ສົ່ງເສີມການຜະລິດສິນຄ້າຍັງເປັນຮູບປະທຳໜ້ອຍ

- advert banner 728 90 728x90 - ສົ່ງເສີມການຜະລິດສິນຄ້າຍັງເປັນຮູບປະທຳໜ້ອຍ

- WhatsApp Image 2017 09 20 at 13 - ສົ່ງເສີມການຜະລິດສິນຄ້າຍັງເປັນຮູບປະທຳໜ້ອຍ

- new3 - ສົ່ງເສີມການຜະລິດສິນຄ້າຍັງເປັນຮູບປະທຳໜ້ອຍ

ໂດຍ​: ທ່ຽງ​ທຳ

​ເພ່ືອນ​ຜູ້​ອ່ານ​ທີ່​ຮັກ​ແພງ, ​ໃນ​ຊຸມ​ປີຜ່ານມາ​ມໍ່ໆ​ນີ້ ​ເຖິງ​ວ່າ​ພັກ ​ແລະ ລັດຖະບານ​ເຮົາ​ໄດ້​ເອົາ​ໃຈ​ໃສ່​ເປັນ​ພິ​ເສດ​ໃນ​ການ​ສົ່ງ​ເສີມ​ການ​ຜະລິດ​ສິນຄ້າ​ຂອງ​ປະຊາຊົນ​ລາວ​ບັນດາ​ເຜົ່າ ​ແລະ ມີ​ພຽງ​ຫົນທາງ​ດຽວ​ທີ່​ພວກ​ເຮົາ​ຈະ​ສາມາດ​ແກ້​ໄຂ​ສະພາບ​ຄວາມທຸກ​ຍາກ​ຂອງ​ປະຊາຊົນ​ໄດ້​ຕາມ​ລະດັບ​ຄາດໝາຍ​ວາງ​ໄວ້ ​ແລະ ສາມາດ​ນຳ​ເອົາ​ປະ​ເທດ​ຊາດ​ຫຼຸດ​ພົ້ນອອກ​ຈາກ​ປະ​ເທດ​ດ້ອຍ​ພັດທະນາ​ໃນ​ປີ 2020 ​ໄດ້ ​ແລະ ຈຸດໝາຍ​ດັ່ງກ່າວ, ມາ​ຮອດ​ປັດຈຸບັນ​ກໍ​ຍັງພຽງ​ປະມານ 2-3 ປີ​ເທົ່າ​ນັ້ນ, ​ແຕ່​ມາ​ເບິ່ງ​ເຖິງ​ຄວາມ​ເປັນ​ຈິງ​ຂອງ​ການ​ບັນລຸ​ເປົ້າໝາຍ​ດັ່ງກ່າວ​ແມ່ນ​ຍັງ​ມີ​ຄວາມບອບ​ບາງ. ຖ້າ​ເວົ້າ​ເລື່ອງ​ລາຍ​ຮັບ​ແຫ່ງ​ຊາດ ຕົ້ນຕໍ​ກໍ​ຈະ​ແມ່ນ​ຂະ​ແໜງ​ພະລັງງານ ​ແລະ ບໍ່​ແຮ່, ສ່ວນ​ທ່ອງ​ທ່ຽວ​ກໍ​ພວມ​ຢູ່​ໃນ​ຂັ້ນຕອນ​ບຸກ​ເບີກ ​ແລະ ນອກຈາກ​ນັ້ນກໍ​ຈະ​ແມ່ນ​ການ​ອາ​ໄສ​ສົ່ງ​ເສີມ​ການ​ຜະລິ​ດສິນຄ້າ​ພາຍ​ໃນ, ​ແຕ່​ມາ​ເບິ່ງ​ຄວາມ​ເປັນ​ຈິງ​ກໍ​ຍັງ​ເຮັດ​ໄດ້​ໜ້ອຍ. ຜົນ​ຜະລິດ​ກະສິກຳ​ຫຼາຍ​ອັນ​ທີ່​ກະສິກອນ​ເຮົາ​ມີ​ຄວາມ​ອາດ​ສາມາດ ​ແຕ່​ເບື້ອງຕະຫຼາດ​ຮອງ​ຮັບ​ພັດ​ຍັງ​ບໍ່​ເປັນ​ທີ່​ແນ່ນອນ. ຕົວຢ່າງ​ຄື: ການ​ປູກ​ສາລີ ​ແລະ ໝາກ​ເດືອຍ​ຂອງ​ບັນດາ​ແຂວງ​ພາກ​ເໜືອ ​ເມື່ອ​ໄລຍະ​ຕົ້ນກໍ​ສາມາດ​ຂາຍ​ອອກ​ຕະຫຼາດ​ໃກ້​ຄຽງ​ເຮົາ​ໄດ້​ໃນ​ລັກສະນະ​ທ້ອງ​ຖິ່ນ​ກັບ​ທ້ອງ​ຖິ່ນ, ​ແຕ່​ມາ​ຮອດ​ປັດຈຸບັນ​ສິ່ງ​ດັ່ງກ່າວ​ໄດ້​ຢຸດ​ສະ​ງັກລົງ ​ເນື່ອງ​ຈາກ​ຜູ້​ຜະລິດ​ຢູ່​ປະ​ເທດ​ເຂົາ​ກໍ​ສາມາດ​ເຮັດ​ໄດ້. ຕໍ່​ມາ​ແມ່ນ​ຂະ​ບວນການ​ປູກ​ມັນຕົ້ນ ​ເພື່ອ​ສະໜອງ​ໃຫ້​ໂຮງງານ​ຜະລິດ​ແປ້ງ​ມັນຕົ້ນຢູ່​ພາຍ​ໃນ, ​ແຕ່​ກໍ​ເນື່ອງ​ຈາກ​ການ​ຄຸ້ມ​ຄອງ​ບໍລິຫານ​ບໍ່​ດີ ​ເຮັດ​ໃຫ້​ໂຮງງານ​ລົ້ມລະລາຍ​ແລ້ວ​ຜູ້​ປູກ​ມັນຕົ້ນ​ເປັນ​ຈຳນວນ​ຫຼວງ​ຫຼາຍ​ກໍ​ຕາຍ​ໄປ​ຕາມ​ມັນ ​ແລະ ​ໃນ​ປັດຈຸບັນ​ແມ່ນ​ຂະ​ບວນການ​ປູກ​ໝາກ​ນາວ​ຂອງ​ກະສິກອນ​ເຮົາ​ກໍ​ເຮັດ​ໄດ້​ດີ, ​ແຕ່​ເນື່ອງ​ຈາກ​ຕະຫຼາດ​ຮອງ​ຮັບ​ບໍ່​ແນ່ນອນ ​ເຮັດ​ໃຫ້​ຜົນ​ຜະລິດ​ດັ່ງກ່າວ​ຂາຍ​ບໍ່​ອອກ, ປັດຈຸບັນ​ໝາກ​ນາວ​ໂລ​ໜຶ່ງ​ຢູ່​ນະຄອນຫຼວງ​ວຽງ​ຈັນ​ມີ​ພຽງ 2.000-3.000 ກີບ​ກໍ​ຍັງ​ຂາຍ​ຍາກ, ສ່ວນ​ຢູ່​ເຂດ​ຊານ​ເມືອງ​ບ່ອນ​ປູກ​ໝາກ​ນາວ​ໄດ້​ໃຫ້​ກັນ​ລ້າ​ກໍ​ກິນ​ບໍ່​ໝົດ.

