ປັອກບາ ບາດເຈັບອີກຄັ້ງ ຫລັງກັບມາ ລົງໂຕຈິງໃຫ້ ຢູເວນຕຸສ ໃນຮອບ 13 ເດືອນ ແຕ່ລົງຫລິ້ນໄດ້ພຽງ 23 ນາທີເທົ່ານັ້ນ

ການແຂ່ງຂັນບານເຕະ ຊີເຣຍ ອາ ອິຕາລີ ເມື່ອວັນທີ 14 ພຶດສະພາທີ່ຜ່ານມາ ພອລ ປັອກບາ ກອງກາງຊາວຝຣັ່ງ. ກັບມາລົງໂຕຈິງໃຫ້ ຢູເວນຕຸສ ອີກເທື່ອຫນຶ່ງ, ແຕ່ມີເວລາວາດລວດລາຍບໍ່ເຖິງເຄິ່ງຊົ່ວໂມງກໍ່ຖືກປ່ຽນໂຕອອກ.

ເກມທີ່ ຢູເວນຕຸສ ເປີດບ້ານພົບກັບ ເຄໂມເນເຊ ປັອກບາ ໄດ້ເລີ່ມຕົ້ນລົງເປັນໂຕຈິງໃຫ້ທີມ. ໂດຍປັນການເລີ່ມຕົ້ນຕົວຈິງຄັ້ງທໍາອິດຂອງລາວໃນຮອບ 13 ເດືອນນັບຕັ້ງແຕ່ເກມເສຍໃຫ້ ລິເວີພູລ 0-4 ໃນສະໄໝທີ່ລາວຍັງຫລິ້ນໃຫ້ ແມນເຊັສເຕີ ຢູໄນເຕັດ ເມື່ອເດືອນເມສາ 2022.

ແຕ່ຫລັງຈາກລົງຫລິ້ນໄດ້ພຽງແຕ່ 23 ນາທີ, ປັອກບາ ກໍ່ຕ້ອງໄດ້ປ່ຽນໂຕອອກ. ເມື່ອລາວໄດ້ຮັບບາດເຈັບກ້າມຊີ້ນຫລັງຈາກເປີດບານໃຫ້ໝູ່ ກ່ອນທີ່ຈະລົ້ມໂຕລົງກັບພື້ນ ໃຫ້ພະນັກງານເຂົ້າມາເບິ່ງອາການ. ແລະ ຍ່າງອອກຈາກສະຫນາມໄປດ້ວຍນ້ຳຕາ ແລະເປັນ ອາຄາດິອູສ ມິລິກ ເຂົ້າມາແທນ.