ອິນເດຍ ຫລຸດຜ່ອນໃຊ້ສະກຸນເງິນໂດລາສະຫະລັດແລ້ວຫັນມານຳໃຊ້ສະກຸນເງິນຣູປີເປັນຫລັກ ໃນການຊຳລະການຄ້າສາກົນ
April 4, 2023 - 8:56 AM
ສຳນັກຂ່າວຕ່າງປະເທດລາຍງານ: ອິນເດຍ ປະກາດນະໂຍບາຍ ການຄ້າຕ່າງປະເທດ ປີ 2023 (FTP 2023) ໂດຍເລີ່ມມີຜົນສັກສິດນັບແຕ່ ເດືອນເມສາ ເປັນຕົ້ນໄປ ດ້ວຍການຫລຸດຜ່ອນນຳໃຊ້ ສະກຸນເງິນໂດລາສະຫະລັດ ແລ້ວຫັນມານຳໃຊ້ ສະກຸນເງິນ ຣູປີ (Rupee) ເປັນຫລັກ ໃນການຊຳລະການຄ້າສາກົນ ລວມທັງການຄ້າກັບຣັດເຊຍ. ປັດຈຸບັນ ມາເລເຊຍ ແມ່ນປະເທດຫລ້າສຸດ ທີ່ຕົກລົງ ໃຫ້ນຳໃຊ້ສະກຸນເງິນ Rupee ສຳລັບ ການພົວພັນຄ້າຂາຍກັບ ອິນເດຍ.ສຳລັບ ຂໍ້ລິເລີ່ມນຳໃຊ້ ສະກຸນເງິນ Rupee ໃນການພົວພັນການຄ້າຂາຍກັບ ມາເລເຊຍ ແມ່ນເພື່ອແນໃສ່ ສ້າງເງື່ອນໄຂ ສະດວກ ແກ່ການພັດທະນາ ການຄ້າ ແລະ ໜູນຊ່ວຍ ຜົນປະໂຫຍດ ຂອງປະຊາຄົມ ການຄ້າ ທົ່ວໂລກ.
