ຫລາຍຊາດອາຊຽນ ຍັງບໍ່ທັນແກ້ກົດໂອນສັນຊາດ ກຽມລົງມະຕິກ່ອນຊີເກມຢູ່ໄທ

ຫລັງຈາກທີ່ສະຫະພັນກິລາຊີເກມ ຫລື ມົນຕີຊີເກມ ໄດ້ລົງມະຕິແກ້ໄຂທຳມະນູນຂໍ້ບັງຄັບຄັ້ງໃຫຍ່ທີ່ສຸດໃນຮອບ 62 ປີ ທັງໃນເລື່ອງບັນຈຸກິລາຈະໃຊ້ແຂ່ງຂັນຊີເກມໃຫ້ເນັ້ນກິລາສາກົນ ລວມເຖິງງານທີ່ມີການແຂ່ງຂັນໂອລິມປິກເກມ ແລະ ເອຊຽນເກມ ເປັນຕົ້ນ ຂະນະທີ່ກິລາພື້ນບ້ານຈະມີໄດ້ບໍ່ເກີນ 4 ຊະນິດກິລາ ຊີງໄຊໄດ້ກິລາລະ 8 ຫລຽນຄຳເທົ່ານັ້ນ ໂດຍຈະເລີ່ມຕົ້ນໃນຊີເກມ ຄັ້ງທີ 33 ທີ່ປະເທດໄທ ເປັນເຈົ້າພາບເປັນຕົ້ນໄປ ແນວໃດກໍຕາມຍັງບໍ່ມີການແກ້ກົດເລື່ອງຂອງນັກກິລາໂອນສັນຊາດ ທີ່ເຫັນໄດ້ຈະແຈ້ງໃນຊີເກມ ຄັ້ງທີ 32 ທີ່ກຳປູເຈຍທີ່ຜ່ານມາ.