ຫວັງແກ້ບັນຫາ, ລີເວີພູລ ປະຊຸມທີມດ່ວນຫລັງພົບວິກິດເລື່ອງຜົນງານ

ສື່ລາຍງານວ່າ ນັກເຕະລີເວີພູລ ມີການຮຽກຕົວນັກເຕະເພື່ອເຈລະຈາກ່ຽວກັບບັນຂອງທີມທີ່ເກີດຂຶ້ນຫລັງເກມບຸກເສຍໃຫ້ ແມນເຊສເຕີ ຊິຕີ 1-4 ໃນການແຂ່ງຂັນພຣີເມຍລີກ ອັງກິດ ເມື່ອທ້າຍອາທິດຜ່ານມາ.

ສຳລັບ ລີເວີພູລ ຍັງຫາຜົນງານເກ່ັງບໍ່ພົບ ຫລັງເກມຫລ້າສຸດພວກເຂົາບຸກໄປເສຍໃຫ້ ແມນເຊສເຕີ ຊິຕີ ຖະຫລົ່ມ 1-4 ໃນບານເຕະພຣີເມຍລີກ ອັງກິດ ເມື່ອວັນທີ 1 ເມສາ ພ້ອມເປັນການເສຍໃນລີກ 2 ນັດຕິດຕໍ່ກັນ ແລະ ຫາກນັບລວມທຸກລາຍການພວກເຂົາເສຍໄປແລ້ວ 3 ນັດຕິດຕໍ່.

ຈາກຜົນງານທີ່ເກີດຂຶ້ນເຮັດໃຫ້ ລີເວີພູລ ສ່ຽງຕິດຕໍ່ການພາດຕຳແໜ່ງ 1 ໃນ 4 ທີມ ຂອງລີກໃນລະດູການນີ້ ຫລັງປັດຈຸບັນພວກເຂົາຢູ່ໃນອັນດັບ 8 ຂອງຕາຕະລາງດ້ວຍການມີ 42 ຄະແນນຈາກ 27 ນັດ ໂດຍຕາມຫລັງ ແມນເຊສເຕີ ຢູໄນເຕັດ ອັນດັບ 4 ເຖິງ 8 ຄະແນນ.

ຫລ້າສຸດ Daily mail ສື່ອັງກິດລະບຸວ່າ ບັນດານັກເຕະລີເວີພູລ ໄດ້ມີການຮຽກລວມຕົວກັນໃນວັນທີ 2 ເມສາ ກ່ຽວກັບບັນຫາຂອງທີມທີ່ເກີດຂຶ້ນ ໂດຍ ເຟີຈິລ ຟານ ໄດ ຕ້ອງການໃຫ້ທີມມີການແລກຄວາມເຫັນກັນຢ່າງເຂັ້ມຂຸ້ນ.

ທັງນີ້ເກມຕໍ່ໄປ ລີເວີພູລ ຈະບຸກໄປຢາມ ເຊລຊີ ທີ່ຫາກໍປົດ ແກຣມ ພັອດເຕີ ອອກຈາກຕຳແໜ່ງຜູ້ຈັດການທີມໃນວັນທີ 4 ເມສານີ້.