ເກີດເຫດໄຟໄໝ້ ຕະຫລາດໃຫຍ່ ກາງເມືອງຫລວງບັງກະລາເທດ ສ້າງເສຍຫາຍຫລາຍກວ່າພັນຮ້ານ

ສຳນັກຂ່າວຕ່າງປະເທດລາຍງານ: ວັນທີ 4 ເມສາ 2023 ຜ່ານມານີ້, ເກີດເຫດໄຟໄໝ້ຮຸນແຮງທີ່ຕະຫລາດບອງໂກ ເຊິ່ງເປັນຕະຫລາດ ຂາຍສົ່ງ-ຂາຍຍ່ອຍ ເຄື່ອງນຸ່ງທີ່ໃຫຍ່ທີ່ສຸດຂອງບັງກະລາເທດ, ໂດຍໄຟໄດ້ແພ່ລາມໄປຮ້ານຂາຍເຄື່ອງຫລາຍກວ່າພັນຮ້ານ ເຊິ່ງຮ້ານສ່ວນຫລາຍເປັນໄມ້ ແລະ ສັງກະສີ.

ລາຍງານລະບຸວ່າ: ເຫດໄຟໄໝ້ໃນຄັ້ງນີ້ໄດ້ສ້າງຄວາມເສຍຫາຍຢ່າງມະຫາສານ ເນື່ອງຈາກ ພໍ່ຄ້າ ແມ່ຄ້າ ຕ່າງກໍພາກັນກັກຕຸນສິນຄ້າໄວ້ເພື່ອກຽມຂາຍໃນວັນອີດິວຟິຕີ ຫລື ວັນສະຫລອງສິ້ນສຸດເດືອນ ຂອງຊາວມຸດສະລິມ.

ເຈົ້າໜ້າທີ່ເຂົ້າດັບເພີງປະມານ 600 ຄົນ ໂດຍໃຊ້ເວລາ ຫລາຍກວ່າ 6 ຊົ່ວໂມງ ມີລາຍງານຜູ້ບາດເຈັບ 11 ຄົນ ໃນນີ້ມີເຈົ້າໜ້າທີ່ດັບເພີງ 5 ຄົນ.