ເມືອງວຽງໄຊ ລົງກວດກາ ແລະ ທຳລາຍສິນຄ້າໝົດອາຍຸ-ເຊື່ອມຄຸນນະພາບ ທີ່ຢຶດໄດ້ຕາມຮ້ານຄ້າພາຍໃນເມືອງ

ແຫລ່ງຂ່າວ ເມືອງວຽງໄຊ ລາຍງານວ່າ: ວັນທີ 30 ມີນາ 2023, ຄະນະຮັບຜິດຊອບກວດກາຮ້ານອາຫານ, ຮ້ານຂາຍເຄື່ອງຍົກ-ຂາຍຍ່ອຍ ຢູ່ພາຍໃນເທດສະບານເມືອງວຽງໄຊ ແຂວງຫົວພັນ ໄດ້ສົມທົບກັບພາກສ່ວນກ່ຽວຂ້ອງຂອງເມືອງລົງກວດກາສິນຄ້າໝົດອາຍຸ ແລະ ເຊື່ອມຄຸນນະພາບ ຢູ່ຕາມຮ້ານອ້ອມຂ້າງເທດສະບານເມືອງ.

ຜ່ານການເຄື່ອນໄຫວຂອງຄະນະຮັບຜິດຊອບຄັ້ງນີ້ສາມາດກວດຢຶດອາຫານທີ່ເຊື່ອມຄຸນນະພາບ ແລະ ໝົດອາຍຸແລ້ວ ເປັນປະເພດເຂົ້າໝົມ, ຮອນດັອກ ແລະ ສິ້ນຄ້າຫລາຍປະເພດ ລວມມູນຄ່າທັງໝົດ 2 ລ້ານກວ່າກີບ, ຈາກນັ້ນຈຶ່ງພ້ອມກັນທຳລາຍຖິ້ມ.

ເພື່ອເຮັດໃຫ້ຜູ້ບໍລິໂພກໄດ້ບໍລິໂພກອາຫານທີ່ໄດ້ມາດຕະຖານດ້ານຄຸນນະພາບ, ສະອາດ, ມີຄວາມປອດໄພ ຍ້ອນຜົນຮ້າຍຂອງອາຫານທີ່ເຊື່ອມຄຸນນະພາບ ແລະ ອາຫານໝົດອາຍຸການນຳໃຊ້ມີຢ່າງຫລວງຫລາຍຕໍ່ສຸຂະພາບຮ່າງກ່າຍຂອງຄົນເຮົາ.