ອິນໂດເນເຊຍ ຈະນໍາເຂົ້າ ເຂົ້າສານ 2 ລ້ານໂຕນ ພາຍໃນທ້າຍປີນີ້
ສຳນັກຂ່າວຊິນຮວາລາຍງານວ່າ: ທ່ານ ໂຈໂກ ວິໂດໂດ ປະທານາທິບໍດີ ອິນໂດເນເຊຍ ເປີດເຜີຍ ວ່າ: ອິນໂດເນເຊຍ ຈະນໍາເຂົ້າເຂົ້າສານ 2 ລ້ານໂຕນ ພາຍໃນທ້າຍປີນີ້ ເພື່ອຮັບມືກັບ ໄພແຫ້ງແລ້ງ ທີ່ພວມຈະເກີດຂຶ້ນຈາກປະກົດການ ທຳມະຊາດຕ່າງໆ.
ທ່ານ ໂຈໂກ ວິໂດໂດ ພາຍຫລັງ ຮ່ວມປູກເຂົ້າ ໃນແຂວງຊວາ ທາງພາກຕາເວັນອອກວ່າ ການນຳເຂົ້າເຂົ້າໃນຄັ້ງນີ້ ເພື່ອແນໃສ່ ຮັກສາເຂົ້າ ໃນສາງສຳຮອງ ຂອງ ໜ່ວຍງານດ້ານໂລຈີສະຕິກ ແຫ່ງຊາດ ແລະ ຮັກສາ ສະຖຽນລະພາບ ລາຄາພາຍໃນປະເທດ ເນື່ອງຈາກ ປະກົດການ ເອລນີໂຍ ຈະເຮັດໃຫ້ເກີດໄພແຫ້ງແລ້ງ ເປັນເວລາດົນນານ ແລະ ສົ່ງຜົນກະທົບຕໍ່ການຜະລິດເຂົ້າ.
ທ່ານ ອາຣິຟ ປຣາເຊດໂຢ ຫົວໜ້າ ສຳນັກງານ ອາຫານແຫ່ງຊາດ ລະບຸວ່າ: ອິນໂດເນເຊຍ ຈະນໍາເຂົ້າເຂົ້າຊຸດທຳອິດ ລວມມີ 500.000 ໂຕນ ໃນໄວໆນີ້, ພ້ອມທັງ ຊີ້ແຈງວ່າ ການເກັບກ່ຽວເຂົ້າ ໃນໄລຍະເດືອນ ມີນາ-ເດືອນພືດສະພາ ເນື່ອງຈາກວ່າ ຍັງບໍ່ພຽງພໍໃນການ ຕອບສະໜອງຄວາມຕ້ອງການຂອງປະຊາກອນ ກວ່າ 270 ລ້ານຄົນ.
