​ສະຖາບັນພັດທະນາສີມືແຮງງານລາວ-ເກົາຫລີ ປັບປຸງການຈັດຕັ້ງໃໝ່

- advert banner 728 90 728x90 - ​ສະຖາບັນພັດທະນາສີມືແຮງງານລາວ-ເກົາຫລີ ປັບປຸງການຈັດຕັ້ງໃໝ່

ວັນທີ 18 ກັນຍານີ້, ສະຖາບັນພັດທະນາສີມືແຮງງານລາວ-ເກົາຫລີ ໄດ້ປະກາດແຕ່ງຕັ້ງພະນັກງານ 4 ຕໍາແໜ່ງ ເພື່ອຮັບປະກັນໃຫ້ການເຄື່ອນໄຫວ ປະຕິບັດໜ້າທີ່ວຽກງານມີການພັດທະນາດີຂຶ້ນ, ໂດຍສະເພາະແນໃສ່ເຮັດໃຫ້ແຮງານລາວໄດ້ຮັບການພັດທະນາສືມືແຮງງານທຽບ ທັນກັບສາກົນ, ໂດຍການເຂົ້າຮ່ວມຂອງ ທ່ານ ຄຳຂານ ພິນສະຫວັນ ຫົວໜ້າ ກົມຈັດຕັ້ງ-ພະນັກງານ, ກະຊວງແຮງງານ ແລະ ສະຫວັດດີການສັງຄົມ ມີບັນ ດາຫົວໜ້າສະຖາບັນ, ຮອງສະຖາບັນ, ຫົວໜ້າພະແນກ, ຫົວໜ້າຂະແໜງ, ວິຊາການ ແລະ ຄູອາຈານສະຖາບັນດັ່ງກ່າວເຂົ້າຮ່ວມເປັນຈຳນວນຫລາຍ.
ການແຕ່ງຕັ້ງຄັ້ງນີ້ ປະກອບມີ: ທ່ານ ພົງສະຫວັນ ສຸລິວັນ ຮອງຫົວ ໜ້າພະແນກສົ່ງເສີມກິດຈະກຳ ພັດທະນາສີມືແຮງງານ ຂື້ນເປັນຮອງສະຖາ ບັນພັດທະນາສີມືແຮງງານລາວ-ເກົາຫລີ, ທ່ານນາງ ລັດສະໝີ ສຸວັນທອງ ຫົວໜ້າຂະແໜງ ຂື້ນເປັນ ຮອງຫົວໜ້າພະແນກສົ່ງເສີມກິດຈະກຳພັດທະ ນາສີມືແຮງງານ, ທ່ານນາງ ຈັນຕຸລາ ສີລາ ວິຊາການ ຂື້ນເປັນຫົວໜ້າ ຂະແໜງສົ່ງເສີມກິດຈະກຳພັດທະນາສີມືແຮງງານ ແລະ ທ່ານ ບຸນຍົງ ແກ້ວບົວພັນ ຮອງຫົວໜ້າພະແນກສົ່ງເສີມກິດຈະກຳພັດທະນາສີມືແຮງງານ ຂື້ນເປັນ ຫົວໜ້າພະແນກສົ່ງເສີມກິດຈະກຳພັດທະນາສີມືແຮງງານ, ສະຖາບັນ ພັດທະນາສີມືແຮງງານລາວ-ເກົາຫລີ.
ໃນໂອກາດນີ້, ທ່ານ​ຫົວໜ້າ​ກົມ​ຈັດ​ຕັ້ງ ​ໄດ້​ມີ​ຄຳ​ເຫັນ​ວ່າ: ໃນຕໍ່ໜ້ານີ້ໃຫ້ເອົາໃຈໃສ່ເພີ່ມທະວີຄວາມ ຮັບຜິດຊອບ ແລະ ຄວາມເປັນເຈົ້າການໃນການຄົ້ນຄ້ວາ, ການບໍລິຫານວຽກ ງານຂອງຕົນໃຫ້ມີປະສິດທິພາບສູງຂຶ້ນ ເພື່ອຕອບສະໜອງຄວາມຮຽກຮ້ອງຕ້ອງ ການຂອງໜ້າທີ່ການເມືອງໃນປັດຈຸບັນ ກໍຄືການບໍລິຫານວຽກງານແຮງງານ ແລະ ສະຫວັດດີການສັງຄົມໃຫ້ເຂົ້າສູ່ລວງເລິກ, ເປັນລະບົບທົ່ວເຖິງສັງຄົມ, ສຶກສາອົບຮົມການເມືອງແນວຄິດໃຫ້ສະມາຊິກພັກ-ພະນັກງານ-ລັດຖະກອນ ໄດ້ເຊື່ອມຊຶມ ແລະ ເຊື່ອໝັ້ນຕໍ່ການນໍາພາຂອງພັກໃຫ້ມີຄວາມສາມັກຄີກົມ ກຽວ, ບຸກບືນຫ້າວຫັນຕໍ່ໜ້າທີ່ວຽກງານທີ່ໄດ້ຮັບມອບໝາຍ, ປະຕິບັດລະບຽບ ວິໄນຕໍ່ການຈັດຕັ້ງ, ມະຕິຄໍາສັ່ງ, ລະບຽບກົດໝາຍຂອງພັກ-ລັດວາງອອກຢ່າງ ເຂັ້ມງວດ. ພ້ອມທັງແບ່ງຄວາມຮັບຜິດຊອບພາຍໃນຄະນະພັກ ແລະ ປັບປຸງ ການຈັດຕັ້ງຂອງຕົນໂດຍໄວ ເພື່ອຮັບປະກັນການເຄື່ອນໄຫວວຽກງານມີຄວາມ ຄ່ອງຕົວ ແລະ ມີປະສິດທິພາບດີຂຶ້ນ.

- new3 - ​ສະຖາບັນພັດທະນາສີມືແຮງງານລາວ-ເກົາຫລີ ປັບປຸງການຈັດຕັ້ງໃໝ່
- lattana 1 - ​ສະຖາບັນພັດທະນາສີມືແຮງງານລາວ-ເກົາຫລີ ປັບປຸງການຈັດຕັ້ງໃໝ່
error: Content is protected !!