ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ

ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ - 3859 1 - ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ
ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ - kitchen vibe - ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ

ກອງປະຊຸມພົບປະແລກປ່ຽນບົດຮຽນເພື່ອປຶກສາຫາລືການສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ ລະຫວ່າງກະຊວງພະລັງງານ ແລະ ບໍ່ແຮ່ (ພບ) ກັບ ກະຊວງຊັບພະຍາກອນທໍາມະຊາດ ສປ ຈີນ, ເຊິ່ງໄດ້ຈັດຂຶ້ນວັນທີ 22 ພຶດສະພາ 2023 ທີ່ກະຊວງ ພບ, ເປັນປະທານໂດຍທ່ານ ນາງ ຈັນສະຫວາດ ບຸບຜາ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ລີ ຈິນຟາ ຮອງລັດຖະມົນຕີກະຊວງຊັບພະຍາກອນທໍາມະຊາດ ສປ ຈີນ, ປະທານກົມໃຫ່ຍສໍາຫລວດທໍລະນີສາດແຫ່ງຊາດ ສປ ຈີນ.

ກອງປະຊຸມ ໄດ້ປຶກສາຫາລື ແລະ ສະເໜີຫລາຍຫົວຂໍ້ເປັນຕົ້ນການສະເໜີຂໍທຶນຊ່ວຍເຫລືອລ້າຈາກລັດຖະບານ ສປ ຈີນ ເພື່ອນໍາໄປຈັດຕັ້ງປະຕິບັດເຂົ້າໃນການສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ ຢູ່ເຂດທີ່ຍັງບໍ່ທັນໄດ້ສ້າງ ຂອງ ສປປ ລາວ ເນື້ອທີ່ 72,196 ກິໂລຕາແມັດ ແລະ ການສໍາຫລວດທໍລະນີຟີຊິກທາງອາກາດ ຢູ່ເຂດ 9 ແຂວງພາກເໜືອຂອງລາວ, ເຊິ່ງໃນປີ 2021 ຜ່ານມາ ກົມທໍລະນີສາດ ແລະ ແຮ່ທາດ ກະຊວງ ພບ ໄດ້ສໍາເລັດການສະເໜີແຜນການດັ່ງກ່າວ ໄປຍັງຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມາທິການ ຮ່ວມມືລາວ-ຈີນ ແລະ ສະຖານທູດຈີນ ປະຈໍາ ສປປ ລາວ ເພື່ອດໍາເນີນແຜນການດັ່ງກ່າວ. ພ້ອມນັ້ນ, ຍັງໄດ້ເໜີສ້າງຖານຂໍ້ມູນ (Big Data) ຈີນ-ອາຊຽນ ໂດຍກົມທໍລະນີສາດ ແລະ ແຮ່ທາດ ໄດ້ເຊັນ MOU ກັບກົມໃຫຍ່ສໍາຫລວດທໍລະນີສາດ ແຫ່ງຊາດຈີນ (CGS) ສໍາເລັດໃນປີ 2022 ຜ່ານມາ.

ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ - Visit Laos Visit SALANA BOUTIQUE HOTEL - ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ

ນອກນີ້, ສອງຝ່າຍໄດ້ປຶກສາຫາລືກ່ຽວກັບວຽກງານການສໍາຫລວດທໍລະນີສາດ ແລະ ການປະເມີນສະພາບແວດລ້ອມທາງທໍລະນີ ປະເມີນ ຊັບພະຍາກອນແຮ່ທາດ ແລະ ວາງແຜນພັດທະນາ, ຄົ້ນຄວ້າຂໍ້ມູນທາງດ້ານທໍລະນີວິທະຍາສາດ ແລະ ສະເໜີໂຄງການວິທະຍາສາດ ຂະໜາດໃຫຍ່ (Big Data) ການນໍາໃຊ້ເຕັກໂນໂລຊີສ້າງຖານຂໍ້ມູນທາງດ້ານທໍລະນີສາດ ແລະ ແຮ່ທາດລະບົບຖານເກັບກໍາຂໍ້ມູນການນໍາໃຊ້ລະບົບເຕັກໂນໂລຊີ, ລວມທັງການຈັດການເຝິກອົບຮົມ ເພື່ອສ້າງບຸກຄະລາກອນດ້ານວຽກງານດັ່ງກ່າວໃຫ້ມີຄວາມເຂັ້ມແຂງ.

ທ່ານ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ກ່າວວ່າ: ພາຍໃຕ້ການຮ່ວມມືໃນຂະແໜງທໍລະນີສາດແຮ່ທາດ ລະຫວ່າງ ກະຊວງພະລັງງານ ແລະ ບໍ່ ແຮ່ ແລະ ກະຊວງ ຊັບພະຍາກອນທໍາມະຊາດ ສປ ຈີນ (CGS) ໂຄງການຮ່ວມມືສໍາຫລວດສ້າງແຜນທີ່ທໍລະນີສາດ ໄດ້ສໍາເລັດການສໍາຫລວດ ສ້າງແຜນທີ່ທໍລະນີເຄມີ ມາດຕາສ່ວນ 1:200.000 ໃນເນື້ອທີ່ 16.309 ກິໂລຕາແມັດ ຫລື ເທົ່າກັບ 6,87% ຂອງເນື້ອທີ່ທົ່ວປະເທດ 3 ແຜ່ນ ກວມ 5 ແຂວງພາກເໜືອຄື: ແຂວງໄຊຍະບູລີ, ຫລວງພະບາງ, ບໍ່ແກ້ວ, ອຸດົມໄຊ ແລະ ແຂວງວຽງຈັນ ແລະ ສໍາຫລວດສ້າງແຜນທີ່ທໍລະນີເຄມີ ມາດຕາສ່ວນ 1:1.000.000 ກວມເນື້ອທົ່ວປະເທດເຊິ່ງໂຄງການໄດ້ເລີ່ມປະຕິບັດປີ 2012 ແລະ ສໍາເລັດໃນປີ 2017.

ໄລຍະສອງໂຄງການໄດ້ເລີ່ມເຊັນສັນຍາເດືອນສິງຫາ 2017 ເພື່ອສືບຕໍ່ຊ່ວຍເຫລືອໃນການສໍາຫລວດສ້າງແຜນທີ່ທໍລະນີສາດ ແລະ ທໍລະນີ ເຄມີ ມາດຕາສ່ວນ 1:200.000 ເນື້ອທີ່ 9.631 ກິໂລຕາແມັດ ຫລື ເທົ່າກັບ 4,06% ຂອງເນື້ອທີ່ທົ່ວປະເທດ ຈໍານວນ 2 ແຜ່ນ ເຂດເມືອງບໍ່ແຕນ ແກນທ້າວ, ທົ່ງມີໄຊ ເມືອງປາກລາຍ ແຂວງໄຊຍະບູລີ ແລະ ເມືອງຊະນະຄາມ ແຂວງວຽງຈັນ. ໂຄງການດັ່ງກ່າວມີອາຍຸສັນຍາ 5 ປີ ແລະ ຄາດວ່າການຈັດຕັ້ງປະຕິບັດໜ້າວຽກຂອງໂຄງການຈະສໍາເລັດທ້າຍປີ 2024.

ຂໍ້ມູນ: ວຽງຈັນໃໝ່

ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ - 5 - ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ
ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ - 3 - ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ
ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ - 4 - ລາວ-ຈີນ ຫາລືສືບຕໍ່ໃຫ້ການຊ່ວຍເຫລືອດ້ານສໍາຫລວດສ້າງແຜນທີ່ທໍລະນີສາດ ແລະ ທໍລະນີເຄມີ