ງານມະຫາກຳຫລຸດລາຄາເຄື່ອງໃຊ້ໄຟຟ້າ ຄັ້ງທໍາອິດໃນນະຄອນຫລວງວຽງຈັນ.

ໃນວັນທີ 13-18 ກັນຍານີ້, ສູນການຄ້າວຽງຈັນເຊັນເຕີຮ່ວມກັບບໍລິສັດ P&P ໄດ້ຈັດງານມະຫາກຳຫລຸດລາຄາເຄື່ອງໃຊ້ໄຟຟ້າໃນຄົວເຮືອນຈາກໂຮງງານຜະລິດໂດຍກົງຫລຸດສູງເຖິງ 70% ບໍ່ວ່າຈະເປັນຕູ້ເຢັນ, ຕູ້ຊັກຜ້າ, ເຕົາໄມໂຄເວັບ ແລະ ສິນຄ້າອື່ນໆອີກຫລາກຫລາຍ ເພື່ອເປັນການຄືນກໍາໄລໃຫ້ລູກຄ້າ, ນອກນີ້ຍັງມີຂອງແຖມ ແລະ ໃຫ້ລູກຄ້າຮ່ວມຊີງໂຊກໃນທຸກໆມື້ ລວມຄູປອງມີລາງວັນຫລາຍກວ່າ 50 ລ້ານກີບ. ພິເສດລູກຄ້າສາມາດຜ່ອນເຄື່ອງໃຊ້ໄຟຟ້າ 0% ໃນ 6 ເດືອນທີ່ກຸງສີເຟີດຊອຍ. ນອກຈາກນີ້ໃນເວລາ 14:00 ໂມງຂອງວັນທີ 16-17 ກັນຍານີ້, ລູກຄ້າສາມາດຮ່ວມປະມູນເຄື່ອງໃຊ້ໄຟຟ້າໃນລາຄາເລີ່ມຕົ້ນພຽງ 1.000 ກີບ.

ໃນງານວາງສະແດງດັ່ງກ່າວ, ມີຕົວແທນຈໍາໜ່າຍຈາກມິດຊູບິຊິ ອີເລັກຕຣິກ, ຮິຕາຊິ, ໂຊນີ, ທີຟາວ, ຟີລິບ, ດີພາວເວີ, ໂຕຊີໂນ, ໄດກິນ ແລະ ຊໍາຊຸງ ມາຮ່ວມນໍາດ້ວຍ.