ພົບຊາກເຮືອດຳນ້ຳໄທທັນແລ້ວ ຜູ້ໂດຍສານທັງ 5 ຄົນເສຍຊີວິດທັງໝົດ
ສຳນັກຂ່າວຕ່າງປະເທດລາຍງານ: ວັນທີ 23 ມິຖຸນາ 2023 ນີ້, ເຈົ້າໜ້າທີ່ຊາຍຝັ່ງສະຫະລັດຖະແຫລງວ່າ ພົບຊິ້ນສ່ວນຂອງເຮືອດຳນ້ຳໄທທັນແລ້ວ, ມີສ່ວນຂອງຂາຕັ້ງ ແລະ ຝາຮອບດ້ານຫລັງ ເຊິ່ງ ເກີດຈາກລະເບີດ ແລະ ສົ່ງຜົນໃຫ້ຜູ້ໂດຍສານທີ່ຢູ່ໃນເຮືອເສຍຊີວິດທັງໝົດ, ພາຍຫລັງທີມກູ້ໄພ ຈາກ 4 ປະເທດເປັນຕົ້ນ: ສະຫະລັດ ການາດາ, ຝຣັ່ງ ແລະ ອັງກິດ ຢ່າງຕໍ່ເນື່ອງ ຫລັງຄາດການວ່າ ອອກຊີເຈນພາຍໃນເຮືອຈະໝົດລົງໃນເຊົ້າຂອງວັນທີ 22 ມິຖຸນາ ກໍຕາມ.
ໂດຍຍັງບໍ່ສາມາດລະບຸໄດ້ວ່າການລະເບີດເກີດຂຶ້ນເມື່ອໃດ ຫລື ມີສາເຫດມາຈາກຫຍັງ, ແຕ່ຈະເດີນໜ້າປະຕິບັດການຄົ້ນຫາຕໍ່ໄປ ສ່ວນຜູ້ເສຍຊີວິດນັ້ນບໍ່ສາມາດຢືນຢັນວ່າພົບ ຫລື ນຳສົບຂຶ້ນມາໄດ້ຫລືບໍ່.
ເຊິ່ງຜູ້ໂດຍສານ 4 ຄົນທີ່ຢູ່ໃນເຮືອລຳນັ້ນລວມມີ Hamosh Harding ອາຍຸ 58 ປີ ເປັນນັກສຳຫລວດຊາວອັງກິດ ແລະ ມີທຸລະກິດ, Shahzada Dawood ອາຍຸ 48 ປີ ນັກທຸລະກິດຊາວປາກິດສະຖານ, Stockton Rush ອາຍຸ 61 ປີ ປະທານບໍລິສັດ ໂອຊຽນເກດ ເອັກເພດິຊັນ ເຈົ້າຂອງເຮືອດຳນ້ຳ ແລະ Paul-Henry Nargeolet ນັກສຳຫລວດຊາວຝຣັ່ງ ອາຍຸ 77 ປີ ຜູ້ໃຫ້ບໍລິການນຳທ່ຽວຊົມຊາກເຮືອໄທທານິກ.
