ເຊລຊີ ຫວັງເກັບ ເຊົາ ເຟລິກ ໄວ້ໃຊ້ງານຕໍ່ໃນລະດູການໜ້າ ລັງເລບໍ່ກ້າຊື້ຂາດ

ເຊລຊີ ຕົກເປັນຂ່າວຕ້ອງການເກັບ ເຊົາ ເຟລິກ ກອງໜ້າຂອງ ແອັດເລຕີໂກ ມາດຣິດ ໄວ້ໃຊ້ງານຕໍ່ໃນລະດູການໜ້າ ແຕ່ຍັງລັງເລວ່າຈະຊື້ຂາດເລີຍຫລືບໍ່.

ໂດຍ ເຟລິກ ຍ້າຍຈາກ ແອັດເລຕີໂກ ມາດຣິດ ມາຢູ່ກັບ ເຊລຊີ ດ້ວຍສັນຍາຢືມຕົວ 6 ເດືອນໃນຕະຫລາດນັກເຕະເດືອນມັງກອນທີ່ຜ່ານມາເຊິ່ງ ເຊລຊີ ຈ່າຍຄ່າຢືມໄປທັງຫມົດ 9,7 ລ້ານປອນ.

ແລະ ດາວເຕະອາຍຸ 23 ປີ ກໍຂຶ້ນມາເປັນຕົວຫລັກໃນເກມບຸກຂອງທີມທັນທີ ແລະ ສ້າງຜົນງານຍິງ 2 ປະຕູຈາກການລົງຫລິ້ນ 16 ນັດໃຫ້ກັບ ເຊລຊີ ໃນທຸກລາຍການ.

ຈົນຫລ້າຫລ້າສຸດ The Sun ສື່ອັງກິດລະບຸວ່າ ເຊລຊີ ຕ້ອງການເກັບ ເຟລິກ ໄວ້ໃຊ້ງານຕໍ່ໃນລະດູການໜ້າ ເຖິງພວກເຂົາຈະບໍ່ໄດ້ໄປຫລິ້ນບານ ຢູຟາ ແຊ໊ມປຽນ ລີກ.

ແນວໃດກໍຕາມມີລາຍງານເພີ່ມວ່າ ເຊລຊີ ລັງເລ ທີ່ຈະຊື້ຂາດກອງໜ້າທີມຊາດໂປຣຕຸເກສລາຍນີ້ ເຊິ່ງມີຄ່າຕົວຢູ່ທີ່ 88 ລ້ານປອນ ດັ່ງນັ້ນ ທາງເລືອກທີ່ເບິ່ງເປັນໄປໄດ້ຫລາຍທີ່ສຸດຄືການຢືມຕົວຄັ້ງທີ 2 ເຊິ່ງ ທັອດ ໂບລີ ເຈົ້າຂອງທີມ ເຊລຊີ ຕ້ອງເສຍເງິນໃນການຊື້ຂາຍຄັ້ງນີ້ອີກ 18 ລ້ານປອນ ບວກກັບຄ່າເມື່ອຍອາທິດລະ 250,000 ປອນ.