ກອງທຶນປະກັນສັງຄົມ ແລະ ໂຮງໝໍຕ່າງໆທົ່ວປະເທດເປັນເອກະພາບຍົກສູງຄຸນນະພາບການປິ່ນປົວ

- Untitled design - ກອງທຶນປະກັນສັງຄົມ ແລະ ໂຮງໝໍຕ່າງໆທົ່ວປະເທດເປັນເອກະພາບຍົກສູງຄຸນນະພາບການປິ່ນປົວ

 

ຫ້ອງການກອງທຶນປະກັນສັງຄົມແຫ່ງຊາດ ຮ່ວມກັບ ໂຮງໝໍທົ່ວປະເທດ, ຈັດກອງ ປະຊຸມຖອດຖອນບົດຮຽນ ແລະ ເຊັນສັນຍາການບໍລິການປິ່ນປົວສຸຂະພາບ, ພາຍໃຕ້ ລະບົບປະກັນສັງຄົມ, ຂື້ນໃນວັນທີ 29 ມີນານີ້, ທີ່ນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານ ຄຳແກ້ວ ສານບຸນຄູນໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ.

ກອງປະຊຸມໄດ້ເລັ່ງປືກສາຫາລື ແລະ ຖອດຖອນບົດຮຽນການບໍລິການປິ່ນປົວ ທາງດ້ານການແພດ, ພາຍໃຕ້ນະໂຍບາຍປະກັນສັງຄົມ ແລະ ເພື່ອສືບຕໍ່ເປັນເອກະພາບ ດ້ານເນື້ອໃນຂອງສັນຍາຂອງການບໍລິການປິ່ນປົວທາງການແພດ ລະຫວ່າງຫ້ອງການກອງ ທຶນປະກັນສັງຄົມແຫ່ງຊາດກັບບັນດາໂຮງໝໍຕ່າງໆນັບແຕ່ສູນກາງລົງຮອດເມືອງໃຫ້ມີຄຸນນະພາບ.

ທ່ານ ປະເດີມພອນ ສົນທະນີ ຜູ້ອຳນວຍການຫ້ອງການກອງທຶນປະກັນສັງຄົມ ແຫ່ງຊາດ, ໄດ້ລາຍງານໂດຍຫຍໍ້ຂອງສະພາບການຈັດຕັ້ງປະຕິບັດວຽກງານປະກັນສັງຄົມ ແຫ່ງຊາດ ແລະ ສະພາບການປັບປຸງຄຸນນະພາບຂອດບໍລິການຂອງໂຮງໝໍ, ພ້ອມທັງການປັບປຸງ ແລະ ສຶກສາອົບຮົມແນວຄິດການເມືອງໃຫ້ພະນັກງານມີຈັນຍາບັນ, ຈັນຍາ ທຳ ເພື່ອໃຫ້ການບໍລິການມີຄຸນນະພາບ ແລະ ເປັນທີ່ຍອມຮັບຂອງສັງຄົມ.

- Wave100S AD to Website 2020 0 - ກອງທຶນປະກັນສັງຄົມ ແລະ ໂຮງໝໍຕ່າງໆທົ່ວປະເທດເປັນເອກະພາບຍົກສູງຄຸນນະພາບການປິ່ນປົວ

ໃນໂອກາດນີ້, ສອງຝ່າຍໄດ້ຮ່ວມລົງນາມສັນຍາມອບເໝົາການປິ່ນປົວສຸຂະພາບລະຫວ່າງ ຫ້ອງການກອງທຶນປະກັນສັງຄົມແຫ່ງຊາດ ແລະ ບັນດາໂຮງໝໍໃນທົ່ວປະເທດ ສະບັບໃໝ່, ໂດຍສັນຍາສະບັບນີ້ ໄດ້ເພີ່ມອັດຕາການມອບເໝົາຕື່ມຄື: ໂຮງໝໍສູນກາງແມ່ນເກັບຄົນລະ 130.000 ກີບ/ປີ, ໂຮງໝໍແຂວງແມ່ນເກັບຄົນລະ 110.000 ຄົນ/ປີ, ສ່ວນກໍລະນີໂຮງໝໍບໍ່ມີຢາສະໜອງໃຫ້ຄົນເຈັບທີ່ນຳໃຊ້ບັດປະກັນສັງຄົມ, ຊຶ່ງເປັນຄຳສັ່ງຈາກແພດໝໍນັ້ນກໍຈະແມ່ນໂຮງໝໍເປັນຜູ້ຮັບຜິດຊອບໃນການທົດແທນຄືນມູນຄ່າຢາດັ່ງກ່າວໃຫ້ຄົນເຈັບຄື: ຖ້າມູນຄ່າບໍ່ເກີນ 100.000 ກີບແມ່ນໃຫ້ທົດແທນທັນທີ, ແຕ່ຖ້າເກີນ 1 ແສນກີບຂຶ້ນໄປແມ່ນໃຫ້ທົດແທນພາຍໃນ 15 ວັນ ແລະ ຖ້າກໍລະນີຫລາຍກວ່ານີ້ແມ່ນບໍ່ໃຫ້ເກີນ 30 ວັນ. ນອກນີ້ ຍັງໃຫ້ໂຮງໝໍຮັບຜິດຊອບປິ່ນປົວຜູ້ນຳໃຊ້ບັດປະກັນສັງຄົມ, ໂດຍຜູ້ກ່ຽວໄດ້ປະສົບອຸປະຕິເຫດໃນການສັນຈອນດ້ວຍພາຫະນະ ທີ່ບໍ່ກ່ຽວກັບວຽກງານຮັບຜິດຊອບ, ກົງກັນຂ້າມ ຖ້າຜູ້ນຳໃຊ້ບັດປະກັນສັງຄົມມີເຈດຕະນາທຳຮ້າຍຕົນເອງ ແລະ ລຸລູກແບບບັງຄັບແມ່ນໂຮງໝໍຄູ່ສັນຍາທີ່ເລືອກປິ່ນປົວສຸກເສີນໃນມູນຄ່າບໍ່ເກີນ 1 ແສນກີບ ແລະ ໃນກໍລະນີເຈັບເປັນຍ້ອນເສບຢາເສບຕິດ ແລະ ທະເລາະວິວາດແມ່ນໃຫ້ຜູ້ກ່ຽວຮັບຜິດຊອບປິ່ນປົວດ້ວຍຕົນເອງ.

- WhatsApp Image 2020 05 27 at 5 - ກອງທຶນປະກັນສັງຄົມ ແລະ ໂຮງໝໍຕ່າງໆທົ່ວປະເທດເປັນເອກະພາບຍົກສູງຄຸນນະພາບການປິ່ນປົວ
- WhatsApp Image 2020 05 27 at 5 - ກອງທຶນປະກັນສັງຄົມ ແລະ ໂຮງໝໍຕ່າງໆທົ່ວປະເທດເປັນເອກະພາບຍົກສູງຄຸນນະພາບການປິ່ນປົວ
error: Alert: ເນື້ອຫາຂ່າວມີລິຂະສິດ !!