ສ້າງບ້ານຕົວແບບໂຄງການພັດທະນາເຂດພູພຽງບໍລະເວນ.

- advert banner 728 90 728x90 - ສ້າງບ້ານຕົວແບບໂຄງການພັດທະນາເຂດພູພຽງບໍລະເວນ.

   ເມືອງປາກຊ່ອງແຂວງຈຳປາສັກຮ່ວມກັບໂຄງການພັດທະນາແບບກວມລວມທົ່ວເຂດພູພຽງບໍລະເວນ, ໄດ້ປະກາດຮັບຮອງເອົາການສ້າງບ້ານທົ່ງກາຫລົງໂຮມກັບບ້ານໜອງເຂືອງນ້ອຍກຸ່ມ 8 ເມືອງປາກຊ່ອງ ເປັນບ້ານຕົວແບບປະຕິບັດໂຄງການແຜນພັດທະນາແບບກວມລວມທົ່ວເຂດພູພຽງບໍລະເວນ ເພື່ອແນໃສ່ສົ່ງເສີມການຜະລິດເປັນສີນຄ້າ ແລະ ລົບລ້າງຄວາມທຸກຍາກຂອງປະຊາຊົນດີຂຶ້ນ.

- new3 - ສ້າງບ້ານຕົວແບບໂຄງການພັດທະນາເຂດພູພຽງບໍລະເວນ.

ທ່ານ ອູ່ສະຫວັນ ທ່ຽງເທບວົງສາ ຮອງຫົວໜ້າໂຄງການດັ່ງກ່າວ ໃຫ້ຮູ້ວ່າ:ສໍາລັບຢູ່ພາກໃຕ້ລາວເຮົາ, ພັກ ແລະ ລັດຖະບານໄດ້ກຳນົດໃຫ້ມີໂຄງການແຜນພັດທະນາແບບກວມລວມທົ່ວເຂດພູພຽງບໍລະເວນ, ໂດຍໄດ້ແຕ່ງຕັ້ງຄະນະຮັບຜິດຊອບລະດັບຊາດປະກອບມີ 12 ກະຊວງ 1 ສະຖາບັນ, ມີ 3 ແຂວງຄື: ຈຳປາສັກ, ສາລະວັນ, ເຊກອງ, ມີ 3 ເມືອງຄື: ປາກຊ່ອງ, ເລົ່າງາມ ແລະ ທ່າແຕງ ແລະ ໃນເຂດພູພຽງບໍລະເວນແມ່ນກໍານົດເອົາການຂຸດຄົ້ນທ່າແຮງບົ່ມ ຊ້ອນເພື່ອພັດທະນາໃຫ້ຮັບປະກັນຄວາມຍືນຍົງສີຂຽວ.

ທ່ານ ວັນທອງ ແພງວິຈິດ ຮອງຫົວໜ້າສະຖາບັນກະສິກຳ ແລະ ປ່າໄມ້ ກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ການສ້າງບ້ານທົ່ງກາຫລົງໂຮມກັບບ້ານໜອງເຂືອງນ້ອຍເປັນບ້ານຕົວແບບເລີ່ມຈັດຕັ້ງປະຕິບັດມາແຕ່ຕົ້ນເດືອນກັນຍາ 2017 ໂດຍມີກະຊວງກະສິກຳ-ປ່າໄມ້, ຊັບພະຍາກອນທຳມະຊາດ ແລະ ສິ່ງແວດລ້ອມ, ພາຍໃນ, ໂຍທາທິການ ແລະ ຂົນສົ່ງ, ກຳລັງປ້ອງກັນຊາດ, ປ້ອງກັນຄວາມສະຫງົບ ແລະ ອົງການຈັດຕັ້ງຊາວໜຸ່ມ-ແມ່ຍິງຂັ້ນເມືອງ, ໂດຍໄດ້ສຶກສາສຳຫລວດເກັບກຳຂໍ້ມູນ ເພື່ອຂຽນກິດຈະກຳເປັນໂຄງການໃນການພັດທະນາຕາມແຕ່ລະຂະແໜງ ແລະ ສຳເລັດການກຳນົດກິດຈະກຳໂຄງການດ້ານກະສິກຳ-ປ່າໄມ້, ກຳນົດແຜນທີ່ຂອງບ້ານ, ແຜນທີ່ການອະນຸລັກປົກປັກຮັກສາປ່າໄມ້, ແຜນການປັບປຸງກໍ່ສ້າງເສັ້ນທາງ, ນ້ຳປະປາ, ການຂຶ້ນສຳມະໂນຄົວ ແລະ ການສ້າງຂະບວນການດ້ານຕ່າງໆຂອງມວນຊົນ, ຊຶ່ງອໍານາດການປົກຄອງ ແລະ ປະຊາຊົນຂອງບ້ານໄດ້ເປັນເອກະພາບກັນປະຕິບັດຢ່າງຕັ້ງໜ້າ.

- lattana 1 - ສ້າງບ້ານຕົວແບບໂຄງການພັດທະນາເຂດພູພຽງບໍລະເວນ.

ທ່ານນາຍບ້ານທົ່ງກາຫລົງ ໃຫ້ຮູ້ວ່າ: ບ້ານທົ່ງກາຫລົງ ແລະ ໜອງເຂືອງນ້ອຍ ເມື່ອກ່ອນແມ່ນເປັນເຂດຈຸດສຸມພັດທະນາຂອງແຂວງ ແລະ ການກຳນົດເອົາເຂດດັ່ງກ່າວແມ່ນມີຄວາມເໝາະສົມ, ທັງເປັນການຍົກລະດັບເຂດດັ່ງກ່າວ ໃຫ້ກາຍເປັນຕົວເມືອງນ້ອຍໃນຊົນນະບົດເທື່ອລະກ້າວ.

error: Content is protected !!