ວິທີປ້ອງກັນການເກີດລູກກ່ອນກຳນົດ

- advert banner 728 90 728x90 - ວິທີປ້ອງກັນການເກີດລູກກ່ອນກຳນົດ

ຍ້ອນການເກີດລູກກ່ອນກຳນົດເປັນປັດໄຈທີ່ອາດເຮັດໃຫ້ເດັກນ້ອຍເກີດມາພິການ ຫລື ເສຍຊີວິດໄດ້. ດັ່ງນັ້ນ, ເຮົາຈຶ່ງຄວນປ້ອງກັນໄວ້ກ່ອນ ໂດຍແມ່ກໍຕ້ອງເອົາໃຈໃສ່ໃຫ້ຫລາຍໆ ເມື່ອຮູ້ໂຕວ່າຖືພາແລ້ວຄວນເອົາໃຈໃສ່ ແລະ ດູແລໂຕເອງດັ່ງຕໍ່ໄປນີ້ :

- new3 - ວິທີປ້ອງກັນການເກີດລູກກ່ອນກຳນົດ

– ໄປຝາກທ້ອງແຕ່ຫົວທີກ່ອນຖືພາໄດ້ 12 ອາທິດ ໄປພົບທ່ານໝໍຕາມນັດທຸກເທື່ອ ແລະ ເຮັດຕາມຄຳແນະນຳໃຫ້ຄົບຖ້ວນ.

– ກິນອາຫານທີ່ດີຕໍ່ສຸຂະພາບ ໂດຍສະເພາະກົດໂຟເລດ ຫລື ໂຟລິກ ເຊິ່ງກໍຄືວິຕາມິນເບຊະນິດໜຶ່ງພົບໄດ້ຫລາຍໃນຜັກ, ໝາກໄມ້ສົດ ຫລື ວິຕາມິນລວມ, ທາດເຫລັກ, ທາດການຊຽມ, ໂປຣຕິນ ເພື່ອພັດທະນາການຂອງລູກໃນທ້ອງ.

– ຫາກມີພະຍາດຊຳ້ເຮື້ອຢູ່ ບໍ່ວ່າຈະເປັນເບົາຫວານ, ຄວາມດັນເລືອດສູງ, ໄຂມັນໃນເລືອດສູງ ຄວນກວດສຸຂະພາບປ້ອງກັນພະຍາດເຫລົ່ານີ້ໃຫ້ດີ.

– ປຶກສາທ່ານໝໍນຳວ່າໃນໄລຍະທີ່ກຳລັງຖືພາຢູ່ນີ້ ຈະສາມາດອອກແຮງເຮັດວຽກ, ອອກກຳລັງກາຍ ຫລື ຮ່ວມເພດໄດ້ແນວໃດ.

– ງົດການສູບຢາ, ເຫລົ້າ, ສານເສບຕິດທຸກຊະນິດ ລວມທັງບໍ່ເຂົ້າໄປສືບດົມຄັວນຢາສູບ, ສານລະເຫີຍຕ່າງໆນຳ.

- lattana 1 - ວິທີປ້ອງກັນການເກີດລູກກ່ອນກຳນົດ

– ເອົາໃຈໃສ່ກັບສຸຂະພາບປາກ ແລະ ແຂ້ວ.

– ລ້າງມືດ້ວຍນຳ້ ແລະ ສະບູເລື້ອຍໆ ຫລື ຈະໃຊ້ອານກໍຮໍເຈວເຊັດມືກໍໄດ້ ທັງກ່ອນກິນອາຫານ, ກ່ອນດື່ມນຳ້, ເຂົ້າເຮືອນ, ເຂົ້າບ່ອນເຮັດວຽກ, ຫລັງຈັບເຄື່ອງໃຊ້ຂອງຄົນອື່ນ,​ ຫລັງອອກຈາກຫ້ອງນຳ້ ຫລື ສຳຜັດສັດລ້ຽງ ທັງບໍ່ຄວນຫລິ້ນກັບສັດລ້ຽງໃນເວລາຖືພາ.

– ບໍ່ຄວນກັ້ນຍ່ຽວ, ບໍ່ຄວນນັ່ງ ຫລື ຢືນດົນໆ, ດື່ມນຳ້ສະອາດໃຫ້ພຽງພໍ ປ້ອງກັນການຕິດເຊື້ອລະບົບທໍ່ຍ່ຽວນຳອີກ.

– ຫາກມີອາການຕໍ່ໄປນີ້ອາດສ່ຽງຕໍ່ການເກີດລູກກ່ອນກຳນົດ ໄດ້ແກ່ : ມົດລູກຫົດໂຕດົນເກີນ 8 ເທື່ອຕໍ່ຊົ່ວໂມງ ຫລື ປວດຫລັງເລື້ອຍໆ ບໍ່ແມ່ນປວດເປັນໄລຍະ ຮູ້ສຶກມີແຮງກົດຢູ່ທ້ອງນ້ອຍ, ເຈັບທ້ອງຖ່າຍ, ຕົກເລືອດ ຫລື ມີເລືອດອອກທາງຊ່ອງຄອດ, ມີນຳ້ເມືອກ ຫລື ນຳ້ໄຫລອອກມາຈາກຊ່ອງຄອດ ໃຫ້ຟ້າວໄປໂຮງໝໍທັນທີ ເພາະທ່ານອາດສ່ຽງຕໍ່ການເກີດລູກກ່ອນກຳນົດໄດ້.

error: Content is protected !!