ໂຣມາ ພ້ອມທຸ່ມຄ່າເມື່ອຍເຊັນ ເດບິດ ເດ ເຄອາ ຈາກແມນຢູ ເສີມທີມແບບບໍ່ມີຄ່າຕົວ

ໂຣມາ ສະໂມສອນດັງແຫ່ງເວລາ ກັລໂຊ ເຊເຣຍ ອິຕາລີ ຕົກເປັນຂ່າວເມື່ອວັນທີ 3 ເມສາທີ່ຜ່ານມາວ່າ ພວມພິຈາລະນາທີ່ຈະເຊັນສັນຍາກັບ ດາບິດ ເດ ເຄອາ ຜູ້ຮັກສາປະຕູຊາວສະເປນຂອງ ແມນເຊສເຕີ ຢູໄນເຕັດ ໃນພຣີເມຍລີກ ອັງກິດ ມາຮ່ວມທີມແບບບໍ່ມີຄ່າຕົວ.

ເດ ເຄອາ ພວມຈະຫມົດສັນຍາກັບ ແມນເຊສເຕີ ຢູໄນເຕັດ ຫລັງຈົບລະດູການນີ້ ແລະ ຍັງບໍ່ມີທ່າທີຈະຂະຫຍາຍສັນຍາສະບັບໃຫມ່ອອກໄປແຕ່ຢ່າງໃດ ເຊິ່ງເຮັດໃຫ້ ໂຈເຊ ມູຣິນໂຢ ຜູ້ຈັດການທີມຊາວໂປຣຕຸເກສຂອງ ໂຣມາ ຈັບຕາເບິ່ງສະຖານະການຢ່າງໃກ້ຊິດ.

ປັດຈຸບັນ ໂຣມາ ມີ ຣຸຍ ປຣາຊີຊີໂອ ຜູ້ຮັກສາປະຕູປະສົບການຫລາຍຊາວໂປຣຕຸເກສ ຍຶດຕຳແໜ່ງມື 1 ແຕ່ອາຍຸທີ່ຫລາຍເຖິງ 35 ປີ ເຮັດໃຫ້ ມູຣິນໂຢ ຕ້ອງການຕົວ ເດ ເຄອາ ທີ່ມີອາຍຸໜ້ອຍກວ່າເຖິງ 4 ປີ ແລະ ສາມາດໃຊ້ງານໄດ້ອີກດົນເຂົ້າມາທົດແທນ.

ຂະນະດຽວກັນ  ເດ ເຄອາ ເຄີຍເຮັດວຽກຮ່ວມກັບ ມູຣິນໂຢ ໃນທີມ ແມນເຊສເຕີ ຢູໄນເຕັດ ມາດົນເຖິງ 2 ປີ ໂດຍລົົົົົົົົົົົົົົົົົົົົົງເຝົ້າເສົາໄປເຖິງ 117 ເກມ ແລະ ຊ່ວຍກັນພາທີມ ຄວ້າແຊ໊ມ ລີກ ຄັບ ແລະ ຢູໂຣປາ ລີກ ຢ່າງລະ 1 ສະໄຫມນຳອີກ.

ສຳລັບ ມືກາວຊາວສະເປນ ໄດ້ຮັບຄ່າເມື່ອຍຈາກ ແມນຢູ ຈຳນວນ 375,000 ປອນ/ອາທິດ ເຊິ່ງລາຍງານຂ່າວລະບຸວ່າ ໂຣມາ ກໍຍິນດີຈະຈ່າຍຄ່າເມື່ອຍໃນຈຳນວນດ້ວຍກັນ.