ຫລາຍສາເຫດການຢ່າຮ້າງຂອງແມ່ຍິງ

- advert banner 728 90 728x90 - ຫລາຍສາເຫດການຢ່າຮ້າງຂອງແມ່ຍິງ

ຕອນທີ່ຄວາມຮັກຍັງຫວານ ຄູ່ຮັກໄດ້ຕັດສິນໃຈຈະແຕ່ງດອງໃຊ້ຊີວິດຄູ່ຮ່ວມກັນ, ແຕ່ບໍ່ທັນດົນກໍເລີກລາກັນໄປໂດຍໄວ ແລະ ໃນປະຈຸບັນນີ້ແມ່ຍິງກໍຢ່າຮ້າງກ່ອນອາຍຸ 30 ປີກັນທັງໝົດ ແມ່ນຫຍັງເປັນສາເຫດໃຫ້ເກີດການຢ່າຮ້າງໃນຊ່ວງອາຍຸທີ່ຍັງມີເລກ 2 ນຳໜ້າ ເຫດຜົນເຫລົ່ານັ້ນຈະມີຫຍັງແດ່ມາເບິ່ງກັນເລີຍ.

- new3 - ຫລາຍສາເຫດການຢ່າຮ້າງຂອງແມ່ຍິງ

– ຄວາມຮູ້ສຶກວ່າກ່ອນແຕ່ງດອງຍັງຮູ້ສຶກສະບາຍໃຈກ່ວານີ້ : ເມື່ອຢູ່ໃນໄລຍະທີ່ເອີ້ນວ່າຄົບຫາເບິ່ງໃຈກັນ ຫລື ຊ່ວງເປັນແຟນກັນນັ້ນ ຄົງຍັງບໍ່ມີຂໍ້ຜູກມັດ, ເງື່ອນໄຂ ຫລື ຂໍ້ຮຽກຮ້ອງໃດໆຫລາຍ ເຮັດໃຫ້ຮູ້ສຶກສະບາຍໃຈ ຈົນຄິດວ່າຖ້າແຕ່ງດອງກັນໄປກໍຄົງບໍ່ຕ້ອງປັບໂຕຫຍັງໃຫ້ຫຍຸ້ງຍາກ, ແຕ່ຄວາມຈິງແລ້ວ ເລື່ອງລາວທີ່ຕາມມາຫລັງການແຕ່ງດອງບໍ່ໄດ້ງ່າຍດັ່ງທີ່ຄິດ. ນອກຈາກການປັບໂຕຢ່າງໃຫຍ່ຫລວງແລ້ວ ຍັງມີພາລະຮັບຜິດຊອບທີ່ຕາມມາອີກຫລາຍ ເຮັດໃຫ້ຮູ້ສຶກວ່າການໃຊ້ຊີວິດຄູ່ບໍ່ແມ່ນເລື່ອງງ່າຍໆຫວານໆດັ່ງທີ່ຄິດ ຈຶ່ງກາຍເປັນສາເຫດໜຶ່ງທີ່ນຳມາສູ່ການຢ່າຮ້າງກັນໃນເວລາຕໍ່ມາ.

– ຄວາມຜິດຫວັງຈາກຮັກຄັ້ງເກົ່າ : ຄຳເວົ້າທີ່ວ່າການລືມຮັກຄັ້ງກ່ອນໜ້າຈະມີເຄົ້າຄວາມຈິງຢູ່ບໍ່ໜ້ອຍ ແມ່ຍິງບາງຄົນເຖິງຂັ້ນກ່າວວ່າ : ນາງບໍ່ສາມາດລືມຮັກຄັ້ງທຳອິດໄດ້ ພ້ອມທັງຄວາມຜິດຫວັງຈາກຮັກທີ່ຕ້ອງຈົບລົງ ຈຶ່ງເຮັດໃຫ້ນາງສູນເສຍສັດທາທີ່ມີໃນຄວາມຮັກໄປຈົນຮູ້ສຶກວ່າຈະບໍ່ຮັກໃຜຢ່າງເຕັມຫົວໃຈອີກ. ດັ່ງນັ້ນ, ນາງຈຶ່ງຄິດວ່າເຖິງວ່ານາງແຕ່ງດອງກັບໃຜກໍຄົງບໍ່ໄດ້ແຕກຕ່າງ ຫລື ເຮັດໃຫ້ຄວາມຮູ້ສຶກຂອງນາງປ່ຽນແປງໄປຈາກເກົ່າໄດ້ອີກ. ການແຕ່ງດອງກັບແຟນຄົນຕໍ່ມາຂອງນາງ ຈຶ່ງບໍ່ໄດ້ເກີດຂຶ້ນເທິງພື້ນຖານຄວາມຮັກ, ແຕ່ເກີດຂຶ້ນຍ້ອນນາງເບິ່ງວ່າຄຸນສົມບັດຂອງນາງກັບເຂົາເຂົ້າກັນໄດ້້ ແລະ ຄົນຜູ້ນີ້ຄົງບໍ່ເຮັດໃຫ້ນາງເສຍໃຈແບບເທື່ອທຳອິດອີກ, ແຕ່ສຸດທ້າຍການແຕ່ງດອງທີ່ບໍ່ໄດ້ມາຈາກຄວາມຮັກກໍຕ້ອງຈົບລົງດ້ວຍການເລີກລາຢ່າຮ້າງຄືເກົ່າ.

