ຕາລີບັນສັ່ງປິດສະຖານີວິທະຍຸແມ່ຍິງແຫ່ງດຽວໃນປະເທດ ອ້າງເຫດຜົນເພາະເປີດເພງໃນເດືອນລໍມາດອນ

ເຈົ້າໜ້າທີ່ຂອງກຸ່ມຕາລີບັນເປີດເຜີຍວ່າ: ໄດ້ສັ່ງປິດສະຖານີວິທະຍຸແມ່ຍິງ Sadia E Banowan ທີ່ແປວ່າ: ສຽງຂອງແມ່ຍິງ ໃນພາສາເປີເຊຍ ໂດຍລະບຸສາເຫດເນື່ອງຈາກສະຖານີວິທະຍຸແຫ່ງນີ້ມີການເປີດເພງໃນໄລຍະເດືອນລໍມາດອນ ເດືອນສັກສິດຂອງຊາວມຸດສະລິມ.

ສະຖານີວິທະຍຸດັ່ງກ່າວຖືເປັນສະຖານີວິທະຍຸທີ່ດໍານີນງານໂດຍຜູ້ຍິງແຫ່ງດຽວໃນອັບການິດສະຖານ ໂດຍເລີ່ມຕົ້ນເປີດເມື່ອ 10 ປີກ່ອນ ແລະ ປັດຈຸບັນມີພະນັກງານ 8 ຄົນ ລວມຜູ້ຍິງ 6 ຄົນ.

ທ່ານ ໂມຊັດດິນ ອາມາດີ (Moezuddin Ahmadi) ຜູ້ອໍານວຍການຝ່າຍຂໍ້ມູນ ແລະ ວັດທະນະທໍາໃນແຂວງບາດັດຊານ ລະບຸວ່າ: ສະຖານີວິທະຍຸແມ່ຍິງ Sadia E Banowan ລະເມີດກົດໝາຍ ແລະ ຂໍ້ບັງຄັບຂອງລັດອິດສະລາມຫລາຍເທື່ອ ໂດຍການອອກອາກາດເພງ ແລະ ດົນຕີໃນໄລຍະເດືອນລໍມາດອນ ກ່ອນຈະຖືກສັ່ງປິດ.

ຂະນະທີ່ທ່ານ ນາເຈຍ ໂຊຣໍ (Najia Sorosh) ຫົວໜ້າສະຖານີວິທະຍຸ ປະຕິເສດວ່າ: ບໍ່ມີການລະເມີດກົດໝາຍໃດໆ ໂດຍກ່າວວ່າ: ບໍ່ມີເຫດຜົນ ຫລື ຄວາມຈໍາເປັນທີ່ຕ້ອງປິດສະຖານີວິທະຍຸ ແລະ ເອີ້ນມັນວ່າເປັນການສົມຮູຮ່ວມຄິດ.

ທັງນີ້, ນັກຂ່າວຈໍານວນຫລາຍຫວ່າງວຽກຫລັງການຢຶດຄອງອັບການິດສະຖານຂອງກຸ່ມຕາລີບັນໃນເດືອນສິງຫາ 2021 ໂດຍສື່ຕ່າງໆທະຍອຍປິດລົງເພາະຂາດເງິນທຶນ ຫລື ເພາະພະນັກງານໜີອອກຈາກປະເທດ. ຂະນະທີ່ນັກຂ່າວທ້ອງຖິ່ນເຊິ່ງປະຕິເສດຈະປະຕິບັດຕາມນະໂຍບາຍຂອງຕາລີບັນຈະຖືກຈັບກຸມ.

ຂະນະທີ່ກຸ່ມຕາລີບັນມີມາດຕະການກີດກັນຜູ້ຍິງຈາກການຈ້າງວຽກ ແລະ ການສຶກສາເກີນລະດັບຊັ້ນປະຖົມສຶກສາປີທີ 6 ເຊິ່ງລວມທັງມະາຫວິທະຍາໄລ, ແຕ່ບໍ່ມີຂໍ້ຫ້າມຢ່າງເປັນທາງການກ່ຽວກັບດົນຕີ.

ອ້າງອີງ:

https://www.aljazeera.com/…/taliban-closes-afghan-women…