ເກີດແຜ່ນດິນໄຫວ 2 ຄັ້ງຢູ່ແຂວງໄຊຍະບູລີ ຂະໜາດ 2.9 ແລະ 2.2 ຣິກເຕີ
April 15, 2023 - 9:43 AM
ກົມອຸຕຸນິຍົມ ແລະ ອຸທົກກະສາດ ລາຍງານວ່າ: ຄັ້ງວັນທີ 14 ເມສາ 2023 ມີແຜ່ນເ ກີດແຜ່ນດິນໄຫວ 2 ຄັ້ງ ຢູ່ແຂວງ ໄຊຍະບູລີເວລາ ລາຍລະອຽດດັ່ງນີ້:
1. ໃນເວລາ 20:23:40, ຂອງໂມງທ້ອງຖິ່ນໄດ້ພົບສັນຍານແຜ່ນດິນໄຫວຈຸດສູນກາງເສັ້ນຂະໜານທີ່ 19.526°N ແລະ ເສັ້ນແວງທີ່ 101.440°E ຄວາມແຮງສັ່ນສະເທືອນວັດແທກໄດ້ 2.9 ຣິກເຕີ, ເຊິ່ງມີຄວາມເລີກຈາກເທິງໜ້າດິນປະມານ 1 Km ຈຸດສູນກາງເກີດແຜ່ນດິນໄຫວຢູ່ທີ່ ບໍລິເວນ ບ້ານ ພູແລ້ງໃຕ້, ເມືອງ ໄຊສະຖານ ແຂວງ ໄຊຍະບູລີ, ເຊິ່ງຈຸດເກີດແຜ່ນດິນໄຫວແມ່ນຫ່າງຈາກເທດສະບານ ເມືອງ ໄຊສະຖານ ປະມານ 15 Km.
2. ໃນເວລາ 20:40:37, ຂອງໂມງທ້ອງຖິ່ນໄດ້ພົບສັນຍານແຜ່ນດິນໄຫວຈຸດສູນກາງ ເສັ້ນຂະໜານທີ່ 19.510°N ແລະ ເສັ້ນແວງທີ່ 101.417°E ຄວາມແຮງສັ່ນສະເທືອນວັດແທກໄດ້ 2.2 ຣິກເຕີ, ເຊິ່ງມີຄວາມເລີກຈາກເທິງໜ້າດິນປະມານ 3Km ຈຸດສູນກາງເກີດແຜ່ນດິນໄຫວຢູ່ທີ່ ບໍລິເວນ ບ້ານ ສະມະ, ເມືອງ ໄຊສະຖານ ແຂວງ ໄຊຍະບູລີ, ເຊິ່ງຈຸດເກີດແຜ່ນດິນ
ໄຫວແມ່ນຫ່າງຈາກເທດສະບານ ເມືອງ ໄຊສະຖານ ປະມານ 16 Km.
ໝາຍເຫດ: ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.
