ແມນຢູ-ແມນຊິຕີ-ເຊລຊີ ເປີດເສິກຍາດລາຍເຊັນ ເນມາ ເສີມເກມບຸກ

ເນມາ ເຊິ່ງມີຂ່າວກຽມແຍກທາງກັບ ປາຣີສ ແຊັງ ແຊັກແມັງ ຫລ້າສຸດມີກະແສຂ່າວວ່າຕົກເປັນເປົ້າຫມາຍຂອງ 3 ທີມດັງເຊັ່ນ ແມນເຊສເຕີ ຢູໄນເຕັດ, ແມນເຊສເຕີ ຊິຕີ ແລະ ເຊລຊີ.

ເວັບໄຊ ຟິດຊາເຄສ ລາຍງານວ່າ ເນມາ ກອງໜ້າປາຣີສ ແຊັງ ແຊັກແມັງ ທີມດັງແຫ່ງລີກ ເອິງ ຝຣັ່ງ ຕົກເປັນເປົ້າຫມາຍຂອງ 3 ທີມດັງພຣີເມຍລີກ ອັງກິດ ໄດ້ແກ່ ແມນເຊສເຕີ ຢູໄນເຕັດ, ແມນເຊສເຕີ ຊິຕີ ແລະ ເຊລຊີ.

ສຳລັບ ເນມາ ມີກະແສຂ່າວເລື່ອງຍ້າຍອອກຈາກເປແອສເຊ ມາໂດຍຕະຫລອດ ຫລ້າສຸດມີຂ່າວວ່າທາງສະໂມສອນເອງກໍພ້ອມປ່ອຍນັກເຕະລາຍນີ້ອອກຈາກສັງກັດ ໂດຍ ເນມາ ອາດຫາທາງຍ້າຍກັບອະດີດຕົ້ນສັງກັດເກ່ົາຄື ບາເຊໂລນາ ຫລື ອາດພິຈາລະນາທາງເລືອກອື່ນ.

ລາຍງານລະບຸວ່າ 3 ສະໂມສອນດັງແຫ່ງອັງກິດຕ່າງພວມສົນໃຈ ເນມາ ໂດຍ ແມນຢູ ຈະເປັນສະໂມສອນທີ່ຈິງຈັງກັບເລື່ອງນີ້ ແລະ ມີໂອກາດຫລາຍທີ່ສຸດ ແຕ່ ແມນຊິຕີ ເອງກໍຕ້ອງການການເສີມຂຸມກຳລັງໃນກອງໜ້າໃຫ້ເກ່ັງຂຶ້ນເຊັ່ນດຽວກັນ ຂະນະທີ່ ເຊລຊີ ກໍມີທ່າວ່າຈະພ້ອມລົງທຶນເພື່ອດຶງດາວດັງເຂົ້າສັງກັດເພີ່ມອີກ.

ສຳລັບ ເນມາ ຍ້າຍຈາກບາເຊໂລນາມາຢູ່ ເປແອສເຊ ຕັ້ງແຕ່ເມື່ອປີ 2017 ດ້ວຍຄ່າຕົວສະຖິຕິໂລກ 222 ລ້ານຢູໂຣ ໂດຍລົງຫລິ້ນໃຫ້ຕົ້ນສັງກັດປັດຈຸບັນໄປແລ້ວ 173 ນັດ ລວມທຸກລາຍການ ຍິງໄດ້ 118 ປະຕູ.