ແມນຢູ ພ້ອມປ່ອຍ ຊານໂຊ ເພື່ອລະດົມທຶນໃຫ້ ເທນ ຮາກ ເລືອກຊື້ນັກເຕະໜ້າຮ້ອນ

ຈາດອນ ຊານໂຊ ອາດຈະຖືກ ແມນເຊສເຕ ຢູໄນເຕັດ ປ່ອຍຕົວອອກຈາກສະໂມສອນ ຫາກມີຂໍ້ສະເໜີທີ່ໜ້າສົນໃຈ ເພື່ອເປັນການລະດົມທຶນໃຫ້ກັບ ເອຣິກ ເທນ ຮາກ ໃນຕະຫລາດຊື້-ຂາຍ ລະດູການນີ້.

ລາຍງານຂ່າວລະບຸວ່າ ຜູ້ຈັດການທີມ ແມນເຊສເຕີ ຢູໄນເຕັດ ໄດ້ທຶນໃນການຊ໊ອບປິງ ນັກເຕະໃຫມ່ປະມານ 120 ລ້ານປອນ ເຊິ່ງຫາກລາວຕ້ອງການຫລາຍກວ່ານີ້ກໍຕ້ອງເຮັດການປ່ອຍນັກເຕະສ່ວນເກີນອອກຈາກທີມນຳ.

ຊານໂຊ ກາຍເປັນນັກເຕະທີ່ຄາດວ່າຈະຖືກຂາຍໃນຕະຫລາດລະດູການນີ້ ຈາກຜົນງານບໍ່ຄ່ອຍດີຫລັງຈາກຍ້າຍມາແຕ່ ໂບຣຸສເຊຍ ດອດມຸນ ດ້ວຍຄ່າຕົວ 73 ລ້ານປອນ ເມື່ອ 2 ປີກ່ອນ ໂດຍຍິງໄປພຽງ 11 ປະຕູ ແລະ ເຮັດໄດ້ 6 ແອສຊິສເທົ່ານັ້ນ.

ໂດຍ ພີດ ໂອຣຸກ ນັກຂ່າວທີ່ເກາະຕິດຕະຫລາດນັກເຕະໄດ້ເປີດເຜີຍເລື່ອງນີ້ກັບ ຟຸດບອລອິນໄຊ ວ່າ :  ຈາດອນ ຊານໂດ ອາດຈະໄດ້ຍ້າຍອອກຈາກແມນຢູແບບເຊີໄພຣ ແມນຢູ ພ້ອມຈະພິຈາລະນາຂໍ້ສະເໜີທີ່ກ່ຽວຂ້ອງກັບປີກລາຍນີ້ທີ່ບໍ່ສາມາດສະແດງຜົນງານໄດ້ເລີຍນັບແຕ່ຍ້າຍມາຍັງຖິ່ນ ໂອນ ແທຣຟຟອດ ເມື່ອ 2021, ຊານໂຊ ອາດຈະຕ້ອງຍອມເສຍສະຫລະເພື່ອໃຫ້ສະໂມສອນມີເງິນໄປຊື້ນັກເຕະທີ່ພວກເຂົາຕ້ອງການ.