ລະວັງ !!! ພະຍາດລະດູຮ້ອນ

- Untitled design - ລະວັງ !!! ພະຍາດລະດູຮ້ອນ

ທ່ານທົວໜ້າຂະແໜງລະບາດວິທະຍາ,ພະແນກສາທາລະນະສຸກນະຄອນຫຼວງວຽງຈັນໄດ້ອອກມາເຕືອນໃຫ້ປະຊາຊົນ,ໂດຍສະເພາະຊາວນະຄອນລວງວຽງຈັນໃຫ້ເອົາໃຈໃສ່ປ້ອງກັນພະຍາດທີ່ມາກັບລະດູຮ້ອນໃຫ້ດີ, ເນື່ອງຈາກສະພາບອາກາດຮ້ອນອົບເອົ້າໃນປັດຈຸບັນໄດ້ກາຍເປັນສິ່ງເອື້ອອຳນວຍກໍ່ໃຫ້ເກີດພະຍາດຕ່າງໆຕາມໄດ້ງ່າຍເປັນຕົ້ນແມ່ນ: ພະຍາດຖອກທ້ອງ, ໄຂ້ຍຸງລາຍ, ພະຍາດຜິວໜັງ ແລະ ພະຍາດຕາມລະດູການອື່ນໆ, ດັ່ງນັ້ນ ເພື່ອປ້ອງກັນພະຍາດດັ່ງກ່າວໃຫ້ດີທຸກຄົນຕ້ອງເອົາໃຈໃສ່ປະຕິບັດຕາມຫລັກການອະນາໄມ 3 ສະອາດໃຫ້ດີ, ໂດຍສະເພາະແມ່ນອາຫານການກິນຕ້ອງໄດ້ລະມັດລະວັງເປັນພິເສດ, ເນື່ອງຈາກສະພາບອາກາດຮ້ອນຈະເຮັດໃຫ້ບູດເນົ່າໄດ້ງ່າຍ, ຊຶ່ງເປັນສາເຫດເຮັດໃຫ້ເກີພະຍາດຖອກທ້ອງ. ໂດຍສະເພາະແມ່ນເດັກນ້ອຍ ແລະ ຜູ້ສູງອາຍຸຕ້ອງໄດ້ເອົາໃຈໃສ່ເປັນພິເສດຄື: ກິນສະອາດ, ດື່ມສະອາດ, ຢູ່ສະອາດ  ແລະ ບໍ່ຄວນຕາກແດດດົນເກີນໄປ,ພ້ອມນັ້ນກໍຕ້ອງໝັ່ນທຳຄວາມສະອາດຮ່າງກາຍ ແລະ ສິ່ງແວດລ້ອມໃນເຮືອນໃຫ້ສະອາດຢູ່ສະເໝີ,ລ້າງມືທຸກຄັ້ງກ່ອນ ແລະ ຫລັງກິນອາຫານ, ຄວນເກັບມ້ຽນອາຫານໃຫ້ດີ, ບໍ່ໃຫ້ມີແມງວັນຕອມ, ກິນອາຫານທີ່ສະອາດ ແລະ ປຸງແຕ່ງສຸກດີ, ພ້ອມນີ້ວັດຖຸດິບທີ່ນຳມາປຸງແຕ່ງອາຫານກໍຄວນສົດ, ສະອາດ, ບໍ່ມີສານເຄມີປົນເປື້ອນພຽງເທົ່ານີ້ພວກເຮົາກໍຈະສາມາດຫຼີກລຽງຈາກພະຍາດດັ່ງກ່າວໄດ້.

ທ່ານຫົວໜ້າຂະແໜງການດັ່ງກ່າວຢ້າວ່າ: ນອກຈາກພະຍາດຖອດທ້ອງແລ້ວສະພາບອາກາດທີ່ປ່ຽນແປງໃນປັດຈຸບັດຍັງເປັນເງື່ອນໄຂໃຫ້ຍຸງລາຍທີ່ເປັນພາຫະນຳເຊື້ອໄຂ້ເລືອດອອກແຜ່ພັນໄດ້ງ່າຍຊຶ່ງສຽງຕໍ່ການເກີດລະບາດຂອງພະຍາດໄຂ້ເລືອດອອກ, ດ້ວຍເຫດນີ້ພວກເຮົາຕ້ອງໄດ້ເອົາໃຈໃສ່ປ້ອງກັນ ແລະ ສະກັດກັ້ນພະຍາດໄຂ້ເລືອດອອກໃຫ້ດີ, ໂດຍສະເພາະແມ່ນການທຳລາຍແຫຼ່ງເພາະພັນຂອງຍຸງລາຍດ້ວຍການປະຕິບັດຕາມຄຳຂວັນ 5 ປ. ທີ່ປກະຊວງສາທາລະນະສຸກວາງອອກຢ່າງເຂັ້ມ ງວດຄື: 1. ປິດຝາພາຊະນະທີ່ເກັບນ້ຳໃນເຮືອນ ແລະ ນອກເຮືອນເພື່ອບໍ່ໃຫ້ຍຸງມາໄຂ່ໃສ່. 2. ປ່ຽນນ້ຳໃນພາຊະນະເຊັ່ນ: ເຕົ້າດອກໄມ້, ນ້ຳຮອງຕີນຕູ້, ຖ້ານຮອງຈອກນ້ຳ. 3. ປ່ອຍປາຫາງນົກຍູງເພື່ອກິນໜອນນ້ຳ. 4. ປັບປຸງການອະນາໄມສິ່ງແວດລ້ອມອ້ອມເຮືອນບໍ່ໃຫ້ມີກະໂປະ, ກະປ໋ອງ, ຢາງຕີນລົດເກົ່າທີ່ມີນ້ຳຂັງ ແລະ 5. ປະຕິບັດໃຫ້ເປັນນິໃສປະຈຳທຸກໆອາທິດ ແລະ ຖ້າຫາກເປັນໄຂ້ໃຫ້ໄປພົບແພດໝໍດ່ວນ

- Wave100S AD to Website 2020 0 - ລະວັງ !!! ພະຍາດລະດູຮ້ອນ
- WhatsApp Image 2020 05 27 at 5 - ລະວັງ !!! ພະຍາດລະດູຮ້ອນ
- WhatsApp Image 2020 05 27 at 5 - ລະວັງ !!! ພະຍາດລະດູຮ້ອນ
error: Alert: ເນື້ອຫາຂ່າວມີລິຂະສິດ !!