ຣັດເຊຍເປີດເຜີຍຈຸດຕິດຕັ້ງອາວຸດນິວເຄຼຍ ທາງຍຸດທະວິທີໃນເບລາຣຸສ ໃກ້ຊາຍແດນ NATO

ທ່ານ ບໍຣິສ ກຣິດລອບ (Boris Gryzlov) ເອກອັກຄະລັດຖະທູດຣັດເຊຍປະຈໍາເບລາຣຸສ ເປີດເຜີຍຕໍ່ສະຖານີໂທລະພາບທາງການຂອງເບລາຣຸສໃນວັນທີ 2 ເມສາວ່າ: ຣັດເຊຍຈະເຄື່ອນຍ້າຍອາວຸດນິວເຄຼຍທາງຍຸດທະວິທີໄປປະຈໍາການຢູ່ບໍລິເວນຊາຍແດນທາງຕາເວັນຕົກຂອງເບລາຣຸສ ໃກ້ຊາຍແດນປະເທດສະມາຊິກ NATO ໂດຍຖືເປັນການເຄື່ອນໄຫວທີ່ມີທ່າອ່ຽງຈະຂະຫຍາຍຄວາມຂັດແຍ່ງລະຫວ່າງມົດສະກູກັບຕາເວັນຕົກໃຫ້ເຄັ່ງຕຶງຂຶ້ນ.

ທ່ານ ກຣິດລອບ ເປີດເຜີຍວ່າ: ສາງເກັບອາວຸດນິວເຄຼຍທາງຍຸດທະວິທີຈະສ້າງສໍາເລັດພາຍໃນວັນທີ 1 ກໍລະກົດນີ້, ແຕ່ບໍ່ໄດ້ເປີດເຜີຍລາຍລະອຽດທີ່ຈະແຈ້ງວ່າຢູ່ບໍລິເວນຈຸດໃດ.

ສໍາລັບເບລາຣຸສນັ້ນມີຊາຍແດນຮ່ວມກັບປະເທດສະມາຊິກ NATO ຄືລິທົວເນຍ, ລັດເວຍ ແລະ ໂປໂລຍ ໂດຍ NATO ໄດ້ເພີ່ມຈໍານວນທະຫານທີ່ປະຈໍາການຢູ່ທັງ 3 ປະເທດ ແລະ ເອສໂຕເນຍ ລວມເກືອບສິບເທົ່າ ນັບແຕ່ຣັດເຊຍເປີດສາກຮຸກຮານອູແກຣນໃນເດືອນກຸມພາປີຜ່ານມາ.

ອ້າງອີງ:

https://www.aljazeera.com/…/russia-to-put-nukes-in…

https://www.channelnewsasia.com/…/russia-place-nuclear…