– ແຕ່ງດອງດ້ວຍຄວາມຫວັງວ່າມັນຈະເຮັດໃຫ້ສິ່ງຕ່າງໆດີຂຶ້ນ : ຫລາຍໆຄົນຕັດສິນໃຈເຂົ້າສູ່ພິທີແຕ່ງດອງດ້ວຍຄວາມຫວັງວ່າມັນຈະຊ່ວຍແກ້ໄຂສິ່ງຕ່າງໆໃຫ້ດີຂຶ້ນ ເປັນຕົ້ນແມ່ນແມ່ຍິງຄົນໜຶ່ງຄິດວ່າຍ້ອນສະຖານະຄູ່ຄອງທີ່ບັງຄັບຈະຊ່ວຍໃຫ້ນາງປ່ຽນໂຕເອງເປັນຄົນທີ່ມີຄວາມຮັບຜິດຊອບຫລາຍຂຶ້ນ ແລະ ຈະຊ່ວຍໃຫ້ເຂົາເປັນຜູ້ໃຫຍ່ຫລາຍຂຶ້ນ, ມີຄວາມເປັນຜູ້ນຳຫລາຍຂຶ້ນ, ແຕ່ຄວາມຈິງແລ້ວ ການແຕ່ງດອງບໍ່ໄດ້ເປັນວິທີແກ້ໄຂບັນຫາທີ່ຈະເຮັດໃຫ້ສິ່ງຕ່າງໆປ່ຽນແປງໄປດັ່ງທີ່ຄາດຫວັງໄວ້.

- lattana 1 - ຫລາຍສາເຫດການຢ່າຮ້າງຂອງແມ່ຍິງ

– ມີຄວາມໝັ້ນໃຈໃນໂຕເອງຕໍ່າ : ແມ່ຍິງບາງຄົນມີຄວາມໝັ້ນໃຈໃນໂຕເອງຕໍ່າ ຈົນເມື່ອມີໃຜຄົນໜຶ່ງເຂົ້າມາເຮັດໃຫ້ນາງຮູ້ສຶກດີກັບໂຕເອງຫລາຍຂຶ້ຶນ, ເອີ້ນຄວາມໝັ້ນໃຈຂອງນາງກັບຄືນມາ ຈົນເຮັດໃຫ້ນາງຄິດວ່າຄົງແມ່ນຜູ້ນີ້ແນ່ນອນທີ່ເປັນເນື້ອຄູ່ຂອງນາງ. ແມ່ນຢູ່ວ່າເຂົາເຮັດໃຫ້ທ່ານຮູ້ສຶກດີຂຶ້ນໄດ້, ແຕ່ຍ້ອນເລື່ອງປະສົບການດຽວນີ້ຍັງຄົງບໍ່ພຽງພໍທີ່ຈະເປັນເຫດຜົນໃຫ້ແມ່ຍິງຈັກຄົນຕົກລົງໃຈແຕ່ງດອງກັບໃຜ ເມື່ອຄວາມຮັກຍັງຄົງຕ້ອງການອົງປະກອບອື່ນໆຫລາຍກ່ວານີ້. ການທີ່ເຂົາເຮັດໃຫ້ນາງມີຄວາມໝັ້ນໃຈໃນໂຕເອງຫລາຍຂຶ້ນນັ້ນບໍ່ໄດ້ໝາຍຄວາມວ່າຈະເຮັດໃຫ້ຄວາມຮັກຂອງນາງ ແລະ ເຂົາຫລາຍຂຶ້ນນຳສະເໝີໄປ.

 

error: Content is protected !!