ເປີດຂຶ້ນແລ້ວງານວາງສະແດງສິນຄ້າດ້ານວັດສະດຸກໍ່ສ້າງ ແລະ ອຸປະກອນໄຟຟ້າ ຄັ້ງທໍາອິດໃນນະຄອນຫລວງວຽງຈັນ

- AGL banner - ເປີດຂຶ້ນແລ້ວງານວາງສະແດງສິນຄ້າດ້ານວັດສະດຸກໍ່ສ້າງ ແລະ ອຸປະກອນໄຟຟ້າ ຄັ້ງທໍາອິດໃນນະຄອນຫລວງວຽງຈັນ

ງານວາງສະແດງສິນຄ້າດ້ານວັດສະດຸກໍ່ສ້າງ ແລະ ອຸປະກອນໄຟຟ້ຄັ້ງທໍາອິດ ໄດ້ເປີດຂຶ້ນທີ່ນະຄອນຫລວງວຽງຈັນ, ໃນວັນທີ 20-24 ກັນຍານີ້, ຢູ່ສູນການຄ້າລາວ-ໄອເຕັກ. ໂດຍການເຂົ້າຮ່ວມຂອງທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງກະອຸດສາຫະກໍາ ແລະ ການຄ້າ.

ທ່ານ ສັງຄົມ ຈັກສຸກ ປະທານສະພາການຄ້າ ແລະ ອຸດສາຫະກໍາ ນະຄອນຫຼວງ ໄດ້ກ່າວວ່າ: ງານວາງສະແດງສິນຄ້າດ້ານວັດສະດຸກໍ່ສ້າງ ແລະ ອຸປະກອນໄຟຟ້າ, ໄດ້ຈັດຂຶ້ນເປັນຄັ້ງທໍາອິດ ໂດຍສະພາການຄ້າ ແລະ ອຸດສາຫະກໍາ ນະຄອນຫຼວງວຽງຈັນ ຮ່ວມກັບ ກຸ່ມບໍ່ລິສັດ ກໍ່ສ້າງ ແລະ ຕິດຕັ້ງໄຟຟ້າ (ປະເທດໄທ)  ເພື່ອເປັນການເປີດຕະຫລາດຈໍາຫນ່າຍສິນຄ້າ ແລະ ເປັນການໂຄສະນາສິນຄ້າໃຫ້ແກ່ຫົວຫນ່ວຍທຸລະກິດ ດ້ານການກໍ່ສ້າງ ແລະ ອຸປະກອນເຄື່ອງໃຊ້ໄຟຟ້າ ອັນເປັນທີ່ຍອມຮັບຂອງສັງຄົມ, ສິນຄ້າມີຄຸນນະພາບ ແລະ ສາມາດຕອບສະຫນອງຄວາມຕ້ອງການຂອງຜູ້ຊົມໃຊ້ ແລະ ກະຕຸກຊຸກຍູ້ໃຫ້ຜູ້ຜະລິດ ຫລືຜູ້ປະກອບການ ໄດ້ມີການພັດທະນາ, ດ້ານການຕະຫລາດ, ຄຸນນະພາບສິນຄ້າ ພ້ອມທັງເປັນການສ້າງລາຍຮັບ ແລະ ສ້າງຄວາມເຂັ້ມແຂງໃຫ້ແກ່ຫົວຫນ່ວຍທຸລະກິດການກໍ່ສ້າງ ແລະ ອຸປະກອນໄຟຟ້າ ທັງເປັນການແລກປ່ຽນບົດຮຽນ ລະຫວ່າງພາກທຸລະກິດ ດັ່ງກ່າວນໍາກັນອີກດ້ວຍ. ໃນງານຄັ້ງນີ້ ມີຫົວໜ່ວຍທຸລະກິດດ້ານວັດສະດຸກໍ່ສ້າງ ແລະ ອຸປະກອນໄຟຟ້າ ທັງພາຍໃນ ແລະ ປະເທດເພື່ອນບ້ານເຂົ້າຮ່ວມລວມທັງໝົດ 36 ຫ້ອງ, ໃນນັ້ນມີຫ້າງຮ້ານ, ບໍລິສັດ ດ້ານວັດສະດຸກໍ່ສ້າງ ແລະ ເຄື່ອງໃຊ້ໄຟຟ້າ ໃນນະຄອນຫຼວງວຽງຈັນ ເຂົ້າຮ່ວມ 21 ຫົວໜ່ວຍ ແລະ ບໍລິສັດຈາກປະເທດໄທ 15 ຫົວໜ່ວຍ. ໃນໂອກາດດຽວກັນ ລັດວິສາຫະກິດໄຟຟ້າລາວ ໄດ້ມອບເງິນ ລວມມູນຄ່າຫຼາຍກວ່າ 40 ລ້ານກີບ ເພື່ອສະໜັບສະໜູນງານຄັ້ງນີ້.

- Wave100S AD to Website 2020 0 - ເປີດຂຶ້ນແລ້ວງານວາງສະແດງສິນຄ້າດ້ານວັດສະດຸກໍ່ສ້າງ ແລະ ອຸປະກອນໄຟຟ້າ ຄັ້ງທໍາອິດໃນນະຄອນຫລວງວຽງຈັນ
-    AD conten website - ເປີດຂຶ້ນແລ້ວງານວາງສະແດງສິນຄ້າດ້ານວັດສະດຸກໍ່ສ້າງ ແລະ ອຸປະກອນໄຟຟ້າ ຄັ້ງທໍາອິດໃນນະຄອນຫລວງວຽງຈັນ
- lattana banner - ເປີດຂຶ້ນແລ້ວງານວາງສະແດງສິນຄ້າດ້ານວັດສະດຸກໍ່ສ້າງ ແລະ ອຸປະກອນໄຟຟ້າ ຄັ້ງທໍາອິດໃນນະຄອນຫລວງວຽງຈັນ
- lattana banner 1 - ເປີດຂຶ້ນແລ້ວງານວາງສະແດງສິນຄ້າດ້ານວັດສະດຸກໍ່ສ້າງ ແລະ ອຸປະກອນໄຟຟ້າ ຄັ້ງທໍາອິດໃນນະຄອນຫລວງວຽງຈັນ
error: Alert: ເນື້ອຫາຂ່າວມີລິຂະສິດ !!