ເລັສເຕີ້ ຊິຕີ້ ປະກາດແຕ່ງຕັ້ງ ດີນ ສະມິດ ຄຸມທີມຊົ່ວຄາວຈົນຈົບລະດູການ

ເລັສເຕີ້ ຊິຕີ້ ສະໂມສອນແຫ່ງ ພຣີເມຍລີກ ອັງກິດ ປະກາດຢືນຢັນເມື່ອວັນຈັນທີ 10 ເມສາ ທີ່ຜ່ານມາ ວ່າໄດ້ແຕ່ງຕັ້ງ ດີນ ສະມິດ ເປັນຜູ້ຈັດການຄົນໃໝ່ຂອງທີມ ໄປຈົນຈົບລະດູການນີ້.

ອະດີດນາຍໃຫຍ່ຂອງ ແອສຕັນ ວິນລາ ແລະ ນໍຣິດ ຊິຕີ້ ຈະເຂົ້າມາເຮັດໜ້າທີ່ແທນ ເບຣນດອນ ຣອດເຈີຣ໌ ທີ່ໄດ້ຖືກໄລ່ອອກໃນວັນທີ 2 ເມສານີ້. ຫລັງຈາກນໍາພາທີມເຂົ້າສູ່ສະຖານະການສຸ່ມສ່ຽງຕໍ່ການຕົກຊັ້ນ.

ຖະແຫລງການຂອງ “The Fox” ລະບຸວ່ານອກຈາກ ສະມິດ ຈະເຮັດຫນ້າທີ່ເປັນຄູຝຶກແລ້ວ ພວກເຂົາຈະໄດ້ກັບມາຮ່ວມງານກັບ ແຊັກ ອະດີດນາຍໃຫຍ່ຂອງທີມ ແລະ ຈອນ ເທີຣີ ຕຳນານກອງຫລັງກັບຕັນຂອງ ເຊວຊີ.