ສະຖາບັນພັດທະນາສີມືແຮງງານລາວ-ເກົາຫລີ ຈະໄຂສົກຮຽນໃນຕົ້ນເດືອນຕຸລານີ້

- advert banner 728 90 728x90 - ສະຖາບັນພັດທະນາສີມືແຮງງານລາວ-ເກົາຫລີ ຈະໄຂສົກຮຽນໃນຕົ້ນເດືອນຕຸລານີ້

    ມາຮອດປັດຈຸບັນ ສະຖາ ບັນພັດທະນາສີມືແຮງງານລາວ-ເກົາຫລີ, ໄດ້ເລີ່ມເປີດໃຫ້ນັກ ຮຽນ-ນັກສຶກສາ ເຂົ້າມາສະໝັກ ແລະ ລົງທະບຽນກະກຽມເຂົ້າ ຮ່ວມສອບເສັງ, ເພື່ອຄັດເລືອກ ລະດັບການຮຽນຂອງແຕ່ລະບຸກຄົນ ແລະ ຈັດຫ້ອງໃຫ້ຖືກຕາມ ລະດັບຄວາມຮັບຮູ້, ທັງນີ້ ກໍເພື່ອ ເຮັດໃຫ້ການຮຽນຂອງນັກສຶກສາ ມີຄວາມສະດວກສະບາຍ ແລະ ເພື່ອໃຫ້ມີຄວາມພ້ອມກ່ອນມື້ໄຂສົກຮຽນໃນຕົ້ນເດືອນຕຸລານີ້.

- new3 - ສະຖາບັນພັດທະນາສີມືແຮງງານລາວ-ເກົາຫລີ ຈະໄຂສົກຮຽນໃນຕົ້ນເດືອນຕຸລານີ້

 

- xsdf74 - ສະຖາບັນພັດທະນາສີມືແຮງງານລາວ-ເກົາຫລີ ຈະໄຂສົກຮຽນໃນຕົ້ນເດືອນຕຸລານີ້

 

+ ​ສະຖາບັນພັດທະນາສີມືແຮງງານລາວ-ເກົາຫລີ ປັບປຸງການຈັດຕັ້ງໃໝ່

+ ກະຊວງແຮງງານ ແລະ ສະຫວັດດີການສັງຄົມເລັ່ງເປີດກ້ວາງ ການຮ່ວມມືກັບຍີ່ປຸ່ນ

ທ່ານ ບຸນມາ ສິດທິໂສມ ຫົວໜ້າສະຖາບັນດັ່ງກ່າວ ໄດ້ ໃຫ້ສຳພາດຕໍ່ນັກຂ່າວລາວພັດ ທະນາ, ໃນວັນທີ 19 ກັນຍານີ້ ວ່າ: ໃນໂອກາດກະກຽມໄຂສົກ ຮຽນໃໝ່ 2017-2018, ສະຖາ ບັນ ໄດ້ກະກຽມຫລາຍບັນຫາ ເພື່ອເປີດຮັບສະໝັກນັກຮຽນ- ນັກສຶກສາຊຸດໃໝ່, ໂດຍສະເພາະ ພື້ນຖານໂຄງລ່າງຂອງສະຖາ ບັນ, ເຊິ່ງໄດ້ສຳເລັດການກໍ່ສ້າງ ອາຄານຫລັງໃໝ່ ເພື່ອຮັບຮອງ ນັກສຶກສາຊຸດໃໝ່ ແລະ ເກົ່າໃຫ້ ສະດວກສະບາຍ, ພ້ອມທັງປັບ ປຸງການຮຽນ-ການສອນໃຫ້ ທຽບເທົ່າກັບສາກົນ, ເຊິ່ງໃນສົກ ຮຽນນີ້, ຈະຮັບນັກສຶກສາເຂົ້າ ຮຽນປີ 1 ປະມານ 500-600 ຄົນ, ບວກກັບນັກສຶກສາເກົ່າ (ຜູ້ ທີ່ເລື່ອນຈາກປີ 1 ຂຶ້ນໄປຢູ່ປີ 2 ແລະ 3) ລວມທັງໝົດ 2 ພັນ ກວ່າຄົນ, ເຊິ່ງຫລາຍກວ່າໝູ່ ແມ່ນຂະແໜງໄອທີ ສະເລ່ຍ ແລ້ວ ປະມານ 1 ພັນກວ່າຄົນ ແລະ ອີກ 1 ພັນກວ່າຄົນແມ່ນ ຈັດຢູ່ໃນຂະແໜງໄຟຟ້າ, ລົດຍົນ, ຊ່າງຕັດຫຍິບ, ຊ່າງເສີມສວຍ, ປຸງແຕ່ງອາຫານ, ຊ່າງອີເລັກ ໂຕຼນິກ, ຊ່າງກໍ່ ແລະ ຊ່າງໄມ້, ພິເສດ ໃນປີນີ້ ມີນັກຮຽນ ເຂົ້າມາ ສະໝັກໃນຂະແໜງປຸງແຕ່ງ ອາຫານ ເພີ່ມຂຶ້ນຈາກທຸກໆປີ, ເນື່ອງຈາກຄວາມຮຽກຮ້ອງ ຕ້ອງການຕະຫລາດແຮງງານ ໃນປັດຈຸບັນ, ຈຶ່ງເຮັດໃຫ້ວິຊາ ຊີບດັ່ງກ່າວມີຄວາມສຳຄັນ ແລະ ມີຜູ້ໃຫ້ຄວາມສົນໃຈຫລາຍຂຶ້ນຕາມລຳດັບ. ຂະນະດຽວກັນ, ສະຖາບັນພັດທະນາສີມືແຮງ ງານລາວ-ເກົາຫລີ ຍັງໄດ້ເລັ່ງ ໃສ່ຝຶກອົບຮົມ ຄູ-ອາຈານຈຳ ນວນໜຶ່ງ ເພື່ອຮອງຮັບນັກ ຮຽນ-ນັກສຶກສາ ສົກຮຽນ ໃໝ່ນີ້ ໃຫ້ມີຄວາມຮູ້ຫລາຍຂຶ້ນ ເພື່ອ ຖ່າຍຖອດຄວາມຮູ້ດັ່ງກ່າວ ໃຫ້ນັກຮຽນຂອງຕົນໄດ້ດີຂຶ້ນ ກວ່າເກົ່າ.

 

- lattana 1 - ສະຖາບັນພັດທະນາສີມືແຮງງານລາວ-ເກົາຫລີ ຈະໄຂສົກຮຽນໃນຕົ້ນເດືອນຕຸລານີ້

- xderr - ສະຖາບັນພັດທະນາສີມືແຮງງານລາວ-ເກົາຫລີ ຈະໄຂສົກຮຽນໃນຕົ້ນເດືອນຕຸລານີ້

ທ່ານຫົວໜ້າສະຖາບັນ ໃຫ້ຮູ້ຕື່ມວ່າ: ເມື່ອກາງ ປີຜ່ານ ມານີ້, ສະຖາບັນຂອງຕົນຍັງ ໄດ້ລົງນາມໃນບົດບັດທຶກ ຄວາມເຂົ້າໃຈ ກັບລັດຖະບານ ສ. ເກົາຫລີ, ໃນມູນຄ່າການ ຊ່ວຍເຫລືອ 5 ລ້ານໂດລາສະ ຫະລັດ, ເຊິ່ງຈຳນວນເງິນດັ່ງ ກ່າວທາງສະຖາບັນໄດ້ນຳໃຊ້ ເຂົ້າໃນ 4 ກິດຈະການໃຫຍ່ຄື: 1. ປຸກສ້າງຫໍພັກເພື່ອຮອງຮັບນັກ ສຶກສາທີ່ມາຈາກຕ່າງແຂວງ ແລະ ເຂດຊົນນະບົດ; 2. ປັບປຸງ ຫ້ອງຮຽນ, ຈັດຊື້ໂຕະຕັ່ງໃໝ່ ແລະ ປ່ຽນແວ່ນແກ້ວປ່ອງ ຢ້ຽມໃໝ່ ເພື່ອໃຫ້ສະພາບແວດ ລ້ອມຂອງຫ້ອງຮຽນມີບັນ ຍາດດີຂຶ້ນ; 3. ຈັດຊື້ອຸປະກອນ ການ ຝຶກອົບຮົມເຂົ້າໃໝ່; 4. ຍົກລະດັບພະນັກງານ ຄູ-ອາ ຈານ, ໂດຍການນຳສົ່ງໄປສຶກ ສາຕໍ່ທີ່ ສ.ເກົາຫລີ, ເພື່ອພັດທະນາ ຄວາມຮູ້-ຄວາມສາມາດໃຫ້ ກ້າວໜ້າກວ່າເກົ່າ.
ນັບແຕ່ປີ 2005 ເປັນຕົ້ນ ມາ, ມີນັກສຶກສາສຳເລັດການ ສຶກສາຈາກສະຖາບັນດັ່ງກ່າວ ທັງໝົດ 8 ພັນກວ່າຄົນ, ຂະນະ ດຽວກັນ ໃນແຕ່ລະປີ ຍັງມີ ຫລາຍບໍລິສັດເຂົ້າມາຄັດເລືອກ ເອົານັກສຶກສາ ເພື່ອໄປເຮັດວຽກ ໃນຫລາຍຕຳແໜ່ງຕ່າງໆຢູ່ບໍລິສັດໄດ້ຢ່າງເໝາະສົມ.

 

- 20156019 938936152913737 3092238913767393499 n 1 300x225 - ສະຖາບັນພັດທະນາສີມືແຮງງານລາວ-ເກົາຫລີ ຈະໄຂສົກຮຽນໃນຕົ້ນເດືອນຕຸລານີ້

 

 

error: Content is protected !!