ຢຸດຄວາມເຖົ້າໂດຍການປັບລີ້ນ

- 011309 2017 - ຢຸດຄວາມເຖົ້າໂດຍການປັບລີ້ນ
- Untitled design - ຢຸດຄວາມເຖົ້າໂດຍການປັບລີ້ນ

ການກຽມໂຕເພື່ອເຂົ້າສູ່ໄວຊະລານັບແຕ່ຕອນທີ່ຍັງຢູ່ໃນໄວກາງຄົນ ເປັນສິ່ງທີ່ເວົ້າກັນຫລາຍຂຶ້ນໃນຍຸກປະຈຸບັນ ເພາະຄົນໃນຍຸກຕໍ່ໄປ ບໍ່ວ່າຈະອາຍຸເທົ່າໃດກໍຕ້ອງພະເຊີນກັບການບີບຈາກສັງຄົມຫລາຍຂຶ້ນ ແລະ ການຈະກຽມໂຕເອງໃຫ້ພ້ອມສຳລັບກ້າວ ສູ່ໂລກແບບນັ້ນກໍເປັນສິ່ງທີ່ຕ້ອງວາງແຜນແຕ່ຫົວທີ, ແຕ່ແນວໃດຄວາມຊະລາກໍສາມາດເຮັດໃຫ້ຊ້າລົງໄດ້ ຖ້າຮູ້ຈັກເບິ່ງແຍງດູແລ ຮ່າງກາຍຂອງຕົນເອງ. ມີຫລາຍຄົນທີ່ມີພຶດຕິກຳດັ່ງກິນເຝີທຸກເທື່ອ ມັກປຸງແຕ່ງລົດຊາດຕື່ມໃຫ້ມີລົດຊາດເຂັ້ມຂຸ້ນຂຶ້ນ ຫລື ກິນອາຫານຄາວກໍມັກຂາດນຳ້ແຈ່ວບໍ່ໄດ້, ກິນໝາກໄມ້ກໍຕ້ອງຈຳ້ເກືອ ຫລື  ນຳ້ປາ, ນຳ້ຕານຫວານໆຕະຫລອດ ເຊິ່ງຈະບອກວ່າພຶດຕິກຳເຫລົ່ານີ້ຈະສ້າງຄວາມເສື່ອມຖອຍໃຫ້ແກ່ຮ່າງກາຍຕົນເອງຫລາຍ.

  1. ອອກຫ່າງຈາກອາຫານລົດຊາດເຂັ້ມຂຸ້ນ ແລະ ອະນຸຍາດໃຫ້ອາຫານລົດຊາດຈືດຜ່ານສູ່ລີ້ນ.
  2. ວາງເປົ້າໝາຍທ່ີຈະແຈ້ງວ່າ ຖ້າຢາກມີສຸຂະພາບແຂງແຮງຢູ່ໄປດົນໆ ຕ້ອງກິນອາຫານທີ່ມີປະໂຫຍດຕໍ່ຮ່າງກາຍເທົ່ານັ້ນ.
  3. ງົດອາຫານແປຮູບທັງຫລາຍ ເຊັ່ນ : ອາຫານກະປ໋ອງ, ໝູຝອຍ, ໝີ່ເຄິ່ງສຳເລັດຮູບ, ໄສ້ກອກຫວານ, ປາເຄັມ, ໄຂ່ເຄັມ ເປັນຕົ້ນ ເພາະອາຫານເຫລົ່ານີ້ລ້ວນແຕ່ມີນຳ້ຕານ ແລະ ໂຊດຽມໃນປະລິມານທີ່ສູງຫລາຍ ທ່ານຕ້ອງຫລີກເວັ້ນໃຫ້ໄກ, ແຕ່ຫາກ ຈຳເປັນຕ້ອງກິນກໍກິນໃຫ້ໜ້ອຍ.
  4. ກາລະເປົາ, ເຂົ້າໜົມຫວານ, ເຂົ້າຈີ່, ເຂົ້າໜົມປັງ, ເບເກີຣີໜ້າຕາດີທັງຫລາຍ ຢຸດໄດ້ກໍຄວນຢຸດ ຫລື ກິນໃຫ້ໜ້ອຍລົງ ຈະ ໄດ້ມີຮູບຮ່າງງາມສົມສ່ວນ, ໜ້າຕາເບິ່ງອ່ອນກ່ວາອາຍຸທີ່ເປັນຢູ່.
  5. ພະຍາຍາມປຸງແຕ່ງອາຫານກິນເອງຢູ່ເຮືອນ ເພາະສາມາດຄວບຄຸມຄຸນນະພາບ ແລະ ລົດຊາດອາຫານໃຫ້ຈືດກົງກັບທີ່ ເຮົາຕ້ອງການໄດ້.
  6. ຫລຸດເຄື່ອງປຸງທຸກຊະນິດລົງເຄິ່ງໜຶ່ງໃນການປຸງແຕ່ງອາຫານ ນັບແຕ່ນຳ້ມັນ, ນຳ້ປາ, ກະປິ, ປາແດກ, ສະອິວ, ນຳ້ຊັອດ, ນຳ້ຕານ ເຊິ່ງເມື່ອລຶ້ງກັບລົດຊາດທີ່ຫລຸດລົງມາແລ້ວກໍໃຫ້ຫລຸດລົງອີກເຄິ່ງໜຶ່ງ.

7.​ ໃຊ້ເຄື່ອງປຸງແຕ່ງລົດຊາດຈາກທຳມະຊາດຕາມແບບຄົນສະໄໝເກົ່າ ເຊັ່ນ : ໃຊ້ໝາກນາວ, ໝາກຂາມ, ໝາກກ້ຽງ ໃນການເພີ່ມລົດຊາດສົ້ມ ຫລື ໃຊ້ຫົວກະຫລົດ, ພືດຜັກໃນການເພີ່ມລົດຊາດຫວານ, ລົດຊາດເຄັມກໍໃຊ້ເກືອແຕ່ບໍ່ໃສ່ຫລາຍ.

- Wave100S AD to Website 2020 0 - ຢຸດຄວາມເຖົ້າໂດຍການປັບລີ້ນ
  1. ຢຸດນິໄສຕື່ມເຄື່ອງປຸງແບບຈັດເຕັມ, ພະຍາຍາມປຸງແຕ່ງລົດຊາດໜ້ອຍໆ ຫລື ບໍ່ປຸງແຕ່ງເລີຍຍິ່ງດີ.
  2. ເບິ່ງສະຫລາກສະເໝີ ກ່ອນຕັດສິນໃຈຊື້ອາຫານໃດໆ ໂດຍໃຫ້ເບິ່ງປະລິມານນຳ້ຕານ ແລະ ໂຊດຽມຕໍ່ໜ່ວຍບໍລິໂພກກ່ອນສະເໝີ.
- WhatsApp Image 2020 05 27 at 5 - ຢຸດຄວາມເຖົ້າໂດຍການປັບລີ້ນ
- WhatsApp Image 2020 05 27 at 5 - ຢຸດຄວາມເຖົ້າໂດຍການປັບລີ້ນ
error: Alert: ເນື້ອຫາຂ່າວມີລິຂະສິດ !!