ແມ່ຍິງໄວໝົດປະຈຳເດືອນຕຸ້ຍງ່າຍກ່ວາ

- advert banner 728 90 728x90 - ແມ່ຍິງໄວໝົດປະຈຳເດືອນຕຸ້ຍງ່າຍກ່ວາ

ໃນແມ່ຍິງໄວໝົດປະຈໍາເດືອນແລ້ວ ເມື່ອຮໍໂມນໝົດໄປແລ້ວຈະມີອາການໝຸດໝັດງ່າຍ, ອາລົມປ່ຽນແປງ, ນອນບໍ່ຫລັບ ແລະ ໃຈສັ່ນ ເຊິ່ງອາການກໍບໍ່ໄດ້ຮຸນແຮງຫລາຍປານໃດ ແຕ່ສິ່ງທີ່ຮຸນແຮງກ່ວາກໍຄື ພະຍາດຊຳ້ເຮື້ອທີ່ເກີດຈາກການໝົດປະຈຳເດືອນ ເກີດຈາກຄວາມເຖົ້າແກ່ຂອງອະໄວຍະວະຕ່າງໆໃນຮ່າງກາຍຕາມຂະບວນການທຳມະຊາດ ເຊິ່ງຮໍໂມນກໍເປັນສ່ວນໜຶ່ງ ຫາກຮ່າງກາຍຕຸ້ຍ, ນຳ້ໜັກເກີນຄວາມສ່ຽງກໍຈະສູງຂຶ້ນໄປນຳ ເຊິ່ງຈະເປັນຄວາມດັນເລືອດ, ເບົາຫວານ, ໄຂມັນໃນເລືອດ, ພະຍາດມະເຮັງ, ພະຍາດຫົວໃຈຂາດເລືອດ, ອຳມະພຶກ, ອຳມະພາດໄດ້ງ່າຍຍິ່ງຂຶ້ນ. ໄລຍະໝົດປະຈຳເດືອນຈຶ່ງຕ້ອງເປັນໄລຍະເວລາທີ່ຄວບຄຸມການເພີ່ມຂອງນຳ້ໜັກຢ່າງເຂັ້ມງວດ ເພາະເປັນພາກສ່ວນໜຶ່ງຂອງສາເຫດພະຍາດຮ້າງແຮງທີ່ອາດຂ້າຊີວິດກ່ອນໄວອັນຄວນໄດ້.

- new3 - ແມ່ຍິງໄວໝົດປະຈຳເດືອນຕຸ້ຍງ່າຍກ່ວາ

ໃນໄວອື່ນນັ້ນ ປັດໄຈທີ່ເຮັດໃຫ້ຮ່າງກາຍມີຄວາມຕຸ້ຍນຳ້ໜັກເກີນຂຶ້ນຢູ່ກັບການກິນອາຫານເປັນສຳຄັນ, ແຕ່ໃນໄວໝົດປະຈຳເດືອນບາງເທື່ອເຖິງວ່າຈະຄວບຄຸມອາຫານຢ່າງເຕັມທ່ີແລ້ວກໍຍັງບໍ່ສາມາດຄວບຄຸມນຳ້ໜັກໄວ້ໄດ້ ເຊິ່ງທາງທີ່ດີສຸດກໍຄືຄວນຄວບຄຸມໄວ້ນັບແຕ່ໄວກ່ອນໝົດປະຈຳເດືອນ.  ໃນສັງຄົມຄົນໃນເມືອງປະຈຸບັນນີ້ອາຫານການກິນເລີ່ມຫລຸດຄຸນນະພາບລົງ ຄົນເຮົາກິນອາຫານທີ່ມີແຕ່ແປ້ງ ແລະ ໄຂມັນຫລາຍ, ບໍ່ມີຄຸນຄ່າທາງອາຫານຫລາຍ ເຮັດໃຫ້ສ່ຽງຕໍ່ການເປັນພະຍາດຕຸ້ຍໄດ້ງ່າຍ ແມ່ນຢູ່ວ່າເຮົາອາດບໍ່ສາມາດປຸງແຕ່ງອາຫານກິນເອງໄດ້ທຸກຄາບ, ແຕ່ເປັນໄປໄດ້ກໍຄວນເລືອກອາຫານທີ່ມີປະໂຫຍດ, ມີ ໄຂມັນຕໍ່າ, ມີລົດຊາດຫວານໜ້ອຍເຄັມໜ້ອຍ ແລ້ວກິນຜັກ, ໝາກໄມ້ໃຫ້ຫລາຍຂຶ້ນ ກໍຈະຊ່ວຍຫລຸດຄວາມສ່ຽງໄດ້ນັບແຕ່ຍັງບໍ່ໝົດປະຈຳເດືອນ.

- lattana 1 - ແມ່ຍິງໄວໝົດປະຈຳເດືອນຕຸ້ຍງ່າຍກ່ວາ

ສ່ວນເລື່ອງການອອກກຳລັງກາຍນັ້ນ ຢ່າງໜ້ອຍທີ່ສຸດຄວນໃຫ້ຮ່າງກາຍໄດ້ອອກກຳລັງກາຍແດ່ ແຕ່ລະມື້ໃຫ້ມີເວລາຍ່າງຫລິ້ນຢ່າງໜ້ອຍ 30 – 60 ນາທີ ຈະຊ່ວຍໃຫ້ຮ່າງກາຍແຂງແຮງຂຶ້ນຫລາຍ ຄວນຍ່າງໃນເວລາທີ່ມີແສງແດດອ່ອນໆ ເຊັ່ນ : ຕອນເຊົ້າ, ຕອນຫົວແລງ ການຕາກແດດອ່ອນໆຈະຊ່ວຍໃຫ້ຜິວໜັງໄດ້ຮັບວິຕາມິນເດ ເຮັດໃຫ້ກະດູກແຂງແຮງຂຶ້ນ ຊ່ວຍປ້ອງກັນພະຍາດກະດູກຜ່ອຍໄດ້ນຳອີກ.

error: Content is protected !!