ທາງການ ອົດສະຕຣາລີ ນິວຊີແລນ ແຈ້ງເຕືອນໄພສຶນາມິ ຫລັງເກີດແຜ່ນດິນໄຫວ 7.7 ຣິກເຕີ

ສຳນັກຂ່າວຕ່າງປະເທດລາຍງານ: ວັນທີ 19 ພຶດສະພາຜ່ານມາ, ທາງການອົດສະຕຣາລີ ແລະ ນິວຊີແລນ ໄດ້ອອກເຕືອນໄພອາດເກີດສຶນາມິພັດຂຶ້ນຝັ່ງ ຫລັງເກີດແຜ່ນດິນໄຫວຂະໜາດ 7.7 ຣິກເຕີ ໃກ້ເກາະນິວແຄລິໂດເນຍ ໃນມະຫາສະໝຸດປາຊິຟິກ , ສູນກາງຢູ່ເລິກຈາກພື້ນດິນ 37 ກິໂລແມັດ  ໂດຍສູນເຕືອນໄພສຶນາມິປາຊິຟິກໄດ້ແຈ້ງເຕືອນໃຫ້ປະເທດຕ່າງໆທີ່ຢູ່ແຄມມະຫາສະໝຸດປາຊິຟິກລະວັງອັນຕະລາຍ ແລະ ອົບພະຍົບໄປຢູ່ໃນພື້ນທີ່ທີ່ປອດໄພ.