ເນມາ ອາດຕັດສິນໃຈຢູ່ ເປແອສເຊ ຕໍ່ ຖ້າໄດ້ ຫລຸຍ ເອນຣິເກ້ ອະດີດໂຄ໋ດ ທີມຊາດສະເປນ ມາຄຸມທີມ

ສື່ຕ່າງປະເທດລາຍງານວ່າ ເນມາ ກອງໜ້າທີມຊາດບຣາຊິນ. ກໍາລັງພິຈາລະນາອາດຢູ່ກັບ ປາຣີ ແຊັງ-ແຊັກແມັງ ຕໍ່ໄປ ຖ້າແຊ້ມລີກເອິງ 11 ສະໄໝ ໄດ້ຕົວ ຫລຸຍ ເອນຣິເກ້ ຄູຝຶກທີມຊາດສະເປນ ເຂົ້າມາຄຸມທີມ ເນື່ອງຈາກທັງສອງເຄີຍຮ່ວມວຽກກັນຢູ່ ບາເຊໂລນາ ແລະ ມີລະດູການທີ່ດີ ໂດຍສະເພາະໃນປີ 2014-15 ທີ່ ບາເຊໂລນາ ຄວ້າ 3 ແຊ້ມ ທັງລາລີກາ, ໂຄປາ ເດລເຣ ແລະ ຢູຟ້າ ແຊ້ມປ້ຽນລີກ.

ປາຣີ ແຊັງ-ແຊັກແມັງ ຄວ້າແຊ້ມລີກ 1 ສະໄໝທີ 9 ຂອງເຂົາເຈົ້າໃນຮອບ 11 ປີຜ່ານມາ ແຕ່ຕົກຮອບ ຢູຟ້າ ແຊ້ມປ້ຽນລີກ ລວມທັງເຕະບານຝຣັ່ງ, ເຮັດໃຫ້ ເນມາ, ລີໂອເນວ ເມສຊີ່ ແລະ ມາໂຄ ເວຣັດຕິ ຕົກເປັນເປົ້າໂຈມຕີຂອງແຟນ PSG. ເນື່ອງຈາກໄດ້ຮັບຄ່າຈ້າງສູງຕົ້ນໆຂອງສະໂມສອນ ແຕ່ບໍ່ສາມາດນໍາພາທີມໄປສູ່ຄວາມສໍາເລັດໃນເວທີເອີຣົບໄດ້.