- lattana 1 - ສົ່ງເສີມການຜະລິດສິນຄ້າຍັງເປັນຮູບປະທຳໜ້ອຍ

ຈາກ​ຈຸດ​ນີ້​ເຮົາ​ຈຶ່ງ​ເຫັນ​ວ່າ​ໃນ​ຜ່ານ​ມາ ພວກ​ເຮົາ​ສາມາດ​ເຮັດ​ໄດ້​ພຽງ​ໜ້າ​ທີ່​ສົ່ງ​ເສີມ, ສ່ວນ​ຈະ​ຂາຍ​ເປັນ​ສິນຄ້າ​ໄດ້ ຫຼື ບໍ່​ກໍ​ຍັງ​ຢູ່​ເບື້ອງຫຼັງ ​ແລະ ນີ້​ແມ່ນ​ໜ້າ​ທີ່​ຂອງ​ໃຜ, ຄົນ​ສ່ວນ​ໃຫຍ່​ກໍ​ຈະ​ຖິ້ມ​ໃຫ້​ຂົງ​ເຂດ​ອຸດສາຫະກຳ-ການ​ຄ້າ​ເປັນ​ຝ່າຍ​ວິ້ງ​ເຕັ້ນ ​ເພື່ອ​ຊອກ​ຕະຫຼາດ​ຮອງ​ຮັບ​ສິນຄ້າ​ພາຍ​ໃນ​ເຮົາ​ໃຫ້​ໝັ້ນທ່ຽງ ຈຶ່ງ​ຈະ​ເຮັດ​ໃຫ້ການ​ຜະລິດ​ມີ​ຄວາມ​ຍືນ​ຍົງ​ໄດ້. ​ເອົາລະ ! ​ເວົ້າ​ແນວ​ນີ້​ກໍ​ບໍ່​ແມ່ນ​ເພື່ອ​ສອນ​ແຂ້​ລອຍນ້ຳດອກ, ​ໃນ​ອະນາຄົດ​ກໍ​ຫວັງ​ວ່າ​ຂະ​ແໜງ​ການ​ກ່ຽວຂ້ອງ​ເພິ່ນ​ຈະ​ມີ​ທິດ​ທາງ​ໄວ້​ແລ້ວ ​ເພື່ອ​ສາມາດ​ສົ່ງ​ເສີມ​ການ​ຜະລິດ​ສິນຄ້າ​ຂອງ​ປະ​ເທດ​ເຮົາ​ນັບ​ມື້​ແຂງ​ແຮງ​ຍິ່ງ​ຂຶ້ນ ​ເພື່ອ​ຄວາມ​ສົມບູນ​ພູນ​ສຸກ​ຂອງ​ປະຊາຊົນ​ລາວ​ບັນດາ​ເຜົ່າ.

error: Content is protected !!