ໄຟໄໝ້ປ່າໃນການາດາ ເສຍຫາຍຫລາຍກວ່າ 9 ລ້ານເຮັກຕາ

ສຳນັກ​ຂ່າວຊິນ​ຮວາ​ລາຍງານ ໃນວັນທີ 10 ມິຖຸນາ 2023 ຜ່ານມາວ່າ: ກາ​ນາ​ດາ ​ເລັ່ງລະດັບກຳລັງ​ເຈົ້າໜ້າ​ທີ່​ດັບ​ເພີງຄວບ​ຄຸມ​ ໄຟ​​ໄໝ້ປ່າທາງ​ຕາ​ເວັນ​ອອກສ່ຽງ​ເໜືອຂອງ​ປະ​ເທດ ກວມ​ເອົາ​ເນື້ອ​ທີ່​ ຫລາຍ​ກວ່າ 9 ລ້ານ​ເຮັກຕາສົ່ງ​ຜົນ​ໃຫ້​ ຍົກຍ້າຍ​ປະຊາຊົນ ຫລາຍ​ກວ່າ 20.000 ​ຄົນ ​ໂດຍ​ມີ​ ຈຸດ​ແປວ​ໄຟ​ໄໝ້​ແພ່​ລາມ​ ໄປ​ຫລາຍ​ກວ່າ 400 ຈຸດ ​ໃນ​ນີ້ ​ເຄິ່ງໜຶ່ງບໍ່​ສາມາດ​ຄວບ​ຄຸມ​ໄດ້ ຫລັງ​ຈາກ​ເກີດ​ໄຟ​ໄໝ້​ປ່າທັງ​ໝົດ ​ໃນ​ກາ​ນາ​ດາ ຫລາຍ​ກວ່າ 2.405 ຈຸດ ​ໃນ​ປີ​ນີ້.