ເຊວຊີ ປະກາດແຕ່ງຕັ້ງ ແຟຣັງ ແລມພາດ ຄຸມທີມເປັນທີມຄັ້ງທີ່ສອງຈົນຈົບລະດູການ

ເຊວຊີ ທີມດັງແຫ່ງ ພຣີເມຍລີກອັງກິດ ປະກາດແຕ່ງຕັ້ງ ແຟຣັງ ແລມພາດ ກັບມາຮັບຕຳແໜ່ງຫົວຫນ້າຄູຝຶກສອນຈົນຈົບລະດູການ.

ສິງໂຕນ້ຳເງິນຄາມ ທີ່ຫາກໍ່ປົດ ແກຣມ ພັອດເຕີ ເມື່ອວັນອາທິດທີ່ຜ່ານມາ ຫລັງເຮັດຜົນງານໄດ້ບໍ່ດີ ເຮັດໃຫ້ທີມຕົກຢູ່ອັນດັບທີ 11 ຂອງຕາຕະລາງ ແລະ ມີຂ່າວພົວພັນກັບຜູ້ຈັດການທີ່ມີຊື່ສຽງຫລາຍຄົນ ລວມທັງ ຢຸລຽນ ນາເກລມັນ ແລະ ຫລຸຍ ເອັນຣິເກ້.

ຢ່າງໃດກໍ່ຕາມ, ການເຈລະຈາກັບ 2 ຜູ້ຈັດການດ້ານເທິງຍັງບໍ່ມີຄວາມຄືບໜ້າໃດໆ ແລະ ອາດຈະຕ້ອງລໍຖ້າຈົນຮອດຊ່ວງຊຳເມີນີ້ ເຮັດໃຫ້ ເຊວຊີ ຕັດສິນໃຈໃຫ້ອະດີດກອງກາງທີມຊາດອັງກິດ ເຂົ້າມາຄຸມທັບຊົ່ວຄາວຈົນຈົບລະດູການນີ້.