະຫລອດເວລາ ເພາະການເຮັດວຽກຂອງໂປແກມອາດຈະມີການແຈ້ງເຕືອນ ຫລື ການຈອງພື້ນທີ່ການເຮັດວຽກຂອງຄວາມຈໍາ ແລະ CPU,  ສົ່ງຜົນໃຫ້ໂທລະສັບຕ້ອງສົ່ງໄຟໄປລ້ຽງຕະຫລອດເວລາ

ວິທີແກ້ໄຂ: ຖ້າບໍ່ແນ່ໃຈວ່າໂປແກມຖືກປິດແລ້ວ ຫລື ບໍ່, ແນະນໍາໃຫ້ Resart ເຄື່ອງທຸກເຊົ້າ.

ອັດຕາເຄື່ອນໄຫວ (Refresh Rate) ຫລາຍເທົ່າໃດໄຟຍິ່ງໝົດໄວເທົ່ານັ້ນ

ໂທລະສັບສະໄໝນີ້ຈະມີຄວາມສາມາດສະແດງຜົນໜ້າຈໍຢ່າໄວວາ ຫລື ຄ່າ Refresh Rate ທີ່ສູງຕະຫລອດເວລາ ແລະ ທຸກແອັບ ຈະເຮັດໃຫ້ແບັດໝົດໄວອີກດ້ວຍ

ວິທີແກ້ໄຂ: ເລືອກໃຊ້ຄ່າ Refresh rate ທີ່ເໝາະສົມ, ສໍາລັບໂທລະສັບບາງລຸ້ນຈະມີຄຸນສົມບັດຊື່ວ່າ Adaptive Refresh Rate ລະບົບຈະແປງຄ່າການເຮັດວຽກແບບອັດຕະໂນມັດ ເຊິ່ງຈະຊ່ວຍໄປໄດ້ໃນລະດັບໜຶ່ງ

ເລືອກໂໝດການໃຊ້ພະລັງງານບໍ່ເໝາະສົມ

ຖ້າຢາກໃຊ້ງານແບບຍາວນານ ໝົດມື້ ຄວນໃຊ້ເປັນໂໝດປະຢັດພະລັງງານໄດ້, ແຕ່ຖ້າເປັນ iPhone ສາມາດເປີດເປັນໂໝດ Low Power ໄດ້ເຊັ່ນດຽວກັນ

.

ທັງໝົດນີ້ແມ່ນສິ່ງທີ່ເຮັດໃຫ້ໂທລະສັບຂອງເຮົາເປືອງໄຟ ຖ້າຢາກປະຢັດໄຟບໍ່ຢາກສາກຫລາຍເທື່ອ ຄວນປະຢັກໄຟຈາກສິ່ງເຫລົ້ານີ້!!