ອາເຕຕ້າຂໍໂທດອາເຊນອລ ບໍ່ດີພໍ ທີ່ຈະຍາດແຊ້ມກັບ ແມນຊິຕີ້

ຄູຝຶກຂອງປືນໃຫຍ່ ຍອມຮັບວ່າທີມຂອງລາວຍັງບໍ່ດີພໍທີ່ຈະຍາດແຊ້ມພຣີເມຍລີກ ຈາກ ແມນເຊັສເຕີ ຊິຕີ້, ເຊິ່ງຖືເປັນຄວາມຮັບຜິດຊອບຂອງໂຕລາວເອງທີ່ຈະຕ້ອງເຮັດໃຫ້ໄດ້.

ມິເກລ ອາເຕຕ້າ ຫົວຫນ້າຄູຝຶກຂອງ ອາເຊນອລ ຂໍໂທດແຟນບານທີ່ບໍ່ສາມາດນຳພາທີມໃຫ້ປະສົບຜົນສຳເລັດຕາມທີ່ຕັ້ງໃຈໄວ້ ແລະ ຍອມຮັບວ່າທີມຂອງລາວຍັງບໍ່ດີພໍທີ່ຈະເອົາແຊ້ມຈາກ ແມນຊິຕີ້.

ທີມປືນໃຫຍ່ເຊິ່ງພາດແຊ້ມພຣີເມຍລີກ ຢ່າງເປັນທາງການ. ຫລັງຈາກເສຍ 1-0 ໃຫ້ກັບ ນັອດຕິງແຮມ ຟໍເຣສ ໃນຄືນວັນເສົາທີ່ຜ່ານມາ. ເຊິ່ງຄູຝຶກຊາວສະເປນຍອມຮັບວ່າທີມຂອງລາວຄວນຈະເຮັດໄດ້ດີກວ່ານີ້.