ສູນກາງສະຫະພັນແມ່ຍິງລາວ ອົບຮົມວິຊາຊີບສໍາລັບແມ່ຍິງ

- advert banner 728 90 728x90 - ສູນກາງສະຫະພັນແມ່ຍິງລາວ ອົບຮົມວິຊາຊີບສໍາລັບແມ່ຍິງ

ສູນກາງສະຫະພັນແມ່ຍິງລາວ ໄດ້ເປີດຊຸດຝຶກອົບຮົມວິຊາຊີບສໍາລັບແມ່ຍິງ ເພື່ອສ້າງຄວາມສາມາດດ້ານວິຊາຊີບ ສໍາລັບແມ່ຍິງຄື: ວິຊາປຸງແຕ່ງອາຫານ, ຕັດຫຍິດ ແລະ ເສີມຄວາມງາມ ເປັນໄລຍະ II ເລີ່ມແຕ່ວັນທີ 19 ກັນຍາ ຫາ 30 ພະຈິກ 2017, ຢູ່ສູນອົບຮົມແມ່ຍິງລາວ, ໂດຍໃຫ້ການສະໜັບສະໜູນຂອງ ກະຊວງສະເໝີພາບຍິງ-ຊາຍ ແລະ ຄອບຄົວ ສ ເກົາຫລີ, ໂດຍການເຂົ້າຮ່ວມເປີດພິທີຂອງທ່ານ ຮອງປະທານຄະນະບໍລິຫານສູນກາງສະຫະພັນແມ່ຍິງລາວ.

- new3 - ສູນກາງສະຫະພັນແມ່ຍິງລາວ ອົບຮົມວິຊາຊີບສໍາລັບແມ່ຍິງ

ພາຍຫຼັງທີ່ໄດ້ຮັບການອະນຸມັດເພື່ອສືບຕໍ່ຈັດຕັ້ງປະຕິບັດໂຄງການຮ່ວມມື ລະຫວ່າງ ສູນກາງສະຫະພັນແມ່ຍິງລາວ ແລະ ກະຊວງສະເໝີພາບບົດບາດຍິງ-ຊາຍ ແລະ ຄອບຄົວຂອງ ສ ເກົາຫລີ. ເພື່ອແນ່ໃສ່ສົ່ງເສີມຄວາມຮູ້, ຄວາມສາມາດ ແລະ ສ້າງຄວາມເຂັ້ມແຂງດ້ານວິຊາຊີບ ໃຫ້ແມ່ຍິງຜູ້ທີ່ທຸກຍາກ ແລະ ດ້ອຍໂອກາດ, ເພື່ອໃຫ້ເຂົາເຈົ້າມີວິຊາອາຊີບ ແລະ ສາມາດສ້າງລາຍຮັບໃຫ້ຕົນເອງ ແລະ ຄອບຄົວ, ເພື່ອຊ່ວຍເອື້ອຍນ້ອງມີຊີວິດການເປັນຢູ່ດີຂຶ້ນ. ການຝຶກອົບຮົມວິຊາຊີບສໍາລັບແມ່ຍິງນີ້ ນອກຈາກຈະມີຄວາມສໍາຄັນຕໍ່ຊີວິດການເປັນຢູ່ດີຂຶ້ນແລ້ວ ຍັງແມ່ນບຸລິມະສິດສໍາຄັນໃນແຜນພັດທະນາແມ່ຍິງລາວ ແຕ່ປີ 2016-2020 ໃນ 8 ແຜນງານ 36 ໂຄງການ, ໂດຍສະເພາະແຜນງານທີ 1 ຄື: ການພັດທະນາຊັບະຍາກອນເພດຍິງ ແລະ ແຜນງານທີ 3 ສົ່ງເສີມການປະກອບອາຊີບ ແລະ ດໍາເນີນທຸລະກິດຂອງແມ່ຍິງ ເພື່ອເຮັດໃຫ້ແມ່ຍິງ ຫຼຸດພົ້ນອອກຈາກຄວາມທຸກຍາກເທື່ອລະກ້າວ.

- lattana 1 - ສູນກາງສະຫະພັນແມ່ຍິງລາວ ອົບຮົມວິຊາຊີບສໍາລັບແມ່ຍິງ
error: Content is protected !!