ພິທີແຫ່ຊ້າງຮຽງເກີຍ ໃນເທສະການບຸນປີໃໝ່ລາວ ພສ 2566 ຢູ່ແຂວງຫລວງພະບາງ ວັນທີ 13 ເມສາ 2023

ການແຮ່ຊ້າງຮຽງເກີຍແມ່ນການນໍາເອົາຊ້າງມາທໍາບາສີສູ່ຂັວນ ເພື່ອເປັນສີລິມຸງຄຸນໃຫ້ແກ່ບ້ານເມືອງໃຫ້ມີສຸກຢູ່ຊຸ່ມກິນເຢັນ, ມີຄວາມຈະເລີນສີວິໄລ ທັງເປັນການປະກອບສ່ວນໃນການຕ້ອນຮັບປີໃໝ່ລາວ, ການແຫ່ຊ້າງຮຽງເກີຍເປັນປະເພນີໜຶ່ງທີ່ໄດ້ສືບທອດກັນມາຕັ້ງແຕ່ບູຮານນະການ ແລະ ເພື່ອປົກປັກຮັກສາຮີດຄອງປະເພນີ, ວັດທະນະທຳອັນດີງາມຂອງຊາວຫລວງພະບາງແລະເປັນການດຶງດູດເອົານັກທ່ອງທ່ຽວໃຫ້ເຂົ້າມາທ່ຽວຊົມນັບມື້ນັບຫຼາຍຂຶ້ນ. ປີນີ້ມີຊ້າງເຂົ້າຮ່ວມຂະບວນແຫ່ມີທັງໝົດ 3 ເຊືອກການແຫ່ຊ້າງຮຽງເກີຍແມ່ນເປັນປະເພນີນີ້ອັນດີງາມທີຊາວຫລວງພະບາງໄດ້ພ້ອມກັນສືບທອດມາແຕ່ດຶກດຳບັນ.

ສໍາລັບຄໍາວ່າຮຽງເກີຍແມ່ນການນໍາເອົາຊ້າງມາທຽບ, ມາຮຽງ ເພື່ອສັ່ງສອນ ແລະ ເຮັດພິທີສູ່ຂວັນສັດຄູ່ບ້ານເມືອງໃຫ້ເປັນສີລິມຸງຄຸນ ແລະ ມີສຸຂະພາບແຂງແຮງ. ພ້ອມຍັງເຮັດໃຫ້ຊ້າງຄຳຮູ້, ຟັງຄວາມ ແລະ ຮູ້ເຈົ້າຮູ້ນາຍ. ເຊິ່ງໃນແຕ່ລະປີຈະໄດ້ຈັດການແຫ່ 1-2 ມື້, ສ່ວນຄໍາວ່າ: ”ເກີຍ” ແມ່ນຫລັກໄມ້ອັນໜຶ່ງສໍາລັບເອົາໄວ້ທຽບຊ້າງເພື່ອທໍາພິທີດັ່ງກ່າວ.