ເຮືອໂດຍສານຈົມກາງແມ່ນ້ຳໄນຈີເຣຍ ຫລັງກັບຈາກງານແຕ່ງ ເສຍຊີວິດຫລາຍກວ່າ 100 ຄົນ

ສຳນັກຂ່າວຕ່າງປະເທດ ລາຍງານຈາກນະຄອນຫລວງອາບູຈາ ປະເທດໄນຈີເຣຍ ລາຍງານການເກີດເຫດເຮືອເຟີ່ຣີ່ ເຊິ່ງເຮືອໂດຍສານສ່ວນໃຫຍ່ເດີນທາງກັບຈາກການຮ່ວມງານແຕ່ງ ທີ່ລັດໄນເຈີ ຈົມກາງແມ່ນ້ຳ ໃນວັນອັງຄານທີ່ຜ່ານມາ, ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 103 ຄົນ ແລະ ໃນເວລາດຽວກັນ ໜ່ວຍກູ້ໄພຊ່ວຍເຫລືອຜູ້ລອດຊີວິດຫລາຍກວ່າ 100 ຄົນ.

ຢ່າງໃດກໍຕາມ ມີຄວາມກັງວົນວ່າ ຈຳນວນຜູ້ເສຍຊີວິດຈະເພີ່ມຂຶ້ນອີກ ເນື່ອງຈາກບໍ່ມີຝ່າຍໃດສາມາດຢືນຢັນຈຳນວນຜູ້ໂດຍສານທີ່ແນ່ນອນໄດ້, ຂະນະທີ່ໜ່ວຍກູ້ໄພຍັງດຳເນີນນການຄົ້ນຫາຜູ້ສູນຫາຍ.