ສື່ຫວຽດນາມເຜີຍແຜ່ຊີວິດ ນັກກິລາລອຍນ້ຳ ທາງບ້ານທຸກຍາກແຕ່ສູ້ຊີວິດຄວ້າ 5 ຫລຽນຊີເກມ ພໍ່ແມ່ຮູ້ຄວາມສຳເລັດຂອງລູກຍ້ອນຄູຝຶກໂທມາບອກ
May 26, 2023 - 12:00 PM

ສື່ຫວຽດນາມ ຕ່າງລາຍງານເລື່ອງລາວທີ່ປະທັບໃຈຂອງນາງ Cao Thi Xuan, ນັກລອຍນ້ຳຍິງທີມຊາດຫວຽດນາມ ພາຍຫຼັງຍາດໄດ້ 5 ຫລຽນໃນງານມະຫະກຳກິລາຊີເກມ 2023 ທີ່ກຳປູເຈຍ ແບ່ງອອກເປັນ 3 ຫລຽນຄຳ ແລະ 2 ຫລຽນເງິນ, ແນວໃດກໍ່ຕາມ, ຄອບຄົວຂອງລາວມີຖານະຍາກຈົນດຳລົງຊີວິດຢູ່ໃນເຂດພູດອຍ Cam Thuy ໂດຍພໍ່ຂອງລາວເຮັດວຽກຢູ່ເໝືອງຫີນ ສ່ວນແມ່ເຮັດນາ.
ໂດຍເຮືອນຂອງ Cao Thi Xuan ກາວ ທິ ຊວນ ເປັນເຮືອນຫລັງນ້ອຍໆ, ເນື້ອທີ່ປະມານ 30 ຕາແມັດ, ສ້າງດ້ວຍຫີນປູນ ຕັ້ງຢູ່ເທິງພູສູງຊັນ ບໍ່ມີຊັບສິນມີຄ່າໃດໆ ແຕ່ພາຍໃນເຮືອນເຕັມໄປດ້ວຍໃບປະກາດສະນີຍະບັດ ແລະ ຫລຽນລາງວັນຂອງນາງ. ເຖິງຢ່າງໃດກໍຕາມ, ກາວ ທິ ຊວນ ໄດ້ຫລຽນລາງວັນຫລວງຫລາຍ, ແຕ່ກໍ່ຍັງອາໄສຢູ່ໃນເຮືອນຫລັງເດີມ.