ປກສ ແຂວງຈຳປາສັກ ກັກຕົວຜູ້ຄ້າຂາຍຢາເສບຕິດ 2 ຄົນ ພ້ອມຢາບ້າ 3.127 ເມັດ
ວັນທີ 17 ກໍລະກົດ 2023, ເຈົ້າໜ້າທີ່ ປກສ ແຂວງຈຳປາສັກໄດ້ກັກຕົວຜູ້ຄ້າຂາຍຢາ ເສບຕິດໄດ້ 2 ຄົນ ພ້ອມຂອງກາງຢາເສບຕິດປະເພດຢາບ້າ 3.127 ເມັດ.
ເຈົ້າໜ້າທີ່ພະແນກສະກັດກັ້ນ ແລະ ຕ້ານຢາເສບຕິດ ປ້ອງກັນຄວາມສະຫງົບ ແຂວງ ຈຳປາສັກ ລາຍງານວ່າ: ເວລາ 15:00 ໂມງ ຂອງວັນທີ 20 ມິຖຸນາ 2023, ເຈົ້າໜ້າ ທີ່ວິຊາສະເພາະໄດ້ຮັບການລາຍງານຈາກພົນລະເມືອງດີວ່າມີກຸ່ມຄົນບໍ່ດີເຄື່ອນໄຫວຄ້າຂາຍຢາເສບຕິດຢູ່ເຂດບ້ານໂນນສະຫວ່າງ ນະຄອນປາກເຊ ຈຶ່ງສົມທັບກັບພາກສ່ວນກ່ຽວຂ້ອງ ຕິດຕາມຂໍ້ມູນຄວາມຈິງ ແລະ ມ້າງເປົ້າໝາຍດັ່ງກ່າວ ຈົນມາຮອດວັນທີ 17 ກໍລະກົດ 2023, ຈຶ່ງສາມາດກັກຕົວຜູ້ຖືກຫາໄດ້ 2 ຄົນຄື: ທ້າວລັກກີ້ ອາຍຸ 27 ປີ, ອາຊີບກຳມະ ກອນ ຢູ່ບ້ານໜອງຫອຍ ເມືອງຊະນະສົມບູນ ແຂວງຈຳປາສັກ ພ້ອມຂອງກາງຢາບ້າ 2.941 ເມັດ, ເງິນກີບ 4 ລ້ານກວ່າກີບ ແລະ ນາງ ນາສຸກໄພວັນ ອາຍຸ 21ປີ,ນັກສຶກສາ ຢູ່ບ້ານໃໝ່ຫົວເມືອງ ເມືອງລະມາມແຂວງເຊກອງ, ພ້ອມຂອງກາງຢາບ້າ 186 ເມັດ, ໂທລະສັບ 1 ໜ່ວຍ ແລະ ລົດຈັກ 1 ຄັນ.
ປັດຈຸບັນເຈົ້າໜ້າທີ່ພວມສືບສວນ-ສອບສວນ ຂະຫຍາຍຜົນຫາຜູ້ ຮ່ວມຂະບວນການ ເພື່ອນຳມາດຳເນີນຄະດີຕາມລະບຽບກົດໝາຍ.
