ປກສ ເມືອງວຽງຄໍາ ກັກຕົວເປົ້າໝາຍຊື້-ຂາຍຢາເສບຕິດ 2 ຄົນ ພ້ອມຢຶດຂອງກາງຢາບ້າ 1.127 ເມັດ ແລະ ລົງໂທດຕາມລະບຽບກົດໝາຍ

ໃນວັນທີ 22 ມີນາ 2023 ຜ່ານມາ, ເຈົ້າໜ້າທີ່ຕໍາຫລວດຈະລາຈອນ ກອງບັນຊາການ ປກສ ເມືອງວຽງຄໍາ ແຂວງວຽງຈັນ ສາຍກວດປ້ອມໂພນໝີ ໄດ້ລົງປະຕິບັດໜ້າທີ່ອຳນວຍດ້ວຍວາມສະດວກໃຫ້ແກ່ຜູ້ຂັບຂີ່ລົດຕາມທ້ອງຖະໜົນ, ຜ່ານການກວດກາພົບເຫັນຜູ້ຕ້ອງສົງໃສມີພິລຸດທາງເຈົ້າໜ້າທີ່ຈຶ່ງກວດກາລົດຈັກຂອງຜູ້ຕ້ອງສົງໃສດັ່ງກ່າວ ແລ້ວພົບເຫັນຢາບ້າ 106 ເມັດ. ສະນັ້ນ, ເຈົ້າໜ້າທີ່ຕໍາຫລວດຈຶ່ງໄດ້ກັກຕົວ ທ້າວ ບົວເງິນ, ອາຍຸ 30 ປີ ປະຊາຊົນ ບ້ານ ນາທອງ ເມືອງໂພນໂຮງ ແຂວງແຂວງວຽງຈັນ ແລະ ຢຶດຂອງກາງ 106 ເມັດ ມາທໍາການສືບສວນ-ສອບສວນ.

ຜ່ານການສືບສວນ-ສອບສວນເບື້ອງຕົ້ນ ທ້າວ ບົວເງິນ ຮັບສາລະພາບວ່າ: ຢາບ້າ 106 ເມັດ ແມ່ນເປັນຂອງຜູ້ກ່ຽວແທ້, ຊື້ນຳ ທ້າວ ຕ່າ ໃນລາຄາ 350.000 ກີບ, ຫລັງຈາກໄດ້ຢາບ້າມາແລ້ວກໍໄດ້ກັບບ້ານ ພໍເດີນທາງຮອດວົງວຽນໂພນໝີ ຈຶ່ງຖືກເຈົ້າທີ່ຕໍາຫລວດຈະລາຈອນລັດກວດກາເອກະສານ ແລະ ພົບເຫັນ ພ້ອມທັກັກຕົວຜູ້ກ່ຽວມາດຳເນີນຄະດີຕາມລະບຽບກົດໝາຍ. ນອກນີ້, ຜູ້ກ່ຽວຍັງໃຫ້ການຊັກທອດຕື່ມວ່າ: ຢາບ້າຈໍານວນໜຶ່ງແມ່ນໄດ້ໄປຊື້ນໍາ ທ້າວ ຕ່າ, ອາຍຸ 45 ປີ, ກຳມະກອນ ຢູ່ບ້ານໂພນໝີເໜືອ, ຈາກນັ້ນເຈົ້າໜ້າທີ່ຕໍາຫລວດຈາລະຈອນໄດ້ປະສານສົມທົບພາກສ່ວນທີ່ກ່ຽວຂ້ອງ ວາງແຜນເຂົ້າກັກຕົວຜູ້ຕ້ອງສົງໃສ່ດັ່ງກ່າວ.

ຕົກມາຮອດເວລາ 15:00 ໂມງ ທາງເຈົ້າໜ້າທີ່ຈຶ່ງກັກຕົວຜູ້ກ່ຽວ ຜູ້ແຕ່ກ່ຽວໄດ້ໄຫວຕົວແລ້ວໂດດຮົ້ວແລ່ນໝີ, ເຈົ້າໜ້າທີ່ຈຶ່ງໄດ້ໄລ່ຈັບກຸມ ແລະ ສາມາດກັັກຕົວໄດ້ ພ້ອມທັງນໍາຕົວກ່ຽວກັບເຮືອນ ເພື່ອກວດຄົ້ນເຮືອນຈຶ່ງພົບເຫັນຢາບ້າທີ່ຜູ້ກ່ຽວຝັງດີນຊຸກເຊື່ອງໄວ້ຈໍານວນ 5 ຖົງ ເທົ່າກັບ 1.000 ເມັດ ແລະ ຢູ່ນຳຜູ້ກ່ຽວອີກ 21 ເມັດ ລວມເປັນ 1.021 ເມັດ, ຈາກນັ້ນໄດ້ກັກຕົວ ແລະ ຢຶດຂອງກາງຢາບ້າ ມາທຳການສຶບສວນ-ສອບສວນ.

ປັດຈຸບັນເຈົ້າໜ້າທີ່ຕໍາຫລວດໜ່ວຍງານສະກັດກັ້ນ ແລະ ຕ້ານຢາເສບຕິດ ປກສ ເມືອງວຽງຄໍາ ແຂວງວຽງຈັນ ກໍາລັງດໍາເນີນການສືບສວນ-ສອບສວນ ພວກກ່ຽວທັງ 2 ເພື່ອຂະຫຍາຍຜົນຫາກຸ່ມແກ້ງ, ເຄືອຂ່າຍ, ຜູ້ຮ່ວມຂະບວນການ ມາລົງໂທດຕາມລະບຽບກົດໝາຍຂອງບ້ານເມືອງໃນຂັ້ນຕໍ່ໄປ.