“ແຜ່ນດິນຄຳ” ແຄມຝັ່ງແມ່ນ້ຳຂອງ

- advert banner 728 90 728x90 - “ແຜ່ນດິນຄຳ” ແຄມຝັ່ງແມ່ນ້ຳຂອງ

ຄຳສຸພາສິດທີ່ວ່າ “ເກົ້າອົດ ເກົ້າເຍື້ອນຫາກສີໄດ້ທ່ອນຄຳ” ໄປ ປະສົບຜົນເປັນຈິງດັ່ງຄອບຄົວ ຂອງ ນາງ ຈັນທະລາ ກັນຍາວົງ ອາຍຸ 35 ປີ ຢູ່ບ້ານປາກບຶງ ເມືອງ ປາກຊັນ ແຂວງບໍລິຄຳໄຊ, ທີ່ມີ ຄວາມດຸໝັ່ນຂະຫຍັນພຽນ ແລະ ໄດ້ຍຶດຖືເອົາອາຊີບປູກພືດກະສິກຳ ເປັນຫລັກໃນການສ້າງລາຍຮັບ ເຂົ້າຄອບຄົວຈົນສາມາດຫລຸດພົນອອກຈາກ ຄວາມທຸກຍາກ ແລະ ກາຍເປັນຄອບຄົວພັດທະນາໄດ້.

- new3 - “ແຜ່ນດິນຄຳ” ແຄມຝັ່ງແມ່ນ້ຳຂອງ

 

- dxxxxfg 300x225 - “ແຜ່ນດິນຄຳ” ແຄມຝັ່ງແມ່ນ້ຳຂອງ

 

+ ເຮັດເຂົ້າຕົ້ມຂາຍກໍມີລາຍໄດ້ດີ

+ ລ້ຽງງົວຊ່ວຍເສດຖະກິດຄອບຄົວດີຂຶ້ນ

ຄອບຄົວຂອງນາງ ຈັນທະ ລາ ກັນຍາວົງ ມີສະມາຊິກທັງໝົດ 6 ຄົນ, ຍິງ 2 ຄົນໃນນັ້ນມີແຮງ ງານຕົ້ນຕໍ 3 ຄົນ.
ຈາກການບອກເລົ່າຂອງ ນາງ ຈັນທະລາ ໄດ້ໃຫ້ຮູ້ວ່າ: ໄດ້ ເລີ່ມສ້າງຄອບຄົວໃນປີ 2002, ແຕ່ກອນຜົວມີອາຊີບຂັບລົດໃຫ້ ບໍລິສັດເອກະຊົນສ່ວນຕົນເອງ ຖືເອົາອາຊີບກະສິກຳເປັນຕົ້ນຕໍ ໃນ ເນື້ອທີ່ 2 ໄລ່ຢູ່ແຄມຝັ່ງແມ່ ນ້ຳຂອງ ແລະ ໄດ້ແບ່ງປູກໝາກ ເລັ່ນ, ໝາກເຂືອ ແລະ ຖົ່ວດິນ ເປັນສ່ວນໃຫຍ່, ການປູກຍັງເຮັດ ແບບປະຖົມປະຖານຜົນຜະລິດບໍ່ ໄດ້ດີເທົ່າທີ່ຄວນຖ້າອາໄສແຕ່ ລາຍຮັບຈາກການຂາຍຜົນຜະ ລິດດັ່ງກ່າວ ບວກກັບເງິນເດືອນ ຂອງຜົວພຽງກຸ້ມແຕ່ການໃຊ້ ຈ່າຍອັນຈຳເປັນ ໃນຄອບຄົວເທົ່າ ນັ້ນ. ຈິ່ງເຮັດໃຫ້ ຊີວິດການເປັນ ຢູ່ຂອງຄອບຄົວພົບກັບຄວາມ ຫຍຸ້ງຍາກຫລາຍດ້ານ.

 

- 98ec963286c7d611291008c4b24bbfcf 300x165 - “ແຜ່ນດິນຄຳ” ແຄມຝັ່ງແມ່ນ້ຳຂອງ

- lattana 1 - “ແຜ່ນດິນຄຳ” ແຄມຝັ່ງແມ່ນ້ຳຂອງ

ຈົນມາຮອດປີ 2012 ພາກ ລັດໄດ້ເຫັນຄວາມສຳຄັນຂອງ ການຜະລິດເປັນສິນຄ້າສະບຽງ ອາຫານ ແລະ ໄດ້ລົງມາຊ່ວຍ ເຝິກອົບຮົມເຕັກນິກໃນການປູກ ຝັງໃຫ້ປະຊາຊົນ ແລະ ຕົນເອງ ກໍໄດ້ເຂົ້າຮ່ວມ ແລະ ໄດ້ຮຽນຮູ້ ຫລາຍບົດຮຽນທີ່ສຳຄັນເປັນຕົ້ນ ແມ່ນວິທີປູກທີ່ຖືກຕ້ອງ, ການ ເລືອກແນວພັນ ແລະ ການປູກ ພືດທີ່ເໝາະສົມກັບລະດູການ ຫລັງຈາກນັ້ນຕົນເອງກໍນຳໄປທົດ ລອງເຫັນວ່າໄດ້ຮັບຜົນດີ, ຈຶ່ງໄດ້ ຂະຫຍາຍເນື້ອທີ່ການຜະລິດ ຈາກ 2 ໄລ່ມາເປັນ 7 ໄລ່ ເຊິ່ງໄດ້ ແບ່ງປູກພືດຕາມລະດູການຄື: ການປູກໝາກແຕງ ແລະ ມັນ ເພົາ 4 ໄລ່, ອີກ 3 ໄລ່ ປູກຜັກບົ່ວ, ຫອມປ້ອມ ແລະ ໝາກເລັ່ນ ເຫັນວ່າຕະຫລາດມີຄວາມຕ້ອງ ການຫລາຍ, ຜົນຜະລິດຂອງຕົນ ກໍໄດ້ລາຄາດີ, ມີແມ່ຄ້າຄົນກາງ ມາຮັບຊື້ຢູ່ກັບທີ່ຫລັງຈາກເຮັດ ໄດ້ໄລຍະໜຶ່ງຄອບຄົວຂອງຕົນກໍ ມີຊີວິດການເປັນຢູ່ດີຂຶ້ນ.

 

- eree 300x201 - “ແຜ່ນດິນຄຳ” ແຄມຝັ່ງແມ່ນ້ຳຂອງ

ນາງ ຈັນທະລາໃຫ້ຮູ້ອີກ ວ່າ: ມາຮອດເດືອນມິຖຸນາຕົນ ເອງໄດ້ເລີ່ມລົງມືປູກໝາກແຕງ ໃນເນື້ອທີ 4 ໄລ່ ເພາະວ່າເປັນ ພືດທີເໝາະສົມກັບລະດູນີ້ ອັນດັບ ທຳອິດແມ່ນ ຂັ້ນຕອນກະກຽມ ດິນຄືຕ້ອງໃຊ້ລົດໄຖດິນ ປະໄວ້ ປະມານ 4-5 ວັນແລ້ວຄາດຕື່ມ ອີກ ແລະ ຕີໃຫ້ເປັນຄູໃຊ້ຜ້າຢາງ ດຳປົກໄວ້ ຫລັງຈາກນັ້ນແມ່ນ ຂັ້ນຕອນກ້າເບ້ຍຄືຕ້ອງເອົາດິນ ທີ່ກຽມໄວ້ໃສ່ບອກກ້າເບ້ຍ ແລ້ວ ເອົາແກ່ນໝາກແຕງໃສ່ປົກດ້ວຍ ຂີ້ແກບແລ້ວຫົດນ້ຳເອົາຜ້າປົກໄວ້ ເພື່ອປ້ອງກັນໝົດ ຫລື ແມງໄມ້ ເຂົ້າໄປກິນການກ້າເບ້ຍຄັ້ງໜຶ່ງ ປະມານ 1 ໝື່ນກວ່າເບ້ຍ ປະໄວ້ 4-5 ວັນກໍຈະອອກເບ້ຍນ້ອຍ, ນຳໄປປູກໃສ່ໜານ ທີ່ເຮົາກຽມ ໄວ້ເມື່ອເບ້ຍໝາກແຕງປົ່ງໃບ ຄາຍແລ້ວສິດຢາຊີວະພາບບຳ ລຸງ ຮາກ (ເປັນຢາທີ່ຜະລິດຈາກ ທຳມະຊາດ ບໍມີສານພິດເຈືອປົນ 100%) ປະມານ 1-2 ອາທິດ ເຄືອໝາກແຕງຈະຂຶ້ນຄັ້ງປະ ມານ 45 ວັນກໍສາມາດ ເກັບຜົນ ລະປູກໄດ້ໂດຍຈະມີແມ່ຄ້າມາຮັບ ຊື້ຢູ່ ສວນ ໃນລາຄາໝື່ນ ລະຊາວ ພັນກີບ ໃນແຕ່ລະປີສາມາດ ຂາຍ ຜົນຜະລິດໄດ້ບໍ່ຕ່ຳກວ່າ 30 ລ້ານກີບ.

 

- 457888 300x200 - “ແຜ່ນດິນຄຳ” ແຄມຝັ່ງແມ່ນ້ຳຂອງ

ຫລັງຈາກປູກໝາກແຕ່ງ ແລ້ວ ໃນໄລຍະເດືອນຕຸລາ ຫລື ຫລັງໜ້າຝົນກໍຈະປູກມັນເພົາເປັນ ພືດທີ່ປູກງາຍການບົວລະບັດກໍບໍ່ ຫຍຸ້ງຍາກ ເພາະວ່າບໍ່ໄດ້ຫົດນ້ຳ ແລະ ບໍ່ໄດ້ໃສ່ປຸ່ຍ ວິທີປູກແມ່ນກະ ກຽມດິນ 4-5 ມື້ຫລັງຈາກໄຖ ແລະ ຄາດເຮັດເປັນຄັນຄູ ຕໍ່ໄປກໍ ຊັກແກ່ນມັນເພົາລົງໃສ່ຂຸມລະ 2 ເມັດ ພາຍໃນໜຶ່ງອາທິດຈະມີໜໍ່ ແຕກອອກມາ ໃຊ້ເວລາພຽງ 3 ເດືອນເທົ່ານັ້ນ ກໍສາມາດເກັບກູ້ ຜົນຜະລິດໄດ້ ແລະ ສາມາດສ້າງ ລາຍຮັບໄດ້ປະມານ 20 ລ້ານກີບ ຕໍ່ປີ ນອກນັ້ນຍັງມີລາຍຮັບຈາກ ການປູກຫອມບົ່ວ, ຫ້ອມປ້ອມ ແລະ ໝາກເລັ່ນ ຕື່ມອີກປະມານ 27 ລ້ານກີບ ລ້ວມລາຍຮັບທັງ ໝົດຈາກການຂາຍຜົນຜະລິດປີ ໜຶ່ງປະມານ 77 ລ້ານກວ່າກີບ, ປັດຈຸບັນຄອບຄົວມີເຮືອນຢູ່ຖາ ວອນ, ມີລົດໄຖນາເດີນຕາມ 1 ຄັນ, ລົດຈັກ 4 ຄັນ ແລະ ມີເງິນ ຝາກຈຳນວນໜຶ່ງເພື່ອສົ່ງລູກ ຮຽນ. ໃນຕອນທ້າຍນາງ ຈັນທະ ລາ ຍັງຝາກຄຳເວົ້າໄວ້ວ່າ: ການ ປູກພືດກະສິກຳເປັນອີກທາງ ເລືອກໜຶ່ງທີ່ເໝາະສົມ ແລະ ສາມາດສ້າງລາຍຮັບໄດ້ດີພໍສົມ ຄວນແຕ່ຕ້ອງໄດ້ທຸ້ມເທເຫື່ອແຮງ ແລະ ມີຄວາມຕັ້ງໃຈສູງຈິ່ງຈະສາ ມາດເຫັນຜົນສຳເລັດດັ່ງກ່າວ.

error: Content is protected